Slideshow Image 2

SALANG PRANGTAI YAN SALANG PYILAN A NAM-UP

PYILAN:- Ya hte gaw KIO hte Myen kasa ni Shweli kaw simsa lam hkrum bawng ma ai lam shiga na dat ai. Ndai lam hte seng nna Salang Prangtai a ningmu gaw gara hku rai kun, naw hpyan dan yu rit le.

PRANGTAI:- Nang mahtang shara shagu hkan e pyen du hkawm ai wa re majaw ndai lam hte seng nna nang kaw san la na ngu naw myit nga ai hte hkrak sha rai sai. Ngai gaw ndai Ting Kawk pa kaw lai nna gara de mung n du yu ai re. Raitimung mungkan shiga ni BBC, VOA, RFA zawn re ai kaw na shani shagu madat la nna lu wa ai shiga ni hpe bai shen maram la ai hte byin wa na masa hpe tup hkrak n rai timung, ni nawn ai mahtai lu wa na matu maram chyai ai madang sha rai nga ai. Dai hte maren KIO hte Myen kasa ni hkrum shaga ai hte seng nna, shanhte tsun shaga hkat ai lachyum hpe maram lu na matu shanhte a shingdu lam hpe naw hkaja nga ai hku re.

Myen ni a labau gaw, "Myanma atsa, dagong ka" nga ai. Shing rai Myen ni a ginra gaw Dagong, Pagan grup yin sha rai nna Yahkaing, Karen, Mon, Thai, du hkra matse labye rai zing la ai hpang dam lada ai Myenmung byin wa sai. KIO a shingdu lam hpe bai yu ga. Wunpawng Myusha ni gaw, jan n shang ai British asuya a hpyen hpung hpe htunghpau sinat lang nna 30 ning grup yin gasat wa nna mungkan majan (1) kaw gara hku shang gasat wa ai, mungkan majan (2) kaw Myen ni woi shang wa ai Japan ni hpe gara hku gasat shapraw dat ai, Myenmung shanglawt lu na matu mungmasa lam yan hte gara hku woi awn wa ai, lawu ga hkan Myen hkyeng, Myen hpraw ni kabrawng wa ai hpe gara hku shamyit kau ai, U Nu asuya gaw Yangon sha ngam sai hpe gara hku hkye la ya ai zawn re ai lareng lam tsun ga nga yang htum na n rai nga ai. Salang Pyilan a ningmu naw matut madat ga le.

PYILAN:- Wunpawng Myusha ni hte Myen ni a laram lam hpe gindaw yu ai shaloi:- Myen gaw magyi magaw masu hkalem ai npawt nhpang lang nna, Wunpawng Myusha ni gaw myit hpraw san ai atsam majing hpe npawt nhpang lang wa ai hpe mu lu ai. Dai ni na ten hta dai zawn re ai laram a npawt nhpang hta hkan nna KIO hte Myen kasa ni gaw mungkan pinra na mungmasa saboi kaw tsap let dwi ai, hkri ai, hkup ai, jap ai, shum ai namchyim lang nna atsam madun hkat nga ai aten rai li ai. Satan gaw KIO hta lai nna UNFC uhpung yawng hpe hkying hkum laman apyaw sha shalen la nna satan ni hkyen sa ai myit hkrum laika hta ta masat ka la lu masai. KIO hpe dai zawn rai shalen la na matu n loi na re hpe tau chye nga ai majaw jahkrit shama la ai ladat hte Wunpawng Mungdan chyam hkra lawu ga na hpyen hpung ni hpe jashawn dat ai shingkang hte aten ntam ai zing la na sai ngu ai lachyum madun nhtawm, maga mi de gaw mungmasha ni hpe satan a atsam htum hte zingri nat sat shamyit ai ladat hte jahkrit bang wa masai. Ya gaw KIO a shagri hpe abrep mani kau ya lu sai majaw kaga rawt malan hpung ni zawn simsa bawngban lam aloi sha myit hkrum ya na masai, nga nna kam let hkrum bawng wa ai hku rai malu ai.

Kaga rawt malan hpung ni hpe shalen la ai hpaji gaw, shanhte a ginra kaw nga mu nga mai rawt jat wa na matu Economic Zone shalat ya na, ngu ai maw lanyet lam rai nga ai. Hpang e pru wa na mahtai gaw, "Uhku a masa si la gawm" pyi n rai na re. Dai masa hpun ting hpe daw agrawp mat shangun nna, amyu ting hpe shamyit kau ai ladat she re hka! nga nna myit dum wa ai shani gaw hpang hkrat mat na sai.

Shing re ai ningmu hta hkan nna KIO kasa ni gaw amyu ting a gawng malai dang dep ai machye machyang lang rai, shingdu de na Myutsaw Salang ni jaw dat ai ningmu, KIO Ginjaw kaw na Ningbaw Ningla ni jaw dat ai ningmu a ntsa e, Yehowa kaw Wunpawng Myusha ni kyu jawm hpyi marawn ai marang e, Yehowa madun dat ai shingkang gaw KIO kasa ni a kraw lawang kaw shanu ya nga sai. Dai hta n-ga, Wunpawng Myusha shada hku nna htap htuk ai ga si ga ngau hte hpaji jaw hkat ai lam gaw awngdang lam lu wa na matu htoi kabrim ai Pyeng Ding rai nga ai.

PRANGTAI:- Masum n rai, an lahkawng a ningmu lahkawng hpe akyu jashawn ai rai yang, bum hpe sit kau lu ai atsam n rawng hkra raitimung, satan wa hpe dang kau lu ai madang sha gaw rai na re ngu kam let hpungdim dat ai law.

Pukdun (Ka matsing)

21 comments:

Anonymous said...

KIO gaw masu magaw ai wa re.
KIO gaw myu sha hpw dut sha ai wa re.
KIO gaw gasat sa wa ga.
KIO gaw mung dan dut sha ai wa re.
KIO gaw myu sha ni hpe jing ri ai wa re.
KIO gaw jawm dawm kau ga.
KIO gaw myu hpe tsaw ra ai nrai.

Lai wa sai ten hta kam hpa let lam sha gu hku nna ngun jaw,ja gumhprw ni jawm garum lai wa sai rai tim ya gaw grai yawn myit maji hkrum sai law.
WP myu sha ni e.....
KIO gaw an hte a kam hpa sha ra nrai mat sai le.
Grai ...yawn dit sai law...

Anonymous said...
This comment has been removed by a blog administrator.
Anonymous said...
This comment has been removed by a blog administrator.
Myujet said...

Ndai wa kadai ta?W.P sha ni a myit hpe jahten nga ai le.KIO a woi awn ai lam jaw .ga ai hpe ndai zawn jahpoi asawng ai gaw nkaja dik sai.myen a masha rai na nhten,kio hpe asawng ai gaw nhtuk la ai,w.p sha ni kaw ndai zawn re .ningmu nga ai hpe yawn dik sai.jahten sharun ai wa gaw Sadan a myit jasat re.

Anonymous said...

Lahta kaw comment jaw tawn ai Salang ANOMYMOUS e, nang gaw sagu hpyi hpun tawn ai chyahkyawn rai nna, sagu hpung kaw shang rawng nga ai wa rai ndai majaw nang hpe shakawn dat ai yaw.

Anonymous said...

KIO hpe gasat na matu ga saw nga ai salang e, nang gaw chyahkyawn rai nna sagu hpyi hpun tawn timung, sagu ni ngoi ai nsen sha pyi n chye shangoi ai wa rai lit dai. Sagu ni ngoi ai nsen gaw "Pe e..e.." she nga ai. Raitim na a nsen gaw, "Wu wu wu" ngu ai nsen she pru nga lit dai. Nang ra sharawng ai hte maren, na a amyu chyahkyawn ni gaw KIO hpe shani shagu gasat nga ninglen re.

Anonymous said...

KIO hpe jahpyak ai wa a yaw shada ai gaw, Wunpawng Myusha ni hpe lu shapawt tawn jang bawngban ai kaw manu rawng ai ningmu ni prai malap mat nna, kraw kaw n ji n-gu re ai myit sha rawng mat na matu rai nga ai. Lani mi hta shi gaw chyahkyawn rai nga ninglen sagu hpyi hpun tawn ai hpe grai hpyang dum wa na ra ai.

myu tsaw mung tsaw said...

n kau mi gaw myit htum mat n na hpang de hting nut mayu nga ma ai.n kau mi gaw lapran wa hkrang e mau nga mat nga ai.n kau mi gaw shawng de hpa mi rai rai rawt saga nga nga ma ai..n dai hpan 3 yen a myu tsaw myit,mung dan hpe tsaw ra ai myit gaw 1 sha rai nga ai...rai tim dai ni ning baw ni a mung masa hkrung lam hpe myit masin kraw kata hta hkra hkam sha na daram n gun n lu ai majaw rai na re..

myu tsaw mung tsaw said...

karen myu ni a lam hpe sawk sagawn yu ga.dai ni mung kan chyam let dum bru dum bra rai mat wa a ta?moi gaw rawt malan hpung yawng hta n gun kaba dik rawt malan hpung KNU nga n na ja ja tsap nga ai kaw na dai ni KNU kanu dap kaw na u hpung 4 ga garan mat sai.moi myu tsaw myit grai rawng ai nga karen myu sha ni dai ni hpa majaw myit masa ni ga garan mat ai?mung masa lam,hpyen lam hta hpa majaw myit daw mat ai?ngu karen myu sha ni hpe san yu yang shan hte tsun dan ai gaw K.N.U ning baw ni hpe mara shagun ma ai..K.N.U ning baw ni mung masa aten nau garawt ai majaw dai ni majan galu ai,mung shawa ni jam jau hkrum si hkala hkrum,myen sawa a zing ri zing rat ni hpe shaning law law hkam sha ra mat ai majaw myu tsaw myit,mung tsaw myit grai rawng ai nga tsun ai karen amyu sha ni n dan hkam mat ai..ya dai ni karen myu sha 100 hta 1 daram sha mung masa shaga sai.ngam ai ni gaw ti nang a lawt lam,rawt jat lam,kan bau bung li hpe sha myit shang sha nga mat sai hpe mu lu ai..n dai karen myu sha ni a mabyin gaw myen sawa sat n na karen myu sha ni htum mat ai n re,myit daw mat ai n re.ti nang a ning baw ni a mung masa aten garawt majan galu kau ai majaw byin pru wa ai mang hkang ni rai nga ai....dai ni an hte w.p myu sha ni hpe mung myen sawa gaw karen myu ni hpe galaw ai ladat hte maren gyam nga sai..an hte a K.I.O ning baw ni mung myen sawa a mung masa aten garawt ai de hkan garawt nang yang gaw karen myu ni a mabyin zawn byin wa na hpe shing ran mu n ngai..ya aten gaw w.p myu sha yawng sai gahtet,myit rawt myit hkrum nga ai a ten hta K.I.O ning baw ni hku n na galaw ra ai lam hpe tawk hprut daw dan let myu sha yawng hpe lam woi rawt sa wa na matu grai ahkyak ai a ten rai nga sai.HPRI NGU AI HPAN GAW GAHTET TAW NGA AI ATEN SHE TI NANG RA AI N HTU,N RI MAI SHAPRAW DUP LA AI ZAWN MYU SHA NI YAWNG MIYT HKRUM,MYIT GAHTET NGA AI ATEN SHE TI NANG RA SHARAWNG AI LAM HPE TAWK HPRUT DAW DAN GALAW SA WA NA AHKYAK AI..ngu yawng hpe hkung ga let,,,,,

Anonymous said...

dai wa myen n-gyi re

Anonymous said...

dai KIA,KIO jahpyak ai wana ganu hpe myen sawa ni madingcyain ti na lu da ai kasha re....myen sawa n-gyi re ..shi mung sawa jetjet re...N-dai wa hpe shawng katawng kau ra ai

Anonymous said...

Lahta wa gaw anhte myu sha jet jet nrai na re, ndai gaw myu sha ni yawng hpe myit garan shangun ai wa nan rai sai. shi gaw sawa kasha jet jet re majaw myit garan ya taw nga ai, K.K ma tsun da ai le awng dang wa maw ai shaloi tsa dan grai law wa na re nga ai. jahprak asawng ai ni law wa na re. dai hpe anhte myu sha ni chye na da ra nga ai. galoi mung maja nna myit nden shaja nga ga..dai rai yang she awng dang lam lu na re.

Anonymous said...

Lahta wa gaw anhte myu sha jet jet nrai na re, ndai gaw myu sha ni yawng hpe myit garan shangun ai wa nan rai sai. shi gaw sawa kasha jet jet re majaw myit garan ya taw nga ai, K.K ma tsun da ai le awng dang wa maw ai shaloi tsa dan grai law wa na re nga ai. jahprak asawng ai ni law wa na re. dai hpe anhte myu sha ni chye na da ra nga ai. galoi mung maja nna myit nden shaja nga ga..dai rai yang she awng dang lam lu na re.

Anonymous said...

Kia/kio hpe chyahpyak ai wa gaw .myen sai hte masha tai wa n na wp mying mying ai wa rai na re..

Anonymous said...

lahta na comment ka da ai wa gaw myen sai raung ai jinghpaw rai na re,shi ka ai laika si mung n jaw nga ai. Anhte yawng grai sadi maja ga.

Ja Chyum Mungga said...

Hpu nau ni e, tinang a amyu hpe jahpyak ninghkap ai wa hpe pawt singdawng nga ai wa a matu gaw, simsa ai myit n lu la ai rai nna, kaning re ai bungli galaw timung sum wa chye ai. Raitinung, tinang hpe jahpyak ninghkap nga ai wa hpe tinang a matu akyu jashawn chye ai hpu nau wa a matu chyawm gaw, Karai Kasang shaman da ya ai machye machyang hpe lang chye ai wa rai nna, prat chyanat awngdang ai akyu ara hkam sha lu na rin dai.

Anonymous said...

Teng ai law... Ja Chyum Mungga a matsun maroi hpe kamhpa nhtawm akyu jashawn chye ai kadai raitimung awngdang ai akyu ara hkam sha na re law.

Mai Ja Yang said...

Ja Chyum mungga matsun maroi a lachyum hpe chye na sai. Satan gaw WP myusha ni hpe asung jashawn ai ladat hte WP myusha ni hpe shamyit nga ai hpe asan sha myit dum wa sai. Satan wa anhte hpe n lu hkalem na re. Kahkyin gumdin ai n-gun hte satan hpe shakrip ga.

Anonymous said...

Tsawra ai Wunpawng myu sha ni e, KIO/KIA ningbaw ningla hte share shagan ni gaw moi kaw na ya daini na aten du hkra, WP myu hte mungdan a matu tatut apnawng shang lawm magam gun hpai taw ai ni re, ya ten hta mung K.K kaw n'gun la let lam shagu hta galaw nga ai re, shanhte hpe myit hkum shut kau mu yaw, anhte yawng a matu akyu yawm ai baw hpa mung galaw na n're, hpe kam ga. Mungkan shara shagu kaw du hkawm nga ai, Nang ngai anhte ni yawng mahtang she gara shara kaw , tatut shang lawm yang kaja na kun? ngu na myit sumru yu let, myit hpe shajin yu ga le .. God Bless You..

myu tsaw mung tsaw said...

myen sawa hte byin ai majan a majaw sha gaw an hte w.p myu sha ni yawng htum mat wa na gaw n re.k.k gaw tsa dan a lata de an hte w.p myu sha ni yawng a asak hpe ap kau ya na mung n re.hkrit hpa lam (1)sha nga ai.ya aten w.p myu sha ni grai kahkyin gumdin n gun lu nga ai ten mung masa aten nau garawt ai majaw myit htum,myit ung ang n na w.p myu sha ni a kahkyin gum din lam wa zai bru jang zawn a yai mat na tsang nga n ngai......

Anonymous said...

lahta kaw comment jaw let jahpoi asawng ai satan eeee nang gaw wp njet na re.. jinghpaw laika pi jaw hkra nka na sa asawng taw u yaw.. nang zawn re masha gaw hka e shang yang baren e mayu u ga.. hkarang kaw re yang sharaw matse labye e dun sha u ga.. jan prang e mung Mu achye u ga.. Ga mayu u ga.. lapu achye sat u ga.. modo adawt sat u ga... wan hkru si u ga.....

Post a Comment