Slideshow Image 2

GALANG U A LADAT

Ya ten Myen ni a lapran hta uphkang lahkum gashun ai ralata poi lamang hpe galaw hpang wa ma sai. Ndai lamang hpe tara ai ntara ai nga nna garu jahtau nga ma ai. Shada mara shagun hkat nga masai. An hte W.P sha ni gaw ndai lamang kaw nlawm shangun ai majaw poi yu ai kaw rai sa. KIO ni hte bawngban jahkrup ai lam hta shanhte myen ni a hkalem ai kaw n-gadawng bang ai majaw re da, Slg Jan Bawk Ja hpe sum na majaw da, Dr. Tu ja hpe sum na majaw da. Rai nu ga, masu magaw ai poi kaw annau ni nlawm na ma tu K.K gaw makawp maga da sai re. Ndai poi hta W.P sha ni nlu lawm ai majaw hpa myit yawn na lam nnga ai. Ndai ralata poi gaw an hte W.P Mungdan a gam maka hpe dawdan kau ai poi nre. Myen ni shada gashun sha hkat, magi magaw masu hkat sat hkat nat hkat ai hpe W.P myu sha ni la yu taw nga ga.. Jau gawng a nam kaw nna shan nga pru wa ai kaw htung hpau sinat hte hkap gap la nhtawm dinghku masha ni hpe hkru hkru kat kat mumu mai mai woi sha ai ladat galaw nga ga.

Ya gade nna yang ndai Myen ni shada sat hkat nat hkat nna mungdan hpe magra da nlu ai aten ni wa magang sai. Myen ngu ai gaw nhkru nkaja ai gaw hkri tung kata kaw nna lawm wa ai myu sha ni re. Myen gaw nmasu lu yang nan nchye nga ai myu re. Shan hte a Kungbawng rudi hta tinang a, hkaw hpe nkam jaw ai majaw hpunau chyaw, kawa, kanu hpe sat na mung gwi gwi rai ma ai,. Tibaw hkaw hkam wa hkaw hkam byin wa ai hte tinang a hpu nau ni yawng ngu na daram sat sharu kau ai. Kungbawng aru arat ni hpunau chyaw dinghku de hkat ai. Dai majaw mai gan labau sara ni Kungbawng hkaw hkam ni gaw hpunau sha da (kanu kawa langai sha, kawa langai kaw nna shangai ai) la hkat ai majaw mana hkaw hkam zawn re muk pru ai, bawnu nhpring ai ni muk hkaw hkam tai ma ai nga kada ma ai.

Tinang ngwi pyaw na matu kanu kawa, hpe sat na mung gwi gwi sha re. Shanhte a ga malai hta (gadai si yang si, ngai kaja jang rai sai) betu te te, nga te ma yin pi yaw, ye yin min hpyit (gwi jang hkaw hkam tai), n dai zawn re tinang ngwi jang rai sai kadai hpa byin byin ngu ai ting gyeng myit masin hpe madung tawn ai myit lai len ni nga ai myu ni re. Galoi mung kaja wa ai baw myu ni nre. Ya muk democracy tup hkrak wa lu lu, ganing re mung masa ladat wa lang lang myen ngu ai myu ni gaw ngwi pyaw simsa ai mungdan tai lu na nre.

Mungdan langai galu kaba ngwi pyaw wa lu na gaw ladat hta myit jasat lailen she madung re. Communist wa rai rai, Monocracy wa rai rai, Democracy wa rai rai myit san seng yang ngwi ngawn ai mungdan gaw de lu na re. Bagan prat kaw nna Thein Sein prat du hkra myen ni up hkang lai wa sai myen mung e gara prat hta wa ngwi ngawn lai wa sai ta?

Anhte a Jiwa ni myen a sat lawat hpe nchye ai majaw ga ngwi gangawn hta yawng nang lai mat sai. Anhte mung shaning (60) jan jam jau mat sai. Rai nu ga lai wa sai ten na hpe hpaji la nna ya lang bai nbyin hkra sadi ga. Moi na Jiwa ni gaw myen hte n ganawn yu ma ai majaw myen a myit masin hpe nchye ai, myen a abawp ai hpe kam shut mat ai re. Jiwa ni kam shut ai hka hpe ya kashu ban du hkra hka wa kau ra sai. Ram sa ga. Anhte jaw kau ra ai manu jahpu gaw law dik mat sai. W.P buga shara shagu hta hkrap kadu nga sai, Kasha, kanu kawa, kahpu kanau tam shamat ai hti ndang sai, miprwi ndang pru jin mat sai, hkrap jin nna shagri she ga gabrap pru mat sai (dai shagri hka ai, nam chyim gaw galoi du hkra hkam sha na ta?). W.P buga na maling, zinlawng, hka shi hkanu, bum pa layang yawng mung nhtang hku rai mat sai. Mali hka nu kaba mung nhtang hku lwi wa na ten du wa magang sai. Ya ya jang mungdan hpe hkye hpang ga nga yang pyi shaning kade na, na nchye sai, Myu sha ni a myit masin hpe hpa hte shamai na, ndai ning ma hkang ni galoi mishe....???

Moi kaw nna manawn masham, kashun gashe re jahtawng nhtu ai myen ni ya ralata poi ngut tim nang shoi nang sha nga nna mungdan kata nru nra byin wa na share, moi mung democracy lu masai dai shaloi mung gashun sha hkat nna colony prat hta grau sawng mat ai nrai ni, ya mung zawn zawsn sha re. Ndai zawn re ni hte myit nhkrum lawm ai mung K.K lajang ai re. La yu taw ga.

Mau mwi hta, wadu hte hkang hkyi gasat hkat ai hpe galang gaw myi mu simsi hte la yu taw nga nna lahkawng yan ba kalawp si mat jang she kan hkru hkra sha la ai galang a ladat hpe ya anhte lang yu ga le. Nau ntin ga, aten ning htoi gaw an hte Myu sha ni a lata kaw du wa na ra ai. Myen a ralata poi gaw anhte hte ding tawk nseng ai. Myen hte simsa lam nla ra ai, anhte gaw Jinghpaw Wungpawng... shanhte gaw Burma!

2 comments:

Mau Jin mau Jin said...

Ndai Laila Hta rawng ai myu Tsaw mung Tsaw , myit jasat hpe ngai hkap la ai. Madi shadaw ai. Teng man ai mungdan ndai hpe, teng man ai Ka rai wa jaw da ai re, gawknu bukda wa e jaw da ai nre. Karai Ra ai lam kio ni Hkan sa shatup Ra na re.

w.p shadang said...

GA GARAN SAI LAM N DAU YANG KAJA SAI.TI NANG MUNG DAN TI NANG UP HKANG NA ATEN DU SAI...

Post a Comment