April (2) bat Langai
Daini (2.4.2012) Bat langai ya, (3:00 pm - 4:00 pm) lapran, Tokyo mare, Shinagawa, Myen Mungdan Dat Kasa/ Hkanse Rung shawng kaw, Japan Mungdan du Jinghpaw Wunpawng Myu tsaw Mung tsaw share shagan ni hte kaga amyu bawsang mung masa wuhpung ni hku nna, Mungkan mungdan shara shagu kaw chyam bra shajang nga ai amyu sha ni yawng hte aten ahkying shani langai kaw sha, Wunpawng Mungdan kata kaw U Thein Sein Myen hpyen asuya ni gaw, Mungkan Wunpawng hpung (UN) kaw nna, tara shang tsep kawp pat hkum shingdang tawn da ai shinggyim ahkaw ahkang ni hpe ladu lanang tawt lai let, Amyu sha ni hpe amyu shamyit masing hte sat nat roi rip dip sha nga ai, Sagu la hpyi hpun nna Hkanghkyi Rawngba asuya ni hpe myit hkrum lahkrip ra ra hte ningmu amyu myu hku nna tsun sanglang hpyi shawn shajang let laja lana ninghkap n-gun madun lai mat wa masai lam chye lu ai.
Dai hta n-ga, 2008 ning a Ningpawt Ninghpang Gaw da ai Tara Upadi ni hpe tsep kawp n hkap la ninghkap ai hte 1947 ning February (12 ) ya shani, anhte a Jiwoi Jiwa ni ta masat jawm ka da ai Panglong Ga shaka Laika hte maren, amyu sha ni a lu la ging ai ahkaw ahkang ni hpe tup hkrak hkrang shapraw ya na matu, tang madun lai mat wa masai.
Ndai lamang hta Japan Mungdan du Hpunau Sam (SSND) ni hku nna mung, Hpyen yen tsin-yam ni a matu tsawra kumhpa alu sak jaw ai lam ni mung galaw lai mat wa masai. Sa du shang lawm n-gun madun lawm ai share shagan ni yawng marai (80) jan daram re lam chye lu ai.
Grau nna Rudi Kanu Mungdan kata kaw amyu sha ni yawng a gawng malai lam amyu myu hku nna machyi hkam ap nawng let, du daw sai hkaw myit ru yawnhkyen myit hki lit li pu ba jamjau hkrum shajang nga ai amyu sha ni yawng hte maren, Maigan Mungdan (22) kaw du shajang nga ai Amyu sha ni yawng mung, pyaw timung rau, yak timung rau myit hkumhkrang langai sha kraw dung kata na sai ga shaga let kaning gaw n di,masin gaw n si, Karai Wa kaw akyu hpyi manoi kamhpa let hkam sha shajang nga ga ai lam ni gaw n htum hkayan nan she rai nga mali ai law.
Dai hta n-ga, 2008 ning a Ningpawt Ninghpang Gaw da ai Tara Upadi ni hpe tsep kawp n hkap la ninghkap ai hte 1947 ning February (12 ) ya shani, anhte a Jiwoi Jiwa ni ta masat jawm ka da ai Panglong Ga shaka Laika hte maren, amyu sha ni a lu la ging ai ahkaw ahkang ni hpe tup hkrak hkrang shapraw ya na matu, tang madun lai mat wa masai.
Ndai lamang hta Japan Mungdan du Hpunau Sam (SSND) ni hku nna mung, Hpyen yen tsin-yam ni a matu tsawra kumhpa alu sak jaw ai lam ni mung galaw lai mat wa masai. Sa du shang lawm n-gun madun lawm ai share shagan ni yawng marai (80) jan daram re lam chye lu ai.
Grau nna Rudi Kanu Mungdan kata kaw amyu sha ni yawng a gawng malai lam amyu myu hku nna machyi hkam ap nawng let, du daw sai hkaw myit ru yawnhkyen myit hki lit li pu ba jamjau hkrum shajang nga ai amyu sha ni yawng hte maren, Maigan Mungdan (22) kaw du shajang nga ai Amyu sha ni yawng mung, pyaw timung rau, yak timung rau myit hkumhkrang langai sha kraw dung kata na sai ga shaga let kaning gaw n di,masin gaw n si, Karai Wa kaw akyu hpyi manoi kamhpa let hkam sha shajang nga ga ai lam ni gaw n htum hkayan nan she rai nga mali ai law.
0 comments:
Post a Comment