Ningnan mu dingsa kau, U htang mu chyahkan kau nga ai hpa, sinna hkran na marit pan tsawm mu hkrup jang, shaning galu mai dang waw ai hpe manam tim sharang kapa ya, kaji ai ten kaw na masha law law a jahpoi ai mayen mahtaw bun ai hpe sharang shalai nna, jamjau kata kaw mazang n'rin jit hkyi yawng gawn lajang ya ai, htingbu kaja hpe ya gaw shingdu dat ai masa shapraw nga ai, Thein Sein asuya masu hpe jinghku dingsa miwa gaw shaning galu madu mungdan myu sha ni hpe mung maden katut ai, kani majan, katsi majan hte shaning galu nmai rawt hkra ladat tam dip gamyet lai wa sai. Moi na tsaba sinna hpe myit hta n'ju dik nga yang, tsaba hte nyi nyi htep htep kanawn dan wa ai majaw jit hkyi yawng shup male kau ya na daram mayun ningyun bu nga sai. Myi man n'tau chye ai sadi n'dung ai myen asuya hpe ja ja nam lawm nna dumsi gamai ai ladat lang wa nga ai.
Ngarai chyinghka sin ai dingdung Korea hpe share ninghkring shap nna myen hpe achyaw alun na masa nga wa chye ai, hpa majaw nga yang myen hte sadi tawn nna, shingja laknak chyawm galaw ai masing hten mat na zawn re ai, shanhte hpaji hte malu masha garum galai hkat na lam sinna dan hpe mu marit jang shaning galu garum lai wa sai hpe hpa n'sawn ai sadi run masu hkrum ai hpe myit n'gut ai hte moi na pawt dik nga ai ningyun hpe myen kaw shadik chye wa ai. N'lung hta n'jung langa hta ze nga baw lachyum gale wa chye ai. Katsi majan byin hkat nga ai Miwa hte Russia ya ten hpyen chyawm shaman nga ai hpe yu yang majan kaba gaw annau ni mabyin kaw sama mawng wa chye ai. Ja ja annau ni ninghkap gasat yang tinang mungdan langai hku mungkan hta gran wa chye ai. Hpyen masa n'shayawm ai grau shaja wa yang Miwa gaw anhte hpe garum na re zawn dingdung Korea mung sum tsan myi hte yu wa chye ai. Jaw ai majan teng man ai majan awng dang na matu kade garum mung la ra ai. Tinang myu sha ni n'si na matu ganing re laknak hte mung myen hpe gap shachyut kau ra ai. Majan dang na matu hpa mung galaw ra ai. Tinang myu sha ni lawt lam a matu hpa mung galaw nan galaw ra ai. Tara gaw hpang kaw she wa na re ya jang jang hkam sha ai gaw annau ni she re.
Myen asuya gaw hpyen gumshem up hkang masa hpe loi loi tat kau na masa n'nga ai, ya yang na Rapdaw hpe kalang bai maram yu yang chye mai ai. Mi na hpyen de na ading tawk rapdaw Slg tai wa ai hpyen du ni hpe ya yang grau kaba ai lahta tsang du kaba ni hpe bai galai shatsam ai hpe yu nna chye mai ai zawn Thein Sein mung pat tawn ai hpe hpaw ya lu na sha madung tawn nna mungkan hpe masu hkalem na masa shapraw nga ai hpa majaw nga yang NLD ni a ga sadi hkam la ai shaloi tsun ra ai ga si hpe pyi n'mai galai ya ai. Teng Democracy jet ai asuya masing hku hkrang shapraw teng yang ga si dai sha gaw mai lai ya ai.
Grau nna gaw dai ni annau ni Ginjaw de hpyen n'gun kaba hte grau htu nna majan je wa ai hpe yu nna, hpyen asuya re ngu asan mai tsun ai. Myen asuya hpe galoi mai kam na lam n'nga ai. Balaminhtin (Mali Hka) mahkrai gap di kau saga. Du na bat hta myen mung de UN mungkan WP rapdaw amu madu Bang Ki Mun sa ai ten laja lana myen hpe htim gasat ra ai. Shaning galu rawt malan ai hkrun lam gaw ahkyak dik ai ten, mahtai asan pra pru na ten du sai. N'dai lang myen sum machyi sayang gaw anau ni tinang mungdan lu madu sai ngu tsun mai sai. Myen a ningnan mu dingsa kau re ladat masa gaw kabu yawn byin na nna sai. Ja ja li li grau ninghkap gasat ga.
Media majan mung grau shaja ga law. Ning htoi htoi wa sai.
Baren Numraw
Ngarai chyinghka sin ai dingdung Korea hpe share ninghkring shap nna myen hpe achyaw alun na masa nga wa chye ai, hpa majaw nga yang myen hte sadi tawn nna, shingja laknak chyawm galaw ai masing hten mat na zawn re ai, shanhte hpaji hte malu masha garum galai hkat na lam sinna dan hpe mu marit jang shaning galu garum lai wa sai hpe hpa n'sawn ai sadi run masu hkrum ai hpe myit n'gut ai hte moi na pawt dik nga ai ningyun hpe myen kaw shadik chye wa ai. N'lung hta n'jung langa hta ze nga baw lachyum gale wa chye ai. Katsi majan byin hkat nga ai Miwa hte Russia ya ten hpyen chyawm shaman nga ai hpe yu yang majan kaba gaw annau ni mabyin kaw sama mawng wa chye ai. Ja ja annau ni ninghkap gasat yang tinang mungdan langai hku mungkan hta gran wa chye ai. Hpyen masa n'shayawm ai grau shaja wa yang Miwa gaw anhte hpe garum na re zawn dingdung Korea mung sum tsan myi hte yu wa chye ai. Jaw ai majan teng man ai majan awng dang na matu kade garum mung la ra ai. Tinang myu sha ni n'si na matu ganing re laknak hte mung myen hpe gap shachyut kau ra ai. Majan dang na matu hpa mung galaw ra ai. Tinang myu sha ni lawt lam a matu hpa mung galaw nan galaw ra ai. Tara gaw hpang kaw she wa na re ya jang jang hkam sha ai gaw annau ni she re.
Myen asuya gaw hpyen gumshem up hkang masa hpe loi loi tat kau na masa n'nga ai, ya yang na Rapdaw hpe kalang bai maram yu yang chye mai ai. Mi na hpyen de na ading tawk rapdaw Slg tai wa ai hpyen du ni hpe ya yang grau kaba ai lahta tsang du kaba ni hpe bai galai shatsam ai hpe yu nna chye mai ai zawn Thein Sein mung pat tawn ai hpe hpaw ya lu na sha madung tawn nna mungkan hpe masu hkalem na masa shapraw nga ai hpa majaw nga yang NLD ni a ga sadi hkam la ai shaloi tsun ra ai ga si hpe pyi n'mai galai ya ai. Teng Democracy jet ai asuya masing hku hkrang shapraw teng yang ga si dai sha gaw mai lai ya ai.
Grau nna gaw dai ni annau ni Ginjaw de hpyen n'gun kaba hte grau htu nna majan je wa ai hpe yu nna, hpyen asuya re ngu asan mai tsun ai. Myen asuya hpe galoi mai kam na lam n'nga ai. Balaminhtin (Mali Hka) mahkrai gap di kau saga. Du na bat hta myen mung de UN mungkan WP rapdaw amu madu Bang Ki Mun sa ai ten laja lana myen hpe htim gasat ra ai. Shaning galu rawt malan ai hkrun lam gaw ahkyak dik ai ten, mahtai asan pra pru na ten du sai. N'dai lang myen sum machyi sayang gaw anau ni tinang mungdan lu madu sai ngu tsun mai sai. Myen a ningnan mu dingsa kau re ladat masa gaw kabu yawn byin na nna sai. Ja ja li li grau ninghkap gasat ga.
Media majan mung grau shaja ga law. Ning htoi htoi wa sai.
Baren Numraw
0 comments:
Post a Comment