SIKHKWISHA!

Daini Shanglawt lu na ten,
Ihteng myit n mai garen;

Annau ni myit kahkyin jang,
Sikhkwisha! ngu, amyit gang;

Hpa hta wa dau na rai ta?
Dau taw na shara n nga;

"NDAK, KDA, DANG GU DANG,
AWNG WA LASANG;

Lisu, Rawang, Jinghpaw, Maru, Lashi, Azi,
Annau ni majing asai ni;"

Wunpawngsha ni hkrai she rai,
Shada sat hkat gaw n mai;

Rawt m'lan labau yu ginhtang,
Numshe shang ai kade lang;

Myit n hkrum sharaw kawa,
Tai wa majoi she roi sha;

U hpe yu ti uyawm wa,
Ladat htum hkra roi bang wa;

Shada mala hka majaw,
Tsawra myit ni hkoi na maw;

Pu gang sin m'chyi rai ga le....,
Chyasam zawn myit hkum numshe......;

Dagam ga tsun hkum sharawng,
N teng man wa hte hkum pawng;

Shada Sin m'chyi nga ga yang,
Kaning rai sumprat n shang;

Lam sh'gu hta nja nhpra,
Shada tsaw ra sin dun ga;

Si mat wa ti Sumsing du,
"Aka law!" nga jang ginhtang yu;

Dai d'ram tsaw ra ga yang she,
Tai wa aten n mai gare;

Annau ni tsaw ra nga na,
Madung ahkyak dik rai nga;

Tai wa hpang de hkum gayin,
Daini ya jang sai kahkyin;

Shanglawt ndau nhtoi m'sat,
Sikhkwisha! ngu, jawm gasat;

N-gun yawng jawm kahkyin da,
Wunpawng Mungdan gap di la;

Sai ga shaga saga le.....oi,
Kahkyin gumdin ga le......goi!

Shanglawt Tsing
24/4/2012