SHAGRAWT

Awng padang Yehowa hte rau, awng padang dip la na ten du sai, Padang Hkrun Lam Majan teng padang dip la na re. Ya ten shiga hta mying kaba dik nga ai, Laiza hpe htim zing madu na matu myen hpyen gum shem hpyi masu asuya gaw Myihtila mare dap kaw, Laiza lamu ga sumla hpe hkrang shapraw shaman shakyang nga ai lam na chye lu ai zawn myen a shaning galai ai hte htim gasat na re nga shiga na ai. Dai lam gaw shiga kun? Teng byin wa na kun? Ya hkyak hkyak annau ni hpe dut sat zawn zingri roi sat nga ai hpe yu nna maram chye mai nga ai. Annau ni mung maroi n'ni, masin n'si dik ai share shagan teng man tara ai myit hte teng Awng Padang dip la na re ngu myit makun n'gun dat ai. Annau ni a myu tsaw myit, mung tsaw myit hpe madun lu na ten du sai, myen kade n'kaja ai chye lu na mahtai mung re.

1. Kade gun lu na.
Hkrun lam masa hpe annau ni dang ai hta n'ga, masha law jang kyi mung law ai zawn langai mi kade ram lu gun na? Machyu pala, sinat, lusha hte laga ra ai ni gade ram lu gun na ta? Tai hpyen langai gun ai machyu pala gade ya lu gap na, malu masha gade ya lu sha na? Hkrun lam gade ram tsan ai hpe annau ni dang maram lu ai. gade ya a matu lu gun na ta?
2. Laknak kaba.
Laknak gara kaw du mai htaw du ai, dade ram du mai gap ai, machyu pala gade ram lu gun na, gade ya lu gap na, nam nak nga ai li ai majaw n'gun law law ra ai, gade ram lu gap sharu na? Gade na lu gap na? Gade ya ngu ai annau ni maram chye mai ai. Laknak kaba magang li ai mannak nga magang re majaw gade ram lu gun lu na ta?
3. Matut mahkai len shalai ai.
Matut nna hpang de na n'gun gade ram garum ya na, gade na hkawm ra ai, gade ram lu gun na, gade ya lu gap na, lu sha na, gade ram na jang mai du ai hpe maram chye lu saga ai majaw dandi lam masing jahkrat chye sai. Gade tsan ai. Padang teng dip lu na.

1. Myen hpyen la malawng maga majan n'kam gasat ai, Democracy Tara hpe ra sharawng madi shadaw ai law ai.
2. Myen hpyen la law malawng bawsang myu sha ni madu mungdaw up hkang ai hpe ra sharawng ai law ai.
3. Myen hpyen la n'kau mi tinang gasat nga ai majan gaw n tara ai, mung maden majan je ai re chye ai. Simsa lam ra ai.
4. Myen hpyen la ni hta hpyen lam kungkyang ai mu gun dingsa n'law mat ai.
5. Myen hpyen la hta asak kaji ai hpyen la law ai, sadi n'dung ai. Hpyen masa dang ai n'law sai. Mahkrum madup n nga ai.
6. N'chyang hpyen la, mayam hpyen la hte bung ai, gumhpraw yu ai- wa lang gale ai kang nka ai hpyen la law ai.
7. Lamu ga masa n'dang ai, n'tara ai majan re chye ai hpyen la law ai.
8. Annau ni myit marai n'gun grau ai, share shagan magrau grang ai hkrai re.
9. Tengman ai majan re majaw myit masa dang ai.
10. Karai lawm ai, madu lamu ga re, lahta de na lam ni hpe maram yu nna annau ni galoi mung Awng Padang dip la na re ngu kam ai. Ganing re laknak mi hpai hpai kade ram mi ja dum tim myen hpyen dap gaw jan du mahka rai sai.

Laja yang dap hpe yen kau da ai gaw myen ni laknak kaba gap bun yang na matu mahkyen hku yen ai masa pru ai, hpyen masa ginsup ai lam re. Annau ni myi htan tu ladat, myi hprap zawn nyip dat htoi dat re ladat, gakyin loi bra loi re ladat lang ra ai, lam yawng jahten hpang ra ai, Laiza de gap sai hte rau mali hka mahkrai wan len lam jahten nan jahten ra sai, ya kaw na mahkyen hku mali hka hku sanghpaw nmai lung ai lam n, dau tawn ra ai hte, wan leng lam hku mung mung masha ni kachyi mi mung nmai hkawn na hku n'dau ra sai. Mare kaba de nga ai wp myu sha ni yawng sadi ra sai.hpraw chyang,sagu bainam ginhka kau ra sai. myen ni hpa grai n'galaw shi yang n'dai hpe n'dau ra sai. ya jang mung shawa hpe Wan leng lam hka lam, hkrun lam nhkawm na matu jau n'dau ra sai. Maigan du myu sha yawng ninghkap marawn ra sai.
Padang Hkrun Lam Majan Awng Dang Na.

Baren Numraw