ZUPHPAWNG MAHTAI
Masa hta hkan nna nrau nhtau rai mat ai majaw Salang Prangtai, Salang Lagang hte Salang Pyilan ni grup yin a lam hte seng nna maram masam ai zuphpawng hpe dai ni she kalang bai lu galaw ai hpe Salang Puk Dun a ka matsing sumhting tawn ai kaw lawu na hte maren mu lu ai.
LAGANG:- Anhte gaw nam na dusat dumyeng malen pyen u ni raitim, Wunpawng Mungdan kaw shangai chyinghkai nga pra wa ai ni hkrai rai nna, Wunpawng Myusha ni a lagaw kaw shang tsap let mungdan kata na mabyin masa hte seng ai lam Salang Prangtai kaw nna ningshawng dat let maram dan na matu hpyi shawn mayu ai.
PRANGTAI:- Dai in na ten hta kahtet kamawt htai lai hkat nga ai kaw na Wunpawng Myusha ni a htunghking hte seng ai manau shadung hte baren numraw a lam hpe dinglik yu ga. Lucifer ngu ai satan gaw Karai Kasang a lawu hprut dagu rawng ai lam hpe jawm chye nga saga ai. Baren gaw satan wa shangun tawn ai lagaw lata rai nna gingdan ai hpung dagu shi kaw rawng ai. Dai majaw shawng de Wunpawng Myusha ni nat hpe daw jau wa ai zawn Miwa ni gaw baren hpe hpung dagu rawng ai hku hkam la nhtawm shagrau wa masai. Raitim Wunpawng Myusha ni gaw prat hte prat nat jaw nna manau nau wa masai raitim baren hpe ning shawng galoi ntawn ma ai.
Gun rai lama ma hpe myit jawm shang sha na matu TV satation langai ngai hpe asung jashawn nna ndau shabra dat ai shaloi dai gunrai gaw aten kadun laman gumhkawng wa nna shadawn sharam n nga, lu dut la nga ma ai. Dai hte maren Wunpawng Myusha ni hpe lam shadam nna shada jahten sharun hkat na matu gaw kam ging ai salang langai lahkawng hpe TV station shatai nna manau shadung kaw baren sumla hpe jahtuk sumli dat nna jawm ka manawt ai marang e Wunpawng Myusha ni akyu kade hkam sha na lam shamyawk dat ai hte myusha wunawng uwa jawm madi shadaw wa ai rai na sai. Anhte hpe sa gunglau ai satan wa hpe mara shagun na kun? Anhte dang rang hkat ai gaw satan wa hpe madi shadaw la ai lachyum sha rai nga ai. La ma anhte gaw kaning re ai hpe daw dan galaw na raitim, Yehowa jaw da ya ai machye machyang hpe machyu sa wa ai rai yang gaw, satan wa e sa jahten sharun lu na nrai nga ai. Dai majaw anhte a shawng lam hpe sharai la lu na matu gaw tinang shut mat wa sai hpe yin la nna sharai la ai gaw awngdang ai lam rai na re.
PYILAN:- Salang Prangtai a ningmu hta shada ninghkap hkat na matu satan gaw anhte a lapran kaw gara hku sumprat bang ya nga ai hpe asan sha myit dum wa sai. Dai ni gasat nga ai majan pa hta satan wa dang la na matu anhte Wunpawng Myusha ni hpe hpung lahkawng brang galaw dat nna gara hku gasat shangun nga ai lam, mungmasha ni, hpyen du hpyen la ni myit shut shai lam dam wa hkra Wunpawng Myusha ni ka ai hku nna jahtuk ka shabra ai lam, nu wa hpu nau ni myit daw hten na matu jahkrit shama ai zawn re ai ladat lang nna shang jahten sharun ai lam htap hte htap galaw nga ma ai. Dai zawn rai byin nga ai a ntsa e, Salang Prangtai gaw satan hpe mara shagun na malai, Yehowa jaw da ya ai machye machyang hpe lang ra ai lam hpaji jaw wa sai.
LAGANG:- Satan wa gaw shi a majan dang la na matu anhte Wunpawng Myusha ni hpe asung gara hku jashawn ai lam tsun wa sai. Rai yang, anhte a majan dang la na matu satan hpe gara hku asung jashawn mai ai lam Salang Prangtai hku nna sang lang dan na hpe hpyi shawn mayu ai.
PRANGTAI:- Ndai lam brang lang rai tsun dan hkat yang nau wa manu ai gaw n rai nga ai. Raitim anhte yawng na chye nga sai hpe sha madung tawn nna jahta yu ga le. Mungkan kaw mahku mahkau ngu ai gaw ahkyak htum ai laknak langai rai nga ai. Raitim Wunpawng Myusha ni hkam la ai gaw satan hpe mahku mahkau galaw la na malai, sumsing lamu mungdan de shang wa yang pyi satan a myiman hpe mu dat ai hte bai nhtang mat na matu myit nga ai ni rai ga ai. Gen. Aung San gaw Myen re majaw shi a kasha Aung San Kaw mung Myen sha re. Myen sha rai jang gaw tsan tsan kaw nna yen kau ra ai, ngu hkam la nga ga ai. Shi hte hku hkau ai lam n lu dingsa gaw shi a makau kaw kahtep lu na n rai nga ai majaw satan hpe lang lu na matu gaw grai naw tsan na re. La ma tinang kaw n-gun ja ai rai yang kadai hpe mung machyu n ra ai. Tinang ra sharawng ai pandung de du na matu asan sha gasat la mai ai. Raitmung dai zawn rai galaw na matu n-gun rai n hpring ai rai yang gaw hpaji lang ra sai. Satan wa hpe yu ga. Wunpawng Myusha ni hpe gasat shamyit kau na matu n-gun nlu ai majaw myusha nkau hpe jahkau la nhtawm lahkawng brang galaw dat lu ai marang e yawng hpe akyu jashawn nna shada shamyit hkat shangun nga ai.
Satan maga de yu dat yang, lai wa sai 50 ning laman bum nga masha ni hpe shamyit kau lu na matu majan gasat wa sai. Raitim dai ni na ten hta Ma Kaw aja awa tsun nga ai gaw, mungdan simsa na matu bum nga masha ni gaw madung re. Dai majaw bum nga masha ni hpe gasat nga ai majan jasim kau nna simsa lam galaw ra ai. Shi a kawa galaw hpang kau da ai Panglong myit hkrum lam awngdang hkra matut galaw ra ai lam marawn nga ai. Shi marawn nga ai shingdu kaw sinna masha ni aja awa madi shadaw nga ai majaw jahtuk chye ai rai yang manu kaba na re. Kaja sha nga yang sinna masha ni a yaw shada ai madung gaw:- Mungkan a simsa lam tam ai hta (1) Myenmung masha ni lu ging ai ahkaw ahkang lu wa hkra ladat tam ai. (2) Myenmung kaw hpyen masa hku uphkang nga ai kaw na democracy maga de galai dat lu na matu. (3) Myen hpyen dap hpe machyu nna Myenmung hpe mungdan langai kaw na sha akyu jashawn nga ai kaw na Myenmung gaw mungkan a matu hte Myenmung ting a matu rap ra ai mungmasa, sutmasa gat lawk byin tai wa hkra galaw ai hta Ma Kaw jan hpe akyu jashawn nga ma ai.
Masha in gaw jan ja ai hpe mung akyu jashawn la, marang htu ai hpe mung akyu jashawn la, panglai hka lung yang mung akyu jashawn la, panglai hka yu wa ai shaloi mung akyu jashawn la chye ma ai. Shing re ai hta hkan nna anhte Wunpawng Myusha ni mung dai ni na Myenmung a galai shai wa nga ai kaw amyu a matu akyu lu wa hkra jahtuk la na matu hkinjang jawm mu nhtawm, hkyen lajang ai lam galaw nga na masai ngu nna myit la ai hte n-gun lu nga ai re.
PYILAN:- Dai ni na ten hta Myenmung ngwi pyaw simsa lam lu wa na matu Myen asuya gaw Aung San Kaw hpe kade n ju timung shi hpe n lang n mai ai hpe mu wa manu ai. Shi hpe jahkau la lu ai marang e maigan mungdan ni gaw Myenmung hpe dam ari jaw tawn ai kaw na shayawm shaprai ya wa ai lam, rawt malan hpung nkau hpe shanyam la lu nna gap hkat jahkring lam galaw la lu wa ai lam ni hta hkan nna mungkan ting gaw KIO hpe naw gasat nga ai kaw na jahkring kau nhtawm simsa lam tam na matu aja awa jawm shadut nga ai ten mung rai nga ai.
Ndai zawn re ai ten hta Laiza hte Mai Ja Yang hpe wang tawn ai gaw KIO hte hpyen yen ni hpe jahkraw la ai ladat hte KIO hpe asum hkam wa na matu jahkrit shama nga ai ngu maram mai nga ai. La ma Myen gaw Laiza hpe nbungli hte shang gasat ai, bawm hte sharu bun ai, shang zing ai lam galaw ai rai yang hpyen masa hku nna arawng loi li la mai na ma ai. Raitimung, Aung San Kaw a majaw shanhte a mungmasa madang hpe tsam mari sharawt la lu ai gaw kalang ta sum agrawp mat nna bai sharai la nlu mat na hpe Myen ni atsawm sha shen maram mu nga chyalu rai na ma ai.
Ndai zawn re ai ten hta KDA, NDAK, Du Kaba Lasang Awng, Salang Kaba Adang ni gaw masa hta hkan nna kaga mahkrun hku amyu a lam yan hta mai kaja ai lam yan de shanang wa hkra jahtuk nga na ma ai ngu nna myit mada nga ai. Gara uhpung raitim tawk hprut daw dan nna kanu uhpung de shang lawm let tai hpyen wa hpe htim gasat wa ai rai yang aten dep chye na hkat let hpung langai hku nna madi shadaw hkat ai gaw amyu ting a matu awngdang lam rai nga ai. Ndai laman Lashio maga de hpyen man masum hpaw nna gasat yu wa ai uhpung kadai mi raitim, myutsaw share shagan ni hku nna jawm masat la ra ga ai. Dai shaloi shanhte mung myit magrau grang let yawng yaw shada tawn ai pandung kaw du hkra gasat sa wa na ma ai. Dai hte maren Mungmasha Hpyen Hpung in mung KIA kaw na mayat wa ai share shagan in hkrai rai nga ma ai majaw amyu hte mungdan hpe makawp maga sa wa ai hta maren madang lit nga ai ni rai nga ma ai.
PRANGTAI:- Dai ni anhte jawm dinglik ai mahtai gaw myusha hte mungmasa lam yan hta yaw shada tawn ai pandung de du wa lu na matu gaw dam lada ai myit jasat hte htap htuk ai mahkrun kaw Yehowa jaw da ya ai machye machyang hpe manoi manat let sa wa ra ai lam rai nga ai law.
Prangtai
LAGANG:- Anhte gaw nam na dusat dumyeng malen pyen u ni raitim, Wunpawng Mungdan kaw shangai chyinghkai nga pra wa ai ni hkrai rai nna, Wunpawng Myusha ni a lagaw kaw shang tsap let mungdan kata na mabyin masa hte seng ai lam Salang Prangtai kaw nna ningshawng dat let maram dan na matu hpyi shawn mayu ai.
PRANGTAI:- Dai in na ten hta kahtet kamawt htai lai hkat nga ai kaw na Wunpawng Myusha ni a htunghking hte seng ai manau shadung hte baren numraw a lam hpe dinglik yu ga. Lucifer ngu ai satan gaw Karai Kasang a lawu hprut dagu rawng ai lam hpe jawm chye nga saga ai. Baren gaw satan wa shangun tawn ai lagaw lata rai nna gingdan ai hpung dagu shi kaw rawng ai. Dai majaw shawng de Wunpawng Myusha ni nat hpe daw jau wa ai zawn Miwa ni gaw baren hpe hpung dagu rawng ai hku hkam la nhtawm shagrau wa masai. Raitim Wunpawng Myusha ni gaw prat hte prat nat jaw nna manau nau wa masai raitim baren hpe ning shawng galoi ntawn ma ai.
Gun rai lama ma hpe myit jawm shang sha na matu TV satation langai ngai hpe asung jashawn nna ndau shabra dat ai shaloi dai gunrai gaw aten kadun laman gumhkawng wa nna shadawn sharam n nga, lu dut la nga ma ai. Dai hte maren Wunpawng Myusha ni hpe lam shadam nna shada jahten sharun hkat na matu gaw kam ging ai salang langai lahkawng hpe TV station shatai nna manau shadung kaw baren sumla hpe jahtuk sumli dat nna jawm ka manawt ai marang e Wunpawng Myusha ni akyu kade hkam sha na lam shamyawk dat ai hte myusha wunawng uwa jawm madi shadaw wa ai rai na sai. Anhte hpe sa gunglau ai satan wa hpe mara shagun na kun? Anhte dang rang hkat ai gaw satan wa hpe madi shadaw la ai lachyum sha rai nga ai. La ma anhte gaw kaning re ai hpe daw dan galaw na raitim, Yehowa jaw da ya ai machye machyang hpe machyu sa wa ai rai yang gaw, satan wa e sa jahten sharun lu na nrai nga ai. Dai majaw anhte a shawng lam hpe sharai la lu na matu gaw tinang shut mat wa sai hpe yin la nna sharai la ai gaw awngdang ai lam rai na re.
PYILAN:- Salang Prangtai a ningmu hta shada ninghkap hkat na matu satan gaw anhte a lapran kaw gara hku sumprat bang ya nga ai hpe asan sha myit dum wa sai. Dai ni gasat nga ai majan pa hta satan wa dang la na matu anhte Wunpawng Myusha ni hpe hpung lahkawng brang galaw dat nna gara hku gasat shangun nga ai lam, mungmasha ni, hpyen du hpyen la ni myit shut shai lam dam wa hkra Wunpawng Myusha ni ka ai hku nna jahtuk ka shabra ai lam, nu wa hpu nau ni myit daw hten na matu jahkrit shama ai zawn re ai ladat lang nna shang jahten sharun ai lam htap hte htap galaw nga ma ai. Dai zawn rai byin nga ai a ntsa e, Salang Prangtai gaw satan hpe mara shagun na malai, Yehowa jaw da ya ai machye machyang hpe lang ra ai lam hpaji jaw wa sai.
LAGANG:- Satan wa gaw shi a majan dang la na matu anhte Wunpawng Myusha ni hpe asung gara hku jashawn ai lam tsun wa sai. Rai yang, anhte a majan dang la na matu satan hpe gara hku asung jashawn mai ai lam Salang Prangtai hku nna sang lang dan na hpe hpyi shawn mayu ai.
PRANGTAI:- Ndai lam brang lang rai tsun dan hkat yang nau wa manu ai gaw n rai nga ai. Raitim anhte yawng na chye nga sai hpe sha madung tawn nna jahta yu ga le. Mungkan kaw mahku mahkau ngu ai gaw ahkyak htum ai laknak langai rai nga ai. Raitim Wunpawng Myusha ni hkam la ai gaw satan hpe mahku mahkau galaw la na malai, sumsing lamu mungdan de shang wa yang pyi satan a myiman hpe mu dat ai hte bai nhtang mat na matu myit nga ai ni rai ga ai. Gen. Aung San gaw Myen re majaw shi a kasha Aung San Kaw mung Myen sha re. Myen sha rai jang gaw tsan tsan kaw nna yen kau ra ai, ngu hkam la nga ga ai. Shi hte hku hkau ai lam n lu dingsa gaw shi a makau kaw kahtep lu na n rai nga ai majaw satan hpe lang lu na matu gaw grai naw tsan na re. La ma tinang kaw n-gun ja ai rai yang kadai hpe mung machyu n ra ai. Tinang ra sharawng ai pandung de du na matu asan sha gasat la mai ai. Raitmung dai zawn rai galaw na matu n-gun rai n hpring ai rai yang gaw hpaji lang ra sai. Satan wa hpe yu ga. Wunpawng Myusha ni hpe gasat shamyit kau na matu n-gun nlu ai majaw myusha nkau hpe jahkau la nhtawm lahkawng brang galaw dat lu ai marang e yawng hpe akyu jashawn nna shada shamyit hkat shangun nga ai.
Satan maga de yu dat yang, lai wa sai 50 ning laman bum nga masha ni hpe shamyit kau lu na matu majan gasat wa sai. Raitim dai ni na ten hta Ma Kaw aja awa tsun nga ai gaw, mungdan simsa na matu bum nga masha ni gaw madung re. Dai majaw bum nga masha ni hpe gasat nga ai majan jasim kau nna simsa lam galaw ra ai. Shi a kawa galaw hpang kau da ai Panglong myit hkrum lam awngdang hkra matut galaw ra ai lam marawn nga ai. Shi marawn nga ai shingdu kaw sinna masha ni aja awa madi shadaw nga ai majaw jahtuk chye ai rai yang manu kaba na re. Kaja sha nga yang sinna masha ni a yaw shada ai madung gaw:- Mungkan a simsa lam tam ai hta (1) Myenmung masha ni lu ging ai ahkaw ahkang lu wa hkra ladat tam ai. (2) Myenmung kaw hpyen masa hku uphkang nga ai kaw na democracy maga de galai dat lu na matu. (3) Myen hpyen dap hpe machyu nna Myenmung hpe mungdan langai kaw na sha akyu jashawn nga ai kaw na Myenmung gaw mungkan a matu hte Myenmung ting a matu rap ra ai mungmasa, sutmasa gat lawk byin tai wa hkra galaw ai hta Ma Kaw jan hpe akyu jashawn nga ma ai.
Masha in gaw jan ja ai hpe mung akyu jashawn la, marang htu ai hpe mung akyu jashawn la, panglai hka lung yang mung akyu jashawn la, panglai hka yu wa ai shaloi mung akyu jashawn la chye ma ai. Shing re ai hta hkan nna anhte Wunpawng Myusha ni mung dai ni na Myenmung a galai shai wa nga ai kaw amyu a matu akyu lu wa hkra jahtuk la na matu hkinjang jawm mu nhtawm, hkyen lajang ai lam galaw nga na masai ngu nna myit la ai hte n-gun lu nga ai re.
PYILAN:- Dai ni na ten hta Myenmung ngwi pyaw simsa lam lu wa na matu Myen asuya gaw Aung San Kaw hpe kade n ju timung shi hpe n lang n mai ai hpe mu wa manu ai. Shi hpe jahkau la lu ai marang e maigan mungdan ni gaw Myenmung hpe dam ari jaw tawn ai kaw na shayawm shaprai ya wa ai lam, rawt malan hpung nkau hpe shanyam la lu nna gap hkat jahkring lam galaw la lu wa ai lam ni hta hkan nna mungkan ting gaw KIO hpe naw gasat nga ai kaw na jahkring kau nhtawm simsa lam tam na matu aja awa jawm shadut nga ai ten mung rai nga ai.
Ndai zawn re ai ten hta Laiza hte Mai Ja Yang hpe wang tawn ai gaw KIO hte hpyen yen ni hpe jahkraw la ai ladat hte KIO hpe asum hkam wa na matu jahkrit shama nga ai ngu maram mai nga ai. La ma Myen gaw Laiza hpe nbungli hte shang gasat ai, bawm hte sharu bun ai, shang zing ai lam galaw ai rai yang hpyen masa hku nna arawng loi li la mai na ma ai. Raitimung, Aung San Kaw a majaw shanhte a mungmasa madang hpe tsam mari sharawt la lu ai gaw kalang ta sum agrawp mat nna bai sharai la nlu mat na hpe Myen ni atsawm sha shen maram mu nga chyalu rai na ma ai.
Ndai zawn re ai ten hta KDA, NDAK, Du Kaba Lasang Awng, Salang Kaba Adang ni gaw masa hta hkan nna kaga mahkrun hku amyu a lam yan hta mai kaja ai lam yan de shanang wa hkra jahtuk nga na ma ai ngu nna myit mada nga ai. Gara uhpung raitim tawk hprut daw dan nna kanu uhpung de shang lawm let tai hpyen wa hpe htim gasat wa ai rai yang aten dep chye na hkat let hpung langai hku nna madi shadaw hkat ai gaw amyu ting a matu awngdang lam rai nga ai. Ndai laman Lashio maga de hpyen man masum hpaw nna gasat yu wa ai uhpung kadai mi raitim, myutsaw share shagan ni hku nna jawm masat la ra ga ai. Dai shaloi shanhte mung myit magrau grang let yawng yaw shada tawn ai pandung kaw du hkra gasat sa wa na ma ai. Dai hte maren Mungmasha Hpyen Hpung in mung KIA kaw na mayat wa ai share shagan in hkrai rai nga ma ai majaw amyu hte mungdan hpe makawp maga sa wa ai hta maren madang lit nga ai ni rai nga ma ai.
PRANGTAI:- Dai ni anhte jawm dinglik ai mahtai gaw myusha hte mungmasa lam yan hta yaw shada tawn ai pandung de du wa lu na matu gaw dam lada ai myit jasat hte htap htuk ai mahkrun kaw Yehowa jaw da ya ai machye machyang hpe manoi manat let sa wa ra ai lam rai nga ai law.
Prangtai
0 comments:
Post a Comment