NINGHTOI KABA

Wunpawng Myu Sha ni yawng matu ninghtoi gum tawng hta grau ai, ninghtoi kaba jaw ya lu ai JINGHPAW KASA masum ning hpring ladu hkrum chyeju shakawn lu ai Na chying shagrau hkungga jaw dat n'ngai law. Ningsin kaw na ninghtoi de, Dip tawn ai kaw na lawt lu ai lam de, jamjau duhka ai kaw na ngwi pyaw simsa shimlum ai de Myu Sha yawng a matu katsi kahtet puba ai hpe arang kaba shatai nna, ten hpring n'hkring n'sa, Myu Sha ni chye gin ai, mu gin ai, na gin ai lam yawng hpe len shalai shabra ya nga ai hte lwi ai hka hpawt zawn n'sim n'sa, atsam marai dat nna, n'sin n'htoi, ten hpring n'yup n'sha, shakut shaja sak jaw ap nawng arang bang ya ai tsaw ra hkungga gin ai JINGHPAW KASA hpe masum ning tup Karai Wa a shaman chyeju kawp e myit marai atsam yawng hte ten dep shiga len shalai ka shabra ya ai majaw arawng la hkungga jaw dat n'ngai law.

Matut nna mung grau nna masam sa ai hte grau shakut sak jaw lu u ga ngu ten hpring kyu hpyi myit dum ya dat n'ngai. Laswi lasa, lapyi lahpaw, bawnu atsam yawng hta chyalai n'gun rawng ai Wa Karai a Chyoi Pra ai Wenyi tut tut kahpru ka-up  ya ai hte Wa Karai a bau sin ai singkaw npu tut nawng ngwi pyaw hkam kaja sak jaw lu u ga. Shaman ya rit.

Myu sha lam yan hta hkungga ai.

Baren Numraw