May (8) bat Lahkawng
Wunpawng Mungdan Shanglawt Asuya Dap Ba (5) n pu Dung (19) ni a ginra rai nga ai Pan Tsun Post hpe dai ni May (8) ya shani kalang bai yen kau ya ra sai lam shiga na chye lu ai. Myen hpyen ni nau law ai hte laknak kaba ni nau gap sharu bun ai hte, tinang KIA maga na machyu pala yamdawng gan ma mat ai jaw Pan Tsun Post hpe yen kau da ra mat ai re lam hte n dai majan hta KIA myu tsaw share ninghkring (2) mung hkala lai wa sai lam matut na chye lu ai. N dai Pan Tsun Post gaw KIO/KIA Ginjaw Laiza a matu grai a hkyak dik ai shara rai nna Laiza hte nau n tsan ai shara re majaw Nu, Wa, Hpunau mung chying sha ni yawng ja ja akyu hpyi garum ya na matu saw shaga dat ai. Ya ten KIO Ginjaw kaw na mung Pan Tsun Post hpe bai lu la na matu hpyen n gun (100) jan bai sa dat sai lam shiga matut na chye lu ai. N dai Pan Tsun Post gaw n dai lang hte rai yang (2) lang myen hpyen ni hpe yen kau da ya ra ai post mung re lam hpe chye lu ai.
3 comments:
God, shi mying ning sang hpe shagrau, God, a- sak se tai na matu Bungli galaw ai, shi gasha ni hpe galoi gaya n-ja hkrun aiGod, a- mying ning sang hpe sha hkum tat mu,Myen yawng hpe sat shamyit kau ma lu na re,
MYEN MUNG TING NA SHAN HTE A-N-GUN HTUM HKRA LANG NGA MA AI, ANHTE A- N-GUN LAGAW , HTE MYIT MADA SHARA CHAWM GAW YESU HKRISTU HTE YEHOWA GOD, RE LAW..........,
Karai Kasang e WP myu sha ni hpe lawan hkye la rit law. Wungpawng myu sha ni a hkrap ngu hkrap ngoi ai nsen hpe madat la ya rit. WP myu sha ni shut shai lai wa sai lam ni hpe mara raw dat ya rit. Myen ga madat nna tinang lu lawm daw galaw nga ai myu sha ni hpe gang shaw kau ya rit. Myen hpyen ni hpe WP ga kaw na gawt sha praw kau ya rit law. Shawng lam de dating nga ai share shagan ni hpe bau sin makawp da ya rit.
Post a Comment