PAN TSUN POST KAW LAJA LANA GASAT NGA

May (8) bat Lahkawng

Wunpawng Mungdan Shanglawt Asuya Dap Ba (5) np u Dung (19) a ginra rai nga ai Daw Hpum Yang mare a Sinpraw maga na Lana hte Pan Tsun Post hpe myen hpyen asuya ni hpyen n gun (400) jan hte May (8) ya shani jahpawt hkying (7:30am) kawn laja lana htu gasat wa ai lam shiga na chye lu ai. Ya shiga ka nga ai ten du hkra KIA myu tsaw share ninghkring ni hte myen tai hpyen ni matut manoi laknak kaba ni hte gap gasat nga ai lam shiga na chye lu ai. N dai Lana hte Pan Tsun KIA Post gaw Daw Hpum Yang ntsa kaw sha re majaw Daw Hpum Yang mra kaw daju ai myen hpyen asuya hk-l-y (142) ni a matu shim lam n nga ai majaw ya na zawn dai shara ni hpe lu hkra htim gasat nga ai re lam hpe mung matut na chye lu ai.