PYILAN:- Ndai laman shara ramdaw hkan du hkawm yu ai shaloi Jinghpaw Kasa de tang madun na lam ni mu wa ai. Shawng nnan ga hpaw hku nna ya hte KIA Myutsaw hpyenla ni Pangwah hpe shang zing la ai hte seng nna Salang Prangtai yan Salang Lagang a ningmu gaw gara hku rai kun!
LAGANG:- Dai zawn rai sa zing la ai gaw grai kaja ai rai sai. Myen gaw KIA hpe shamu n mai hkra n-gun htum, hpaji htum hte shakri manu ai rai yang, Myen ni yupmang n mu ai shara kaw sa zing la ai gaw Wunpawng Myusha yawng a matu arawng la hpa nan rai sai.
PRANGTAI:- Ndai lam hte seng nna zing la lu sai ginra hpe hkrak makawp maga da lu na matu jahtuk ra na re. Shawng de KIA gaw Myen hpyendap lahkawng jung nga ai Nam Yung hte Pang Sau hpe myihprap zawn kalang ta shang zing la ma ai. Myen a matu dai ginra gaw kade ahkyak ai n re. Raitim, dai ginra gaw Myen-India lamu ga jarit kaw rai nga ai majaw maigan mungdan a man kaw myiman grai sum dum ma ai majaw atsam htum hte nbungli, helicopter ni lang nna aten kadun laman bai zing nhtang la lu ma ai. KIA a matu dai ginra kaw mare n nga, lu sha n mai lu ai shara re majaw aten galu n jan lu nna yen kau da ra ma ai. Dai hte maren Pangwah jahtam Kachin-China lamu ga jarit ntsa kaw nan ang nga ai hta n-ga, Miwa ni wu wu di di lai hkawm nga ai hpaga yumga ginra rai nga ai majaw Myen ni a sari makawp maga la lu na matu shanhte lu ai atsam hta jan hkra shakut wa na mara ai.
Raitimung Pangwah ginra na mabyin masa hpe maram yu yang, NDAK magam gun hpyen du hpyen la ni gaw myutsaw mungtsaw ni rai nga ma ai hta n-ga, KIA hte NDAK gaw hpu nau majing rai nga ai marang e myit hkrum mang rum rai hpung langai hku nna ta gindun hkat nhtawm tinang a ginra hpe ngangkang ai hkam la lam hte jawm makawp maga nga masai. Lu sha ntaw ntsang lu ai. Ginra a machye machyang hpring tsup ai. Magrau grang ai. Tinang a uhpung hte amyu a ntsa e sadi dung ai. Ningbaw Kaba Ting Ying gaw kaning nchyum nna Myen a lata kaw gan shang nga ai raitim myit gaw amyu a lam yan hta madi shadaw nga chyalu rai na re. Raitimung satan a lata kaw latup da hkrum ai majaw shi tsaw ra ai kasha hpe asung jashawn nna sakse hku madun dan ra ai majaw satan hte pawng nna Pangwah hpe gara hku gasat dan nga ai hpe jawm chye na ya chyalu re. Ndai ten kaw nna satan ni gaw Du Kaba Awng Wah, KDA hte Salang Kaba Adang uhpung ni a ntsa e degree htum hkra ntsen nga na manu ai. Ndai hpu nau ni mung myutsaw mungtsaw myit dam lada nga ma ai majaw kayin gaye rai na matu hkinjang hpe maram yu nga ai aten rai na ma ai, ngu kam let shanhte hpe KIA-NDAK hku nna hkalum la na matu jin jin rai nga na ma ai. Ya kaw nna Pangwah mare gaw Wunpawng Myusha ni a prat chyanat na lamu ga jarit hpaga mare kaba langai hku nna grin sa wa u ga, Yehowa kaw nna bau sin la na matu kyu hpyi dat ai. Myutsaw KIA-NDAK share shagan ni yawng hpe arawng la shagrau dat ai law.
Ya gaw Myenmung na rawt malan hpung ni yawng hte gap hkat jahkring da lu sai. KIO sha ngam sai nga ma ai. Kaja sha nga yang, kaga rawt malan hpung ni gara hku tang madun ai rai rai grak lagra pyi n hti yu ai sha yawng hpe myit hkrum ya masai. Lachyum gaw, "I agree with them to be disagreed later" nga nna masha ni manya shachyoi hkat ai shaloi lang ai ga si rai nga ai. KIO hte Myen ni law law lang hkrum bawng yang hpa majaw myit hkrum lam n lu wa a ta? Hkrum bawng shagu Myen tsun ai gaw gap hkat jahkring lam myit hkrum na matu chyu rai wa sai. KIO hte Myen gaw gap hkat jahkring lam 1994 ning kaw azin ayang myit hkrum lam ga sadi jaw hkat nna gap hkat jahkring tawn sai re. KIO gaw ga sadi tawn ai hpe shadik shatup wa sai. Myen ni mahtang dai ga sadi tawn da ai hpe lang hte lang tawt lai wa masai. Mungmasha ni a yi sun hkau na ni hpe zing la ai. Hpyendap ginra hpe majen je ai. Wunpawng Myusha ni a hpaga lam ni yawng hpe angwi ngwi pat mat wa ai. Lungseng maw hte kaga nhprang rai ni pru ai shara ni hpe shang zing la mat wa ai zawn re ai ni galaw mat wa ai.
Ya gaw naw ngam nga ai ahkaw ahkang yawng hpe tsep kawp zing la kau na matu 2011 June 9 ya shani e majan hpaw hpang wa masai. Shing re ai hta hkan nna Myen gaw KIO hte gap hkat jahkring mayu ai rai yang, kaga mi bawngban hkat n ra ai. 1994 ning kaw ga sadi tawn hkat ai de htingnut wa jang rai sai. Dai shaloi gaw mungmasa lam hte kaga lam ni jahkrup mai ai ten rai na sai nga nna KIO gaw lahkawng maga hte mungdan ting a matu tengman htap htuk ai lam yan a ntsa kaw tsap nhtawm jawm jahtuk sa na matu rai nga ai.
PYILAN:- KIO a ntsa e Salang Prangtai kaw nna maram masam galaw ai hpe dinglik yu yang, KIO gaw tinang a kraw kaw rawng ai hpe asan sha tsun shapraw na malai, tinang du mayu ai pandung de du lu na matu htap htuk ai mahkrun hku sa wa nga ai ngu hkam la ai. Ndai ningmu hpe madi shadaw ai, ninghkap ai mahtai gaw mungmasa, hpyen masa lam hta maram ai kaw myit kade dam lada ai hta she hkan na sai. Masha ni gara hku hkam la ai raitimung, anhte malen pyen u dusat dumyeng ni hku nna gaw Wunpawng Mungdan Shanglawt Hpung Ginjaw kaw na Ningbaw Ningla ni woi awn sa ai hpe ndai zuphpawng kaw nna tsep kawp madi shadaw dat ga ai law.
Puk Dun
LAGANG:- Dai zawn rai sa zing la ai gaw grai kaja ai rai sai. Myen gaw KIA hpe shamu n mai hkra n-gun htum, hpaji htum hte shakri manu ai rai yang, Myen ni yupmang n mu ai shara kaw sa zing la ai gaw Wunpawng Myusha yawng a matu arawng la hpa nan rai sai.
PRANGTAI:- Ndai lam hte seng nna zing la lu sai ginra hpe hkrak makawp maga da lu na matu jahtuk ra na re. Shawng de KIA gaw Myen hpyendap lahkawng jung nga ai Nam Yung hte Pang Sau hpe myihprap zawn kalang ta shang zing la ma ai. Myen a matu dai ginra gaw kade ahkyak ai n re. Raitim, dai ginra gaw Myen-India lamu ga jarit kaw rai nga ai majaw maigan mungdan a man kaw myiman grai sum dum ma ai majaw atsam htum hte nbungli, helicopter ni lang nna aten kadun laman bai zing nhtang la lu ma ai. KIA a matu dai ginra kaw mare n nga, lu sha n mai lu ai shara re majaw aten galu n jan lu nna yen kau da ra ma ai. Dai hte maren Pangwah jahtam Kachin-China lamu ga jarit ntsa kaw nan ang nga ai hta n-ga, Miwa ni wu wu di di lai hkawm nga ai hpaga yumga ginra rai nga ai majaw Myen ni a sari makawp maga la lu na matu shanhte lu ai atsam hta jan hkra shakut wa na mara ai.
Raitimung Pangwah ginra na mabyin masa hpe maram yu yang, NDAK magam gun hpyen du hpyen la ni gaw myutsaw mungtsaw ni rai nga ma ai hta n-ga, KIA hte NDAK gaw hpu nau majing rai nga ai marang e myit hkrum mang rum rai hpung langai hku nna ta gindun hkat nhtawm tinang a ginra hpe ngangkang ai hkam la lam hte jawm makawp maga nga masai. Lu sha ntaw ntsang lu ai. Ginra a machye machyang hpring tsup ai. Magrau grang ai. Tinang a uhpung hte amyu a ntsa e sadi dung ai. Ningbaw Kaba Ting Ying gaw kaning nchyum nna Myen a lata kaw gan shang nga ai raitim myit gaw amyu a lam yan hta madi shadaw nga chyalu rai na re. Raitimung satan a lata kaw latup da hkrum ai majaw shi tsaw ra ai kasha hpe asung jashawn nna sakse hku madun dan ra ai majaw satan hte pawng nna Pangwah hpe gara hku gasat dan nga ai hpe jawm chye na ya chyalu re. Ndai ten kaw nna satan ni gaw Du Kaba Awng Wah, KDA hte Salang Kaba Adang uhpung ni a ntsa e degree htum hkra ntsen nga na manu ai. Ndai hpu nau ni mung myutsaw mungtsaw myit dam lada nga ma ai majaw kayin gaye rai na matu hkinjang hpe maram yu nga ai aten rai na ma ai, ngu kam let shanhte hpe KIA-NDAK hku nna hkalum la na matu jin jin rai nga na ma ai. Ya kaw nna Pangwah mare gaw Wunpawng Myusha ni a prat chyanat na lamu ga jarit hpaga mare kaba langai hku nna grin sa wa u ga, Yehowa kaw nna bau sin la na matu kyu hpyi dat ai. Myutsaw KIA-NDAK share shagan ni yawng hpe arawng la shagrau dat ai law.
Ya gaw Myenmung na rawt malan hpung ni yawng hte gap hkat jahkring da lu sai. KIO sha ngam sai nga ma ai. Kaja sha nga yang, kaga rawt malan hpung ni gara hku tang madun ai rai rai grak lagra pyi n hti yu ai sha yawng hpe myit hkrum ya masai. Lachyum gaw, "I agree with them to be disagreed later" nga nna masha ni manya shachyoi hkat ai shaloi lang ai ga si rai nga ai. KIO hte Myen ni law law lang hkrum bawng yang hpa majaw myit hkrum lam n lu wa a ta? Hkrum bawng shagu Myen tsun ai gaw gap hkat jahkring lam myit hkrum na matu chyu rai wa sai. KIO hte Myen gaw gap hkat jahkring lam 1994 ning kaw azin ayang myit hkrum lam ga sadi jaw hkat nna gap hkat jahkring tawn sai re. KIO gaw ga sadi tawn ai hpe shadik shatup wa sai. Myen ni mahtang dai ga sadi tawn da ai hpe lang hte lang tawt lai wa masai. Mungmasha ni a yi sun hkau na ni hpe zing la ai. Hpyendap ginra hpe majen je ai. Wunpawng Myusha ni a hpaga lam ni yawng hpe angwi ngwi pat mat wa ai. Lungseng maw hte kaga nhprang rai ni pru ai shara ni hpe shang zing la mat wa ai zawn re ai ni galaw mat wa ai.
Ya gaw naw ngam nga ai ahkaw ahkang yawng hpe tsep kawp zing la kau na matu 2011 June 9 ya shani e majan hpaw hpang wa masai. Shing re ai hta hkan nna Myen gaw KIO hte gap hkat jahkring mayu ai rai yang, kaga mi bawngban hkat n ra ai. 1994 ning kaw ga sadi tawn hkat ai de htingnut wa jang rai sai. Dai shaloi gaw mungmasa lam hte kaga lam ni jahkrup mai ai ten rai na sai nga nna KIO gaw lahkawng maga hte mungdan ting a matu tengman htap htuk ai lam yan a ntsa kaw tsap nhtawm jawm jahtuk sa na matu rai nga ai.
PYILAN:- KIO a ntsa e Salang Prangtai kaw nna maram masam galaw ai hpe dinglik yu yang, KIO gaw tinang a kraw kaw rawng ai hpe asan sha tsun shapraw na malai, tinang du mayu ai pandung de du lu na matu htap htuk ai mahkrun hku sa wa nga ai ngu hkam la ai. Ndai ningmu hpe madi shadaw ai, ninghkap ai mahtai gaw mungmasa, hpyen masa lam hta maram ai kaw myit kade dam lada ai hta she hkan na sai. Masha ni gara hku hkam la ai raitimung, anhte malen pyen u dusat dumyeng ni hku nna gaw Wunpawng Mungdan Shanglawt Hpung Ginjaw kaw na Ningbaw Ningla ni woi awn sa ai hpe ndai zuphpawng kaw nna tsep kawp madi shadaw dat ga ai law.
Puk Dun
3 comments:
Lahta na Du salang ni ka hkat ai hpe grai n-gun lu ga ai,matut na mung ndai zawn ning mu ni hpe tang madun marit ngu lajin dat ga ai.Anhte a ndai lang na majan hpe loi myit kalu let naw sharen da jang anhte a matu grau ahkaw ahkang kaba nan pru wa na re ngu mu ai, Nov:2012 ra lata poi grai ndu yang C.I.A director hte U.S President wa myen mung sa na hkyen nga masai,De majaw myiwa gaw myen hpe ntsen ai grau law wa jang myen mung na laknak hpai ai myusha rawt malan ni hpe n-gun kaba hte bai garum na hkyen na masai,Dai shaloi anhte mung masa hpe anhte ra ai hku ginsup la mai na sai ngu mu n-ngai.Myiwa kaw na ahkaw ahkang la shaloi mung sadi maja let la ra na ang ai.Ndai lang gaw rawt malan ni a matu htawm hpang de nmai lu mat sai ahkaw ahkang hpe mai lu wa na sai ngu kam ai, Libya zawn sin- na ni gaw Kaw jan kaw kap,nna shalau kau na gaw n-gup hte sha shalau na re,ta tut majan kaw shang lawm ai hku kaloi byin wa na nre, dai gaw 1. anhte Ga kaw Sin na mung dan ni ra ai hpan Sau grai law hkra npru ai, 2.Myiwa hte anhte mungdan kap taw ai majaw majan Clash nkam byin ai,byin tim shi lu na amyat gaw majan kaw lang kau ai ram bai lu na n-ging ai majaw Libya kaw byin wa ai zawn gara hku mung nbyin wa na re hpe kam ai.Dai majaw k.I.O /K.I.A ni hku nna myen mung dan gaw Libya hku byin wa nhten ngu hpe yup mang nmai mang na re ngu mu ai.U.S hpyen la hpe 80,000 du hkra lay off kalaw kau na hkyen nga masai,Gumhpraw ndang lu wa ai majaw da.Ndai lang na majan gaw myen wa asum jaw ra chyalu re,lama na majan hpe ten garawt da nhtawm la gaw lahkam htawt yang htawt jaw na sai ngu hkrak kam ai.K.K. gaw ndai majan hpe shabyin dat ai wa re,chyeju kaba dik sai.
Grai hkrak ai. Manu Dan Dik ai..Ngai nan zuphpawng kaw shang lawm Lu ai zawn nga nan Hkam sha ai. Matut na naw she ga ran ga Chyan ya mit ngu hpyi la Jin dat ai.chyeju GABA sai..
Grai hkrat dai hku re, bai Matut nna jing hpaw mung the Sam mung sa RA ni hpe law law naw zing la RA nga AI. KIA a hpyen n gun mung naw jet la ra nga ai hta n ga grai hkrat ai lanak kaba law hte n dai myen hpyen hpe naw gap bun nna ah hte a mung kaw nna shachyut kaw GA law my tsaw share shagan ni e,,
Kachin Airforce
Post a Comment