Masha sat ai Thein Sein, masha sat na aming jahkrat ai Thein Sein, masha sat na a ming lu ai myen hpyen gumshem dap ni, hpyen la ni, masha sat sharu ai, numma roi rip ai mare nat, dusat yam nga gap sat sha ai, lu malu nga manga yawng la kau ya ai, jahten kau ya ai myen hpyen la ni hpe lahpawk chyawm dum nna n'gun jaw ai rapdaw Slg ni, mung masa party la ni, Democracy nga marawn nga ai ni, mung shawa a akyu ara mai kaja lam tam ya ai nga ya kanang ta? hpa galaw nga ma ta?
Simsa ai annau ni a lamu ga hpe kasu gabrawng hkra galaw ai, kasu gabrawng hpung gaw myen hpyen hpung she re. Tengman ai tara lang ai, mung shawa duhka hkrum yang, mung shawa a lawt lam tam ya ai, makawp maga ya ai, kamhpa shara tai ya nga ai, mung shawa a kanu kawa hte bung ai KIO/KIA kaw she kayin wa, KIO/KIA ni a lam woi ai npu de she wa shing byi nga ai gaw, Shanglawt KIO/KIA madaw asuya majing rai nga ai. Mung shawa a shimlum hpe asak hte makawp maga ya nga ai gaw KIO/KIA annau nan she rai nga ai majaw n'dai lang gaw teng majan dang nan dang na re ngu ngai hku nna kam nan kam ai. Tinang a akyu ara hpe n'tam ai asak ap nawng nna, tinang lu lawm ai lam yawng hte sak jaw ai share shagan myu tsaw mung tsaw ningbaw ningla ni hte magam gun kaji kaba yawng hpe shagrau sha "a" hkungga jaw nga ga ai zawn annau ni hpe galoi mung lam woi ning shawng kaja tai ya na re ngu kam ai.
Annau ni gaw moi kaw nna Democracy lu taw nga sai amyu ni re, annau ni kam sham ai Wa Karai gaw shinggyin ahkaw ahkang hte hpring tsup nna, wanglu wanglang shanglawt ai hte madu a dashi sali wuli hkam la lu ai hpung shingkang hte hpring nna, kasha ngu a tsang du na hpe ra ai jaw, annau ni gaw masha a lu gin ai ahkaw ahkang hpe hkungga ai hkan sa ai re, dai majaw annau ni gaw democracy lu nga chyalu re.
2008 a punwi kaba hte bung ai jut shagu hku nna shamu n'lu hkra, grup grup de nna madi jahkrit tawn ai masa hte bung ai gawda ai tara kanu masing kaw nna mung annau ni gumrawt pru lu sai, myen amyu kaba ladat myu shamyit masing gaw hpan masum, n'gam masum hku nna hkrang shapraw sa nga ai hpe jau jau kaw nna mahkyen tawn ai lam asan mu chye mai nga ai.
A-Simsa ai masa hte 2008 Gawda ai Tara kanu hte n'tsa lam sanap hka chya tawn ai ladat.
B-Akawng yawng hpe daw agrawp kau ya nna, laknak yawng zing madu kau lu hkra u shoi dun tawn nna ra ai de gang kayin, ra ai hku hkang shangun sha mai hkra, shanhte n'pu kata kaw dung apyet tawn nna, BGF jarit sin dap kale shangun ai. N'htu n'shan n'tsa BGF masat mara tawn nna la yang mung dip marun sat na,n'la yang mung gap sharu sat na.
C-2008 gawda ai punwi kaba pahkam hta mung annau ni lawt pru wa sai. BGF n'htu n shan n'tsa hkawm shangun ai kaw na mung lu lawt pru wa ai jaw myen ni a nyanchyang nyan hpraw htum hkra shachyai yu tim annau ni a tengman ai lam hte myu tsaw mung tsaw myit hpe n'dep lu ai jaw hpang jahtum gaw shanhte myit tawn chyalu re ai jinghpaw ngu mying ai yawng hpe sat sharu na sang gang kaw lat gyi Chang yin hpe gap sat nna labau shang sat sharu hpang wa sai re. N'gun kaba laknak hkun shingja n'bungli du hkra lang nna sat sharu nga sai re.
Myen gaw moi kaw na myit n'san n'seng dik ai hte annau ni hpe mana shachyoi nna, dasang dang gamyet sha ai, shanhte myit jahkut tawn chyalu re myu shamyit masa hpe shaning galu mahkrun tam nna tsang hte tsang n'gam hte n'gam grau grau shaja mazut ai masing jahkrat nna annau ni hpe shanhte a up hkang sha masha mayam langai hku byin hkra hte ya hpang jahtum myu shamyit singgu krin byin hkra tatut galaw nga sai.dai zawn re kaw annau ni naw mana nang sayang gaw dai ni na zawn re ten gaw hkrap nna tam tim bai lu na nrai sai.Tsaban kahtap nna myit mada makun tim bai lu na n'rai sai. Dai majaw ladat kaba hte matut gasat tik tik rai yang she mai kaja dik sai. Jum nawng hpaw nna Jinghpaw ngu ai shing teng amying lu ai shani kaw nna annau ni hpyen majan gasat hpang wa ai gaw Hkaw hkam arawng aya hkalut hkra,hkaw hkam atsang kaw na darat daroi byin mat hkra gasat ai. Dai kaw nna majan hta shangai majan hta sak hkrung majan hta si rai tsa ban law law shalai kau wa saga ai. Shaning galu n'gaw htawt hkrun lam galu hkawm nna majan je yu wa ai byin mai ai hku nga shalai hkri tung kaw na majan gasat chye ai ni re majaw, myit ja ai, magrau grang ai, myit gumshem ai reng ai grang ai share ninghkring hpyen jaubu grai pru wa sai re. Gin htawng jaga gak makru muhkri sha mayu ai gumshem Du magam Kum ja magam hpe mu dip dip sat kau ai hkrum hkra gumshem ai myu re.
Hpyen Jaubu Maha Hkin Du La, Bang Gum Zau Tu, hpyen Jaubu Naw Seng hte Gumshem magrau grang ai kaji kawa grai law pru lai wa sai zawn annau ni yawng mung hpyen majan hta shangai pra wa ai hkrai re majaw yawng magrau grang ai. Anhte a makau grup hte mungkan hta majan n'nga yang kaja dik htum re, hpyen majan a jaw hkrap ngu hkrap ngoi, yawn hkyen madai hkrum ai, si hkrung si htan hkrum ai, dinghku masha shada hka bra ai. Sutgan kata singgu krin byin hkrum ai. Dai hpyen majan gaw jahkring kau lu yang gaw kaja dik htum re tim masha n'kau mi a dusat myit rawng ai, lamu ga kashun malu masha n'sun n'ang kashun, n'tara mung maden, zingri dip chye ai ni kaw na lawt lu na matu annau ni n ra dik ai majan gaw matut gasat ra ai.
Shaning galu majan hta shangai, majan hte hkrung, majan hta si ai prat kaw nna dai ni du nga ai annau ni prat hta gaw majan n'dai hpe Padang dip la ai hte jahkring lu hkra majan hte gasat dang la ai hte annau ni a galu dik ai majan chying hkraw hpe labau jaw ai lit n'dai mangam nga hkra, ngut kre hkra hpyen majan hte gasat shamyit awng padang dip la ga, annau ni lamu ga mungdan hpe htawm hpang de galoi mung majan ngu ai n'gasat ra hkra myen tai hpyen hpe labau shang prat tup jaw lup matsing hkra ja ja mazut mazut gasat shamyit kau ga, shu mashi ban du hkra majan ngu ai hte tsan gang mat nu ga annau ni ahkyak la nna gasat dang la kau ra ai.dai ni gaw gasat nan gasat ra ai.hpyen majan hte hpang ai re majaw hpyen majan hte moi ji jaw nat jaw prat nna gasat ai majan hkrun lam galu hpe jiwoi jiwa ni a gawmai gawsha gumgun gunhpai labau lit hpe dai ni annau nia lakhtak hkristan prat hta simsa bawngban ai hte n're sha majan hte nan jahkring shangut la ra ai.
Shaning galu majan sha gasat ai myu, n'gaw galu htawt hkawm hkrat wa ai myu sha re majaw ngasat ngasa lam,galaw lu galaw sha lam, hpaga yumga sutlu nga mai lam, shinggyin nauna myit,shinggyin ahkaw ahkang hkalut,makam masham ningra, htung hking laili laika, hpaji hparat, rawt jat bawngring lam, hkam kaja lam, hprawng yen hkawm rai lamu ga yawng sum machyi dik wa saga ai re, myit kata e mung tsu machyi hkrum dik saga ai re majaw dai ni gaw hpang jahtum n'gun lu malu dating dik nna, matse labye hpyen gumshem hpe annau ni a lamu ga kaw na moi jiwoi jiwa ni a gawmai gawsha hka ding hpe wa lu hkra hte n'sun n'ang zingri roirip sat hkrum ai, jamjau duhka hkrum ai, si hkrung sihtan hkrum ai maroi nni hkam jan n'lu na daram hkam sha,zingrut htu hkrum ai,du baw law law arang bang lai wa sai, bunglat hka kaba hpe shaprai lu hkra hpyen majan hte nan padang gasat shamyit shaprai la ra sai ngu n'gun jaw mayu ai.
Bawngban sa ngut shagu hpyen n'gun grau htu lung ai, bawngban sa shagu anhte hpe kaja ai hku mu na malai,simsa lam, mung masa bawngban ai de sa na malai grau dip matsut htu matsut lu hkra ladat tam wa ai. Annau ni hpe teng mung masa bawngban mayu ai n're, simsa mayu ai n're asan chye gin nga saga ai, rai yang hpa majaw naw bawngban ra nga ai kun? Ningbaw ningla ningbaw kaba masha kaba ni e, hpyen masa teng shayawm ai lam n'nga yang bawngban n'sa ai maram yu ra ai. Dat kasa hte laika hte lapran Slg hte matut jahkrup sa sha mai na re ngu mu ai. Grat dagra re masa n'mu ai kaw annau ni sa bawngban ai gaw mana shachyoi nga ai sha re.ja ja la yu ga. Myen hku na teng mung masa bawngban mayu ai, teng simsa mayu yang hpyen masa shayawm kalai ra ai. Myen hpyen ni masat ai shara du hkra htingnut ra ai.
Dai zawn re kaw bawngban sa yang lachyum n'pru ai hta n'ga annau ni a ga mung namnak n'nga ai, ma gin sup chyai ai hte bung nga ai, myen a makdwi shalen jaw ai hpe sha mayu dik ai ma myit n'su hte bung nga ai law sung sung madu galaw nga ai hpe ja ja li li naw n'htang myit yu ga.myen tsun shagu kam ai myen a n'gup n'kalap dat ai sha ra nga ai le, ningbaw kaba ni e nanhte a n'gup ga hkaw mi gaw yawng a sari, yawng a asak re hpe bai naw myit dum ga. Magrau grang ai myu ya gaw myit kya ai zawn kalai shai lawan chye nga ai gaw hpa rai na ta? Mung shawa ni myit ung ang chye wa ai, Wa galaw ai n'jaw ai nga madu kasha ni madi madun wa chye ai.
Dai ni ndai ram singgu krin byin hkrum saga ai, ningma hkang kaba hkrum saga ai, matsan sayang labu waw ai n'mai kaya chyai ra sai, n'mai hkrit chyai taw nga ai, agam chyai nga na ten mung lai sai, annau ni hpe asan sha sat shamyit, singgu krin byin hkra galaw sai ngu ai gaw hkrung tim jasi hte bung hkra galaw ai re, dai zawn re kaw kadai pyaw lu na ta? Kadai wa kaja ai ngu tsun na ta? Galaw ai ni madaw pyi n'shayawm ai, katut hkrum ai sat hkrum ai ni madaw naw tawngban ga ngu ai gaw tara nau lai sai. Dai ni na ten gaw annau ni shayawm ya gaw gara hku mung mai nan n'mai sai.
Mung masa party chyawm hpaw nna rapdaw kaw bawngban shangut la ga ngu ai Slg. ni hpe mung mau dik ai, hpa n'chye galaw yang madu nta madu dung, madu na madu jum, madu shat sha nna n'gup matsut tawn nna nga kau yang pyi kashu kasha myu sha ni matu kaja dik na re. Ra lata pyi n'mai shang ai, myu kata kaw myit ashun hkra myen a mayam tai mayu ai ni myu kata na shan kata na byet kanu tai mayu ai ni labau ka n'tsawm hkra galaw mayu ai hpu shawng hpuba ni hpe mung mau ai.singgu krin byin nga ai ni hpe naw wa yu la nna party hpaw na hku she galaw yang kaja na re. Hpyen yen tsin yam ni ra lata naw wa galaw la nna rapdaw shang mai n'mai wa dawdan shagrin la yang kaja na re. N'lung chyinghka kaba pat tawn ai kaw shang mayu ai, lang hte lang shang yu nna baw madaw hpye waw mat na, Uhka hpawng hta U tawng shayi sa tai na kun? Madu hkum hpe shawng matsan dum nna myit jahkut u.
Dai ni ten gaw annau ni mazut dik ai majan hte jiwoi jiwa ni a hka kaba da, dai byin hkrum hkra nga ai majan hka hpe du labau jaw ai majan hte matai htang magrau grang dik ai hte mazut ja dik ai hte gasat shamyit adawt shakre na ten she rai sai. Htawm hpang annau ni kashu kasha ni majan prat hta n'shangai nu ga, majan gasat ai hkrun lam galu hpe dai jang shangut majan baw hpang shakre majan shatai ra sai ngu myit ai law.
Myen masu sha dip sha, dang sha, roi sha, zingri sha ai nau hpau sai, n'mai shayawm ya sai, annau ni mung sat na nat na, shagrawt na de ja ja mazut zut gasat ga.
Yi ngam ngut nu ga. Myen tengman ai lam galoi tsun na ta?
Baren Numraw
Simsa ai annau ni a lamu ga hpe kasu gabrawng hkra galaw ai, kasu gabrawng hpung gaw myen hpyen hpung she re. Tengman ai tara lang ai, mung shawa duhka hkrum yang, mung shawa a lawt lam tam ya ai, makawp maga ya ai, kamhpa shara tai ya nga ai, mung shawa a kanu kawa hte bung ai KIO/KIA kaw she kayin wa, KIO/KIA ni a lam woi ai npu de she wa shing byi nga ai gaw, Shanglawt KIO/KIA madaw asuya majing rai nga ai. Mung shawa a shimlum hpe asak hte makawp maga ya nga ai gaw KIO/KIA annau nan she rai nga ai majaw n'dai lang gaw teng majan dang nan dang na re ngu ngai hku nna kam nan kam ai. Tinang a akyu ara hpe n'tam ai asak ap nawng nna, tinang lu lawm ai lam yawng hte sak jaw ai share shagan myu tsaw mung tsaw ningbaw ningla ni hte magam gun kaji kaba yawng hpe shagrau sha "a" hkungga jaw nga ga ai zawn annau ni hpe galoi mung lam woi ning shawng kaja tai ya na re ngu kam ai.
Annau ni gaw moi kaw nna Democracy lu taw nga sai amyu ni re, annau ni kam sham ai Wa Karai gaw shinggyin ahkaw ahkang hte hpring tsup nna, wanglu wanglang shanglawt ai hte madu a dashi sali wuli hkam la lu ai hpung shingkang hte hpring nna, kasha ngu a tsang du na hpe ra ai jaw, annau ni gaw masha a lu gin ai ahkaw ahkang hpe hkungga ai hkan sa ai re, dai majaw annau ni gaw democracy lu nga chyalu re.
2008 a punwi kaba hte bung ai jut shagu hku nna shamu n'lu hkra, grup grup de nna madi jahkrit tawn ai masa hte bung ai gawda ai tara kanu masing kaw nna mung annau ni gumrawt pru lu sai, myen amyu kaba ladat myu shamyit masing gaw hpan masum, n'gam masum hku nna hkrang shapraw sa nga ai hpe jau jau kaw nna mahkyen tawn ai lam asan mu chye mai nga ai.
A-Simsa ai masa hte 2008 Gawda ai Tara kanu hte n'tsa lam sanap hka chya tawn ai ladat.
B-Akawng yawng hpe daw agrawp kau ya nna, laknak yawng zing madu kau lu hkra u shoi dun tawn nna ra ai de gang kayin, ra ai hku hkang shangun sha mai hkra, shanhte n'pu kata kaw dung apyet tawn nna, BGF jarit sin dap kale shangun ai. N'htu n'shan n'tsa BGF masat mara tawn nna la yang mung dip marun sat na,n'la yang mung gap sharu sat na.
C-2008 gawda ai punwi kaba pahkam hta mung annau ni lawt pru wa sai. BGF n'htu n shan n'tsa hkawm shangun ai kaw na mung lu lawt pru wa ai jaw myen ni a nyanchyang nyan hpraw htum hkra shachyai yu tim annau ni a tengman ai lam hte myu tsaw mung tsaw myit hpe n'dep lu ai jaw hpang jahtum gaw shanhte myit tawn chyalu re ai jinghpaw ngu mying ai yawng hpe sat sharu na sang gang kaw lat gyi Chang yin hpe gap sat nna labau shang sat sharu hpang wa sai re. N'gun kaba laknak hkun shingja n'bungli du hkra lang nna sat sharu nga sai re.
Myen gaw moi kaw na myit n'san n'seng dik ai hte annau ni hpe mana shachyoi nna, dasang dang gamyet sha ai, shanhte myit jahkut tawn chyalu re myu shamyit masa hpe shaning galu mahkrun tam nna tsang hte tsang n'gam hte n'gam grau grau shaja mazut ai masing jahkrat nna annau ni hpe shanhte a up hkang sha masha mayam langai hku byin hkra hte ya hpang jahtum myu shamyit singgu krin byin hkra tatut galaw nga sai.dai zawn re kaw annau ni naw mana nang sayang gaw dai ni na zawn re ten gaw hkrap nna tam tim bai lu na nrai sai.Tsaban kahtap nna myit mada makun tim bai lu na n'rai sai. Dai majaw ladat kaba hte matut gasat tik tik rai yang she mai kaja dik sai. Jum nawng hpaw nna Jinghpaw ngu ai shing teng amying lu ai shani kaw nna annau ni hpyen majan gasat hpang wa ai gaw Hkaw hkam arawng aya hkalut hkra,hkaw hkam atsang kaw na darat daroi byin mat hkra gasat ai. Dai kaw nna majan hta shangai majan hta sak hkrung majan hta si rai tsa ban law law shalai kau wa saga ai. Shaning galu n'gaw htawt hkrun lam galu hkawm nna majan je yu wa ai byin mai ai hku nga shalai hkri tung kaw na majan gasat chye ai ni re majaw, myit ja ai, magrau grang ai, myit gumshem ai reng ai grang ai share ninghkring hpyen jaubu grai pru wa sai re. Gin htawng jaga gak makru muhkri sha mayu ai gumshem Du magam Kum ja magam hpe mu dip dip sat kau ai hkrum hkra gumshem ai myu re.
Hpyen Jaubu Maha Hkin Du La, Bang Gum Zau Tu, hpyen Jaubu Naw Seng hte Gumshem magrau grang ai kaji kawa grai law pru lai wa sai zawn annau ni yawng mung hpyen majan hta shangai pra wa ai hkrai re majaw yawng magrau grang ai. Anhte a makau grup hte mungkan hta majan n'nga yang kaja dik htum re, hpyen majan a jaw hkrap ngu hkrap ngoi, yawn hkyen madai hkrum ai, si hkrung si htan hkrum ai, dinghku masha shada hka bra ai. Sutgan kata singgu krin byin hkrum ai. Dai hpyen majan gaw jahkring kau lu yang gaw kaja dik htum re tim masha n'kau mi a dusat myit rawng ai, lamu ga kashun malu masha n'sun n'ang kashun, n'tara mung maden, zingri dip chye ai ni kaw na lawt lu na matu annau ni n ra dik ai majan gaw matut gasat ra ai.
Shaning galu majan hta shangai, majan hte hkrung, majan hta si ai prat kaw nna dai ni du nga ai annau ni prat hta gaw majan n'dai hpe Padang dip la ai hte jahkring lu hkra majan hte gasat dang la ai hte annau ni a galu dik ai majan chying hkraw hpe labau jaw ai lit n'dai mangam nga hkra, ngut kre hkra hpyen majan hte gasat shamyit awng padang dip la ga, annau ni lamu ga mungdan hpe htawm hpang de galoi mung majan ngu ai n'gasat ra hkra myen tai hpyen hpe labau shang prat tup jaw lup matsing hkra ja ja mazut mazut gasat shamyit kau ga, shu mashi ban du hkra majan ngu ai hte tsan gang mat nu ga annau ni ahkyak la nna gasat dang la kau ra ai.dai ni gaw gasat nan gasat ra ai.hpyen majan hte hpang ai re majaw hpyen majan hte moi ji jaw nat jaw prat nna gasat ai majan hkrun lam galu hpe jiwoi jiwa ni a gawmai gawsha gumgun gunhpai labau lit hpe dai ni annau nia lakhtak hkristan prat hta simsa bawngban ai hte n're sha majan hte nan jahkring shangut la ra ai.
Shaning galu majan sha gasat ai myu, n'gaw galu htawt hkawm hkrat wa ai myu sha re majaw ngasat ngasa lam,galaw lu galaw sha lam, hpaga yumga sutlu nga mai lam, shinggyin nauna myit,shinggyin ahkaw ahkang hkalut,makam masham ningra, htung hking laili laika, hpaji hparat, rawt jat bawngring lam, hkam kaja lam, hprawng yen hkawm rai lamu ga yawng sum machyi dik wa saga ai re, myit kata e mung tsu machyi hkrum dik saga ai re majaw dai ni gaw hpang jahtum n'gun lu malu dating dik nna, matse labye hpyen gumshem hpe annau ni a lamu ga kaw na moi jiwoi jiwa ni a gawmai gawsha hka ding hpe wa lu hkra hte n'sun n'ang zingri roirip sat hkrum ai, jamjau duhka hkrum ai, si hkrung sihtan hkrum ai maroi nni hkam jan n'lu na daram hkam sha,zingrut htu hkrum ai,du baw law law arang bang lai wa sai, bunglat hka kaba hpe shaprai lu hkra hpyen majan hte nan padang gasat shamyit shaprai la ra sai ngu n'gun jaw mayu ai.
Bawngban sa ngut shagu hpyen n'gun grau htu lung ai, bawngban sa shagu anhte hpe kaja ai hku mu na malai,simsa lam, mung masa bawngban ai de sa na malai grau dip matsut htu matsut lu hkra ladat tam wa ai. Annau ni hpe teng mung masa bawngban mayu ai n're, simsa mayu ai n're asan chye gin nga saga ai, rai yang hpa majaw naw bawngban ra nga ai kun? Ningbaw ningla ningbaw kaba masha kaba ni e, hpyen masa teng shayawm ai lam n'nga yang bawngban n'sa ai maram yu ra ai. Dat kasa hte laika hte lapran Slg hte matut jahkrup sa sha mai na re ngu mu ai. Grat dagra re masa n'mu ai kaw annau ni sa bawngban ai gaw mana shachyoi nga ai sha re.ja ja la yu ga. Myen hku na teng mung masa bawngban mayu ai, teng simsa mayu yang hpyen masa shayawm kalai ra ai. Myen hpyen ni masat ai shara du hkra htingnut ra ai.
Dai zawn re kaw bawngban sa yang lachyum n'pru ai hta n'ga annau ni a ga mung namnak n'nga ai, ma gin sup chyai ai hte bung nga ai, myen a makdwi shalen jaw ai hpe sha mayu dik ai ma myit n'su hte bung nga ai law sung sung madu galaw nga ai hpe ja ja li li naw n'htang myit yu ga.myen tsun shagu kam ai myen a n'gup n'kalap dat ai sha ra nga ai le, ningbaw kaba ni e nanhte a n'gup ga hkaw mi gaw yawng a sari, yawng a asak re hpe bai naw myit dum ga. Magrau grang ai myu ya gaw myit kya ai zawn kalai shai lawan chye nga ai gaw hpa rai na ta? Mung shawa ni myit ung ang chye wa ai, Wa galaw ai n'jaw ai nga madu kasha ni madi madun wa chye ai.
Dai ni ndai ram singgu krin byin hkrum saga ai, ningma hkang kaba hkrum saga ai, matsan sayang labu waw ai n'mai kaya chyai ra sai, n'mai hkrit chyai taw nga ai, agam chyai nga na ten mung lai sai, annau ni hpe asan sha sat shamyit, singgu krin byin hkra galaw sai ngu ai gaw hkrung tim jasi hte bung hkra galaw ai re, dai zawn re kaw kadai pyaw lu na ta? Kadai wa kaja ai ngu tsun na ta? Galaw ai ni madaw pyi n'shayawm ai, katut hkrum ai sat hkrum ai ni madaw naw tawngban ga ngu ai gaw tara nau lai sai. Dai ni na ten gaw annau ni shayawm ya gaw gara hku mung mai nan n'mai sai.
Mung masa party chyawm hpaw nna rapdaw kaw bawngban shangut la ga ngu ai Slg. ni hpe mung mau dik ai, hpa n'chye galaw yang madu nta madu dung, madu na madu jum, madu shat sha nna n'gup matsut tawn nna nga kau yang pyi kashu kasha myu sha ni matu kaja dik na re. Ra lata pyi n'mai shang ai, myu kata kaw myit ashun hkra myen a mayam tai mayu ai ni myu kata na shan kata na byet kanu tai mayu ai ni labau ka n'tsawm hkra galaw mayu ai hpu shawng hpuba ni hpe mung mau ai.singgu krin byin nga ai ni hpe naw wa yu la nna party hpaw na hku she galaw yang kaja na re. Hpyen yen tsin yam ni ra lata naw wa galaw la nna rapdaw shang mai n'mai wa dawdan shagrin la yang kaja na re. N'lung chyinghka kaba pat tawn ai kaw shang mayu ai, lang hte lang shang yu nna baw madaw hpye waw mat na, Uhka hpawng hta U tawng shayi sa tai na kun? Madu hkum hpe shawng matsan dum nna myit jahkut u.
Dai ni ten gaw annau ni mazut dik ai majan hte jiwoi jiwa ni a hka kaba da, dai byin hkrum hkra nga ai majan hka hpe du labau jaw ai majan hte matai htang magrau grang dik ai hte mazut ja dik ai hte gasat shamyit adawt shakre na ten she rai sai. Htawm hpang annau ni kashu kasha ni majan prat hta n'shangai nu ga, majan gasat ai hkrun lam galu hpe dai jang shangut majan baw hpang shakre majan shatai ra sai ngu myit ai law.
Myen masu sha dip sha, dang sha, roi sha, zingri sha ai nau hpau sai, n'mai shayawm ya sai, annau ni mung sat na nat na, shagrawt na de ja ja mazut zut gasat ga.
Yi ngam ngut nu ga. Myen tengman ai lam galoi tsun na ta?
Baren Numraw
3 comments:
Re law .myitsu braren num raw e. myen a dip sha roi sha sat nat ai gaw n dang sharang sai law. Ndai zawn re nat ni hpe madu shatai nna hkrap let sha ,mani na mung sha re gabai jaw ai hpe kabu gara nummai gangat nna kan jahkru nga ai ni hpe she mau nma re. Wunpawng sha ni a n tsa e labau hka kap na ni re.
Amyen ngu ai hpe gaw lawu myen mung htum pa lai hkra gawt kau lu jang she A san nga nga pyaw n sa sa pyaw na re law.
Re law myit su baren num raw e. myen sai chyup, roi rip zing ri ai lam hpe n dang sharang sai law. Ndai nat tsa dan hpe madu shtai nna kabai jaw ai angaw a ngam hpe sha nummai gangat kau nna, hkrap let sha, mani let sha rai nga ai wunpawng banau byet ni hpe mung mau dik ai law
Myu sha labau hta hka kap nga na ne re. Myen , mung maden ai myen hpe gaw le lawu myen mung htum pa lai hkra gawt kau ra ai yaw.
Jinghpaw wunpawng sha ni a matu Karai Kasang ra sharawng ai aten du sai ngu kam n-ngai. Shanglawt asuya (KIO)shakut shaja galaw nga ai lam gaw n-mai byin ai lam n-re. Mai dik ai lam she re. Myen ni shalen ai lam ni hta n-kashawt ai sha matut shakut shaja yang Jinghpaw wunpawng mungdan Shanglawt lu na re. Mungkan labau hpe yu yang ning re ai masa mungdan law law hkan byin lai wa sai hpe mu lu ai. Kaja wa myu tsaw mung tsaw myit hte shakut shaja lai wa sai ni da mungdan madu re. KIO hte J.Wp. sha ni yawng myit hkrum let tinang shara n-tat kau na hku glaw nga yang awng dang na gaw chyalu re. Western, European mungdan ni mung myen hpe chye magang sai..majan a lam mung chye lu sai.....
Karai Kasang awng padang jaw na re.shi hpang kamhpa manoi manat let shakut sa wa ga law.
Post a Comment