Slideshow Image 2

KIO - KNO HKRUM ZUP BAWNGBAN HPAWNG

June (29) bat Manga
Wunpawng Mungdan Shanglawt Asuya (KIO) hte Wunpawng Myusha Hpung (KNO) Ningbaw ningla ni June (27) ya shani Laiza Muklum hta hkrum zup bawngban hpawng galaw lai wa sai lam shiga na chye lu ai. N dai zuphpawng hta Wunpawng Mungdan Shanglawt Asuya (KIO) hte Wunpawng Myusha Hpung (KNO) gaw hpung langai sha hku myit hkrum gahkyin gumdin la lu sai lam, Wunpawng Myusha Hpung (KNO) kawn hpaw ninghtan da ai United Kachinland Army (UKA) hpyen dap hpe mung Wunpawng Mungdan Shanglawt Asuya (KIA) hpyen dap hte rau pawng hpawm kau sai lam shiga na chye lu ai. KIO hte KNO gaw Padang Hkrumlam Majan Masing hta myit mang langai sha hte arau sha bungli jawm galaw sa wa na matu mung myit hkrum da lu sai lam shiga na chye lu ai. N dai bawnban hpawng kawn KIO hte KNO myithkrum N Dau Laika hpe mung shale dat sai lam shiga na chye lu ai.

Matut nna ngam nga ai Wunpawng Amyu Sha laknak lang hpung (Lasang Awng Wa, NDAK, KDA, Hkun Myat Militia) ni hpe mung myit hkrum mangrum hte myit dam lata ai Kanu KIA uhpung de nhtang wa na matu, shadut shabra hpaji jaw la na gaw Nu Wa Mung chying sha ni yawng hta lit nga nga ai.

13 comments:

Anonymous said...

LET YOUR UNITY BETWEEN KIO AND KNO BE LONG LASTING AND WE NEED FURTHER MORE TO ACHIEVE A STRONG UNITY AMONG THE UNFC.
U.S.BRANG.

Anonymous said...

KNO mung hpaji chye ai hte gum hpraw lu ai amyu sha mying rawng ai ni hpaw ninghtan dat ai re majaw gara ten hta myu sha a matu ahkyak ai myit hkrum ra ai ngu hpe chyena hkawn hkrang ai hpe mu lu ai zawn KNO ningbaw ni yawng hpe ma hkung ga ai. Dai Lasang Awng, Ting Ying, Hkun Myat, Mahtu Naw ni gaw myen a mayam law hkum myit mada dam mu, jinghpaw sari jahpoi, Jingmung mung daw mung dan ngwi pyaw wa ai shaloi dai ni, labau hka kap ai ni tai mat na gaw ga lahtum nshut rai mat sai..

Anonymous said...

KIO yaw shada, myit sawn ai lam hpe chye na hkungga ai raitim, KIO hte KNO hpe rau madan hku da nna, tsun shaga, kalajang shabra nga ai lam ni gaw, KIO a shawnglam matu kumla n kaja na re ngu myit lu ai. Labau hta na KIO re, KNO gaw, gara labau kaw, rudi ai kun? Sadi ga!

Myu Tsaw hpyenla tingsa said...

Ya du hkra naw myit gingka ai lam naw ka nga ai Aninymouse hpu nau wa gaw kade a masha ta? Labau nchye yang naw sawk sagawn nna she ka u. Majoi hkrum mara myit daw hka na baw hkum ka u. KNO hpe lai wa sai Ningbaw Kaba Brang Seng hte shi shawng kaw na amyu sha lam hta shakut nga sai amyu sha ningbaw ni hte KIO ningbaw ni jawm bawngban let dai ten na ra wa ai mung masa hpe any garan galaw na matu hpaw hpang wa ai re. Ya gaw Myen hpyen wa hte bai gasat sai majaw amu hpe dan dan leng leng bai rau jawm galaw mai sai majaw n'gun langai bai gum hpawn wa ai hpe chye u. Angawk ai zawn anyak ai zawn nga nna amyu sha ni hpe gingka ai lam hkum galaw sa.

Unknown said...

Yawng myit hkrum mang rum let jawm shrai la let ,yawng jawm a dawt gasat yang n awng dang na lam hpa n nga ai.Gara ga baw hte mi garan na nga tim jing hpaw gaw jing hpaw myu sha re.N ta langai sha na gahpu ganau pyi myit rum ai lam n nga ai le hkau ni e.Dai majaw yawng hpe tsawra myit gaba hte woi gahkin la ai hpu shawng hpu ba myit nga ai KIO a yaw sha da ai lam grai gaja ai hku mu ma da ai.Matut na galaw sa wa ga ngu mayu ai.

Unknown said...

Yawng myit hkrum mang rum let jawm shrai la let ,yawng jawm a dawt gasat yang n awng dang na lam hpa n nga ai.Gara ga baw hte mi garan na nga tim jing hpaw gaw jing hpaw myu sha re.N ta langai sha na gahpu ganau pyi myit rum ai lam n nga ai le hkau ni e.Dai majaw yawng hpe tsawra myit gaba hte woi gahkin la ai hpu shawng hpu ba myit nga ai KIO a yaw sha da ai lam grai gaja ai hku mu ma da ai.Matut na galaw sa wa ga ngu mayu ai.

Anonymous said...

lahta na sadi ga nga tsun ai comment wa a myit ma sin kaw masap shabat gaya n-chye ai -- ga hkin hkum dim ai hpe n-ra ai
ga garan ai hpe ra sharawng ai -- sadan myit -- --- na hkum nang atsawm naw myit yu u-,,,du sat baw nu hpe galai kau na myit u yaw---hpa mi rai tim pawng mat ai kaw ga ja htum dik ai re le---an
hte na myu tsaw ning baw KIA/KIO ni mung anyak n-re kaw ---nang zawn re wa a matu akyu hpyi ya nga ai ---

Anonymous said...

Tsawra hkungga ai kanu kawa kahpu kanau mayu dauma jinghpaw amyu sha yawng hpe tsaw ra kam hpa nga ai. Ngai UKA magam gun langai hku nna gahkyin gumdin ai lam hpe ra sharawng la nngai. KIO/KNO uhpung gaw sailam langai kaw na magam bungli, mung masa lam yang hta hkan nna ningpawt gawgap da ai zawn anhte jingphaw wunpawng mung dan hte amyu sha yawng shanglawt lu hkra tai hpyen yawng hpe gasat shamyit na bangdung langai sha rai ga ai. KIO/KNO uhpum a dawdan bawngban zahpawng mahtai hpe ngai hku na myit dik kabu hkap arawng la nngai. Mungdan hpe tsawra ai. Amyu sha yawng hpe tsawra ai. Yawng myit hkrum gahkyin nga ga lo.....

Anonymous said...

Um..Lahta na comment ni hpe yu yang masha langai ngai or u hpung langai ngai a rejection hpe tau hkrau nmyit da ai majaw rejection langai ngai hte hkrum jang grai pawt wa ai hpe lahta hkan mu hti lu ai. Policy hpe dinlun ai ngu ai hte mungdan hpe ninghkap ai ndai 2 shai hkat ai hpe loi myit chyai ga.Ya anhte law malawng gaw policy hpe ninghkap/dinglun dat sa nga jang asuya ngu ai hpe ninghkap ai shadu kau chye ma ai,sadi nga ga.Mu jut nbung ai hpe hkung ga hkat ga.KNO a labau hpe myityu ga nga hpe mung myit yu chyai mai nga ai,Moi K.I.O hte masa nbung ai majaw mying wa KNO she nga tim matsun ai gaw K.I.O matsun hku mung masa hpe shachyai na nga nhtawm 1999 jan 9 hta hpaw wa ai rai ang sai.KNO hpe nchye na na hku mung shi nan kalaw wa sai re.eg..Hpyen dap hpaw wa ai,K.I.O matsun hku mung masa kalaw wa ai lam n-nga wa ai hta n-ga KNO founder wa nan rawt malan mung ga ka shale wa ai ni kalaw wa nga sai re.K.I.O hte shingjawng wa ai masa ni law law labau hta mu wa na re,KNO mu gun ni hku nna mung mungdan nkau myi hkan zinlum hkawm ai shaloi K.I.O/K.I.A hpe manu mana jahpyak ai hte KNO a matu zinlum wa sai re.eg.( Z. Di La malaysia kaw K.I.O hpe grai jahpyak lai wa sai)ning re ni a majaw rai na sai ngu jawm myit la ga.Common idea gaw bung hkat nga ma ai.

Anonymous said...

KNO ningbaw sutdu kaba wa hpe jinghpaw mungdan a gam maka gapdi la na hte seng nna masing kalu hte aten hte seng nna pang-dung masat da ai nga a ni? ngu yang n-nga ai lam chye lu ai.Lama ma magam kalaw yang Target(destination) gaw masat na kalaw sa wa ra na re ngu shadu ai.anhte jinghpaw ni gaw organization hpe mung nchye hpaw ma ai,Financial gaw (wadi) Uhpung mying kaw laja lana nga hte shamying, eg. KNO gaw founder wa financial n shapraw lu ai hte KNO ngu ai U hpung gaw n-nga mat sana re.Organizational structure gaw masha 1,2 kaw shamyet shanat ai hku gaw da ai majaw byin ai re.Jinghpaw ni gaw u hpung hpaw jang financial hte seng ai hpe asan sha shangpru nhpaw hpyan dan gwi ma ai,U.S kaw mung hpyen yen ni a gumhpraw hta shaloi dai hku sha kalaw kau ma ai,Kadai hpe shalai ai kade lu hta ai ngu ni hpe mung n hpaw hpyan dan gwi ma ai,dai wa myutsaw bungli bai kalaw ai gaw mala la nhtuk ai lam re.Ya KNO gaw dawng hkawn mung laga ga re mat wa ai.hpaw ai nhtoi she hpang hkrat tim rawt malannhtoi hpe la ai shaloi gaw K.I.O/K.I.A rawt malannhtoi she bai la nga ai.Tinang sha ngai nhtoi hpe nlang ai sha masha wa ai shangainhtoi hte U.S de U.N hku na sa ai hpan she masu sha nga ai.

Anonymous said...

kaja lam byin pyu wa ai re.... BDF ni mung bai nhtang wa na aten rai sai ........

Anonymous said...

Grai ga ja sai --gashadawn masha ngu ai gaw moi grai myit su na ya kaw masha gaja n-rai majang ahkyu n-nga ai n-mai jai lang ai -- moi myit n-su na ya myit su mat wa ai nga jang kaw gaja dik htum re--- ahkyak ai kaw ya ya na masa she ahkyak dik htum re oi--- tsaw ra ai wun pawng sha ni e--- grai na gabu sai -----KNO hte KIO ntsa karai kasang bau sin makawp maga let shaman chye ju jaw u ga law -- daw dan ai n-sa hta mung myit n-ung ang ai hte myu sha ni hpe woi awn lu u ga lo-- A MEN---

myu myit said...

Ngai tsawra ai shang lawt KIA/KIO gaw dai ni majan baw ai lam hta akyu hpyi let woi awn gap di ai karai kaw na tsawra myit shang wang kaba myit rawng ai majaw shada mara raw let myit malai lu nna kanu mungdan a wunli lu ai de bai wa na chinghka hpaw ai kaw aten dep shang lawm na hpe shiga nga ai ngu mu mada ai dai majaw KNO gaw wunli lu ngun tai ai hpung kaba re yawng kasi la ga yaw ,wuhpung langai kaw mara galaw ai lawm na,shakut ai lawm na dai gaw ntsun ja she re madung gaw myit malai kaja hte ngun tai na madung re.GOD BLESS KIA/KIO and KNO

Post a Comment