MUNG SHAWA HPYEN LA

MKM, MHH                                                 
Rawt Malan Hpungtun;                                      
Mungshawa N’gun;                                            
Wa Ngan Wa Ja;                                             
U-sa Dingla da;                                        
Mung Maden Hpyen hpe ninghkap;               
Tai Hpyen wa hpe gap;
                                        
MKM, MHH                                         
Tai Hpyen gap na 81 (ba-yi) gra;               
KRL hte pung;                                  
Na Ga Bawm hte rung;                               
Myen tai hpyen si garai;                                      
Hkala n’ba hte madai; 
                               
MKM, MHH                                                         
Sai tum sai pa hkrat;                                           
Hkumhkrang na salat;                                          
Nang si ngai hkrung;                                   
Shawng de htawt dung;
                                
MKM, MHH                                         
Share Mu Nu;                                  
Majan jau bu;                                   
Ta ding lak kawng hte;                                 
Tai hpyen kahtan hpe;                                  
Shingte gap jung;                                       
Hpyen wa n’ga pung; 
                                
MKM, MHH                                                         
Share ninghkring ni rai sa;                                   
Tai hpyen wa she shari;                                
Mungkan de gari;
                                             
MKM, MHH                                         
Shatawng pandung n’du;                             
Shanglawt ngu ai nlu yang;
Hpai da sinat;
Galoi n tat;
Hkrap nyep miprwi;
Hpun palawng she amwi;

Mung hpe tsaw ai MKM;
Myu hpe tsaw ai MHH;
Mung a matu;
Myu a matu;
N’kau mi asak du baw;
N’kau mi hkumhkrang chyen daw;
Ap nawng masai;
Hkungga tai;
Si tim ngarai ndu
Shang na Hparadisu;

Lawu ga na Tat Ma;
MKM hpe hkrit ai da;
Nay Pyi Daw a Dap Nu;
MHH hpe tsang ai lu;
Sumwum chyip de matsut;
Shingbwi jap bup she shanut;

MKM, MHH
Ting Sing Asuya mau kajawng;
Shi a hpyen la nau si kadawng;
Asum sha gaw nkam hkam;
Mungkan de myiman tam;

MKM, MHH
U lu hpung gun n’daw
Asum galoi n jaw;
Padang Manau nau nna she;
Mungshawa Hpyen La ngut kre;

MKM, MHH
Magrau grang ai majaw;
Padang ninglaw gaw;
Wunpawng ni sha nrai;
Munghpawm mungdan ting nan rai.
                                   
Gauri Myi