Slideshow Image 2

GYI MAHAW AWNG

July (10) bat Lahkawng
Sadung Pa Kahtawng kaw na, Slg. Mahaw Gam Hpang hte Jan Dashi Ma Chyem yan a shadang sha alat, Mahaw Awng nga ma ai. Shi gaw, Hpyen la la ai gaw (5) ning daram rai sai, majan garai n byin shi yang, Miwa hkran de (3) ning jan sa hprawng makoi hkawm lai wa sai. Majan byin wa ai majaw bai nhtang wa nna Dung (3) Sadung ginra kaw wa apnawng nga ai re. Shi gaw hprawng mat ai kaw na bai wa ai re majaw, manang ni mung shi hpe hkrit nna hprawng ai wa ngu nna grai jahpyak shala la rai ma ai majaw, dai ga ni hpe n kam hkam rai nna shi a Kungup Du Wa hpe ngai hkrai  "Gaw Nan"  myen hpyen dap sa htim gap na ngu ahkang hpyi yang Du Wa gaw ahkang n jaw ai da, Shing rai Du Wa gan hkawm mat ai laman Sergent (Zazen Du) wa gaw, "Gai, nang myen dap sa hpya na nga ya sa sanu ngai ahkang jaw ai" ngu nna shala tsun dat hkrup ai da, Shaloi Mahaw Awng gaw kaja wa (KRL 2-3) sha hta gun nna shi a sinat (1) hte sha Gawnan myen dap hpe gap hpya bang mat wa ai shaloi myen hpyen ni yawng hprawng htaw mat nna, badang dip la nna bai nhtang wa ai re.
         
Shi padang dip la wa ai gaw, Myen (7) gap sat kau da ai, Sinat (2), pala (100) jan, nga chyu kok (6) hte U-hkrawng jahkraw ni she n dang hpai hkra la wa nna manang ni hpe du hkra wa woi sha lai wa sai. Mahaw Awng hpe, Ginjaw kaw nna Agyi (2) shakap ya nhtawm gumhpraw (1,000,000/ks-) mi mung shagrau sha-a ya lai wa masai. Mahaw Awng gaw ya mung Sadung hpyen dap kaba bai sa hpya na matu grai bai myit katu taw nga ai lam tsun dan wa ai re.

Dai majaw kaga hpyen la manaw manang ni mung ndai Agyi Mahaw Awng hpe yu la nna Karai Kasang gaw KIA hpyen ni yawng hte rau rai nna awng padang jaw woi awn nga ai ngu nna, n-gun jawm la let,  aja awa naw shakut shaja sa wa ga ngu nna ga saw shana dat n ngai re law.

9 comments:

lamunglubu said...

Ndai zawn re mabyin hpe sumla hkrung hta sa mu ga ai, ya Gyi MAhaw Gam labau shang nan rai Sai, Gyi Mahaw Gam magrau grang ai kaw KK kaw na macyemachyang hpachyi kahtap Lu la nna, KK kaw na Mauhpa magawp maga ai chyeju hpe matut nna hkam la Lu u ga.

Anonymous said...

Mting hpe jaw hkra ka ga la munf bu,e

Anonymous said...

Jinghpaw Laika hpe jaw hkra chye hti chye ka na matu ahkyak nga ga ai law.

padang yesu said...

KK chyeju hpe ten shagu grai shagrau chye ga.YEHOWA KK hpe akroi anoi hpyi nyem sit shang mani manat ga.WP SAI RUM ANNAU ni a myi npu kaw sha,nhkru nhkra maw mawn nga ai myen hpyen ndai ni nlu rawt mat si hkala rim hkrum dum bru dum bra rai mat na ra ai.myitsu marau grang Mahaw Aung hpe Lung Seng nhkrun ni hte kahtap shagrau ra ai.ya mung katu nga ai hpe ahkyak la ya ga.

Mau Jin mau Jin said...

Myu hte mungdan hpe tsaw ra ai " Mahaw Awng " nang galaw ai magam bungli gaw, labau n mat mungkan hta aq rawng kaba ai shanglawt hpyen la tai nit dai. KK gaw tut nawng nang kaw, awngdang ai lam, mun sen kahtap jaw na ra ai. Ngai mung myiprwi she pru hkra kaba n ngai law. Wp sha ni aq " The One Of Commando " mung Mahaw awng nang rai sai. Majan jaubu mung nang rai sai. Matut n na nang zawn magrau grang ai share shagan ni law law paw pru wa u ga ngu KK lata hta kyuhpyi ya nga ga ai. Nang tsaw ra ai myu hte mungdan hpe an-hte mung tut nawng tsaw ra nga na re ngu sadi jaw, hkungga salam dat ga ai law. God bless you.

muttsawm said...

kk tut nang bau sin makawp maga ya nga u law

Anonymous said...

Karai Kasang gaw KIA ni, myen ni daram nlaw tim Wunpawng mungdan hpe awngpadang dip gasat la lu mai ai ngu ai kumla hpe Mahaw Awng hte kasi kumla madun dan ai rai nga ai.Masha nlaw tim Karai Kasang lawm yang padang dip lu ai,ngu ai lachyum re.

la la shadau said...

commando MAHAW AUNG hpe hkungga jaw.myu tsaw share ngai myen dap ngai.ndai ladat hku myen mung ting pi lu zing la sai.ningbaw ningla ni sai hkum gaji nga nu.

Unknown said...

Mahaw Awng zawn a sak hpe teng sha ap nawng sak jaw gwi ai,Myu hte mung dan a matu gwi gwi si hkam gwi ai marai 100 dang an hte KIO dap kaw nga yang ,Myen mung ting pyi mai zing la sai .Gyi Mahaw Awng gaw KIO a matu commando ladat shawng n nan shaw ya ai wa rai sai. Gyi Mahaw Awng hpe Hkung ga Jaw.......

Post a Comment