Na myit masin chyinghka myit marai chyinghka hpe ja ja li li n'gun hte hpaw malang dat yu u. Na a myit masin kraw lawang kata hta tsu rawng taw nga ai mayak mabyin mahkyen ni yawng hpe branglang hpaw kau dat u. Kashin kau u, hkum ung ang hkum mau asan pra mu ai hpe mu ai hku, nga ai hpe nga ai hku sanglang tsun kau yu u shaloi Na myit masin kraw lawang bawnu yawng Nang hpe shawng de galaw sa wa na lam masing hpe asan sha mu chye lu shangun na ra ai. Myu hte Mungdan a matu ten hpring sak jaw ap nawng gun hpai nga ai hpu shawng hpuba, ningbaw ningla mu gun kaji kaba yawng hpe anhte mung chying shawa yawng galoi na ten hta mung Shawnglawt woi lu hkra lam woi ya na re hpe kam dik nga ai zawn annau ni a dingbai dingna pat tawn ai lam yawng hpe kaja sha wa jasan jaseng hpaw ya lu na re ngu myit mu myit hkut ai hte ten hpring myit mada kam hpa nga ga re. KIO/KIA sha annau ni a kanu kawa re hpe asan myit hkut nga ga ai. Myen mung a mung masa hpyen masa lam hpe maram dat yu yang 2015 ning grai n'du shi yang annau ni mungdaw hta annau ni sha san nga ai lamu ga ni hpe awm dawm shanglawt hkra masing jahkrat nna gawgap la gin sai ngu mu mada ai re hte, gapdi la ra sai ngu mu ai. Mungkan na annau ni hpe mu mada nga ai gaw rawt malan hpung, gum lang hpung, kasu kabrawng hpung, bawja duja myitja ai hpung ngu ai hku sha mu nga ai re. N'dai manaw ningmu ni hpe shahprai kau lu na annau ni yawng a matu ahkyak kaba pat tawn ai chying hka kaba langai rai nga ai. N'dai hpe shaprai gale kau lu na matu UN, EU, Asean hte maigan shiga dap ni media hpe annau ni ja gunhpraw ma hkam nna shiga shaprai shabra kau ra nga ga ai hte bawngban ai ten hta mung kasu kabrawng hpung ngu ai hpe shaprai n'dau shana shabra kau na matu ahkyak lami langai hku hpyi shawn ra ai.
Dai ni KIO/KIA tsap nga ai, htawt tawn nga sai mung masa hpyen masa gaw jaw dik ai ninggam hta tsap nga ai ten re, shawng hpang pai hkra n'yit ai ahkyak dik ai masing mahkyen hta tsap nga lu sai ten re ngu mu ai. Myen gaw myit htum a jum ju Num kanawn mazum hpung law nga uhpung law law hte ga rawng rawng hkawm nna simsa manaw shapraw hkawm nga ai gaw annau ni hpe kasu kabrawng hpung de lang hte lang madi madun hkawm nga ai lachyum re zawn ga laban shawu hkawm ai, pandung n'tawn ai gabaw n'nga ai hpawdam simsa lam marawn hkawm nga ai lachyum sha re. Simsa mayu teng yang kade wa n'tsaw ra tim n'ju tim mung shawa yawng a myit hpe tau nna tsaw ra ningsam manaw hte mabyin mahkyen ni hpe myen gaw shapraw nan shapraw dan ra ai re. Masha sat ai, majan naw gap sharawng taw nga yang myen ni nan shanhte shawng hpang ai re majaw shanhte nan simsa mabyin masing ni hpe tatut madun dan ra ai re. Ya gaw, gwi lagut daru byin nga ai masa hta hpa hpe madi madun madi shatai nna simsa lam hte tinang up hkang lu ai mungdan masa de mai sa lu na ta? Grai n'hkrum bawngban yang hpyen hte seng nna kaja sha wa dawdan hparan lu ai myen hpyen du ni lawm ai kun? ngu ai hpe asan shawng chye tawn ra ai re. Bawngban lang shalaw ai mung annau ni matu hkra machyi dik ai masa lam langai byin nga ai, baw ja ai majaw kasu kabrawng hpung re majaw laga bawsang ni yawng ngu na daram simsa lam la sai ngu ai lachyum manaw hpe shapraw hkawm nga ai re. Annau ni a yaw shada tsap nga ai hpe mungkan de lang law law ka shabra n'dau shabra ra ai ngu mu ai. Hpyen yen tsin yam ni a shawng lam masa hpe myen a manaw galaw shapraw nga ai ladat gaw myen hte annau ni a bawngban awng dang mai ai bawngban jahkut mai ai masa kaba langai re. Hpyen masa hte hpyen yen tsin yam ni a mabyin gaw annau ni a myen jaw ai mahtai kaba re ngu mai sawn la sai hte maren dai hpe yu nna shawng gara hku htu shamawt sa na ngu ai mahtai hpe dawdan shagrin la mai ai.
Bawngban Ten
1-Buhpun ai n'sam ni hpe shen ginhka maram ra ai, simsa lam hte seng ai buhpun palawng ningsam ni hpe buhpun ai kun? shawng tau yu ra ai.
2-Tsun shaga ai manaw ningsam ni hpe maram dang ra ai.
3-Ga ja ga kya, gayi gala, ga a n'sen nyem tsaw, ga li ga tsang namnak gasi ni hpe shen gin hka kau ra ai.
4-Shamu shamawt galaw shapraw ai hkrang hpe shen ding lit dang kau ra ai.
5-Ga laban lachyum n'pru ai ga kade ram shaga chye ai kun?
6-Lang law tim mahtai n'pru yang masing masa lai kau ra sai.
Dawdan hparan shangut lu na lam lachyum n'pru yang n'bawngban ai grau kaja ai. Sung sung li li annau ni myit masin bawnu kata n'gun hpe ten naw lu yang ahkyak la nna hpaw yu ga.
Baren Numraw
4/07/2012
Dai ni KIO/KIA tsap nga ai, htawt tawn nga sai mung masa hpyen masa gaw jaw dik ai ninggam hta tsap nga ai ten re, shawng hpang pai hkra n'yit ai ahkyak dik ai masing mahkyen hta tsap nga lu sai ten re ngu mu ai. Myen gaw myit htum a jum ju Num kanawn mazum hpung law nga uhpung law law hte ga rawng rawng hkawm nna simsa manaw shapraw hkawm nga ai gaw annau ni hpe kasu kabrawng hpung de lang hte lang madi madun hkawm nga ai lachyum re zawn ga laban shawu hkawm ai, pandung n'tawn ai gabaw n'nga ai hpawdam simsa lam marawn hkawm nga ai lachyum sha re. Simsa mayu teng yang kade wa n'tsaw ra tim n'ju tim mung shawa yawng a myit hpe tau nna tsaw ra ningsam manaw hte mabyin mahkyen ni hpe myen gaw shapraw nan shapraw dan ra ai re. Masha sat ai, majan naw gap sharawng taw nga yang myen ni nan shanhte shawng hpang ai re majaw shanhte nan simsa mabyin masing ni hpe tatut madun dan ra ai re. Ya gaw, gwi lagut daru byin nga ai masa hta hpa hpe madi madun madi shatai nna simsa lam hte tinang up hkang lu ai mungdan masa de mai sa lu na ta? Grai n'hkrum bawngban yang hpyen hte seng nna kaja sha wa dawdan hparan lu ai myen hpyen du ni lawm ai kun? ngu ai hpe asan shawng chye tawn ra ai re. Bawngban lang shalaw ai mung annau ni matu hkra machyi dik ai masa lam langai byin nga ai, baw ja ai majaw kasu kabrawng hpung re majaw laga bawsang ni yawng ngu na daram simsa lam la sai ngu ai lachyum manaw hpe shapraw hkawm nga ai re. Annau ni a yaw shada tsap nga ai hpe mungkan de lang law law ka shabra n'dau shabra ra ai ngu mu ai. Hpyen yen tsin yam ni a shawng lam masa hpe myen a manaw galaw shapraw nga ai ladat gaw myen hte annau ni a bawngban awng dang mai ai bawngban jahkut mai ai masa kaba langai re. Hpyen masa hte hpyen yen tsin yam ni a mabyin gaw annau ni a myen jaw ai mahtai kaba re ngu mai sawn la sai hte maren dai hpe yu nna shawng gara hku htu shamawt sa na ngu ai mahtai hpe dawdan shagrin la mai ai.
Bawngban Ten
1-Buhpun ai n'sam ni hpe shen ginhka maram ra ai, simsa lam hte seng ai buhpun palawng ningsam ni hpe buhpun ai kun? shawng tau yu ra ai.
2-Tsun shaga ai manaw ningsam ni hpe maram dang ra ai.
3-Ga ja ga kya, gayi gala, ga a n'sen nyem tsaw, ga li ga tsang namnak gasi ni hpe shen gin hka kau ra ai.
4-Shamu shamawt galaw shapraw ai hkrang hpe shen ding lit dang kau ra ai.
5-Ga laban lachyum n'pru ai ga kade ram shaga chye ai kun?
6-Lang law tim mahtai n'pru yang masing masa lai kau ra sai.
Dawdan hparan shangut lu na lam lachyum n'pru yang n'bawngban ai grau kaja ai. Sung sung li li annau ni myit masin bawnu kata n'gun hpe ten naw lu yang ahkyak la nna hpaw yu ga.
Baren Numraw
4/07/2012
0 comments:
Post a Comment