Ndai laman byin ai majan ni hta anhte KIA maga na hkala nba, hkrat sum, sinat laknak shayaw, shara tat kau ai lam ni ya sha ya sha byin nga ai shiga ni na lu ai majaw grai myit npyaw ai. Dai ni anhte Wunpawng myu sha ni gasat nga ai majan gaw Chyoi Pra ai majan re, Karai a majan re, dai hte maren anhte majan ninghkring ni mung chyoi pra ai hku sak hkrung ra na re ngu kam ai. Karai Kasang anhte hpang maga tsap na matu gaw Karai ra ai hpyen jaubu ni rai ra nga ga ai. Dai majaw tsa chyaru lu lang nang ai, tinggyeng shanang ai, nsan nseng sele seke num kaji gasup ai, ndai zawn re ningbaw ni hpe atsawm sagawn yu nna shawng lam ginra ni de bungli n-shatsam yang mai na re. Majan hpa-awn ngu ai gaw hpung rawng ra ai, hpyenla baw gun rai ai, nse nsa tinggyeng shanang ai ni hta hpung galoi rawng na? Karai hpa rai lawm na?
Dai majaw anhte tsaw ra kam hpa nga ai KIO/KIA ningbaw ningla ni e.... mai byin yang shawng lam ginra ni de laksan hpyen kai chyan ni hpe mung bang ra wa na re. Dai nrai yang majan pa hta byin ai gaw kaga, ntsa de bai tang madun ai gaw kaga rai wa chye ai. Dai majaw shawng lam ginra ni de mung laksan kai chyan ni hpe makoi magap ai hku dat bang sa wa yang mai na re. Hpyen awn du ni a lam hpe mung atsawm sha sagawn yu nna she shawng lam de lit shatsam yang mai na re. Hpyen la baw n-gun ai, nse nsa hte chyaru nang ai, tinggyeng shanang ai ningbaw ni hpe shaw kau nna kaja wa madu myit rawng ai hte myit san seng ai, tsa chyaru njai lang ai, sadi dung ai hte tara hkan ai hpyen awn ningbaw ni hpe bungli shatsam sa wa yang mai na re ngu mu mada ai.
Karai Kasang anhte hpang maga tsap ya na matu gaw ndai lam ni hta kaga lam (no other choice) n-nga sai. Awng Padang gaw Yehowa Karai a lata kaw she re. She njaw yang nmai lu nga ai. Bai, ya yang anhte a mung masa gaw shawng de sit yang mung di hkrat na tai, hpang de htingnut yang mung di hkrat na tai re masa kaw du wa nga sai. Myen a tau hkyen da ai mahkam kata kaw shang mat sai masa re ngu mu mada ai. Hkrum shaga bawngban ai lang law wa yang mung anhte matu tsang hpa hte hpyen wa ai a hkaw a hkang tai, bai tsep kawp nsa bawng jang mung mara lu hpa, rai byin taw nga sai. Dai majaw bawngban ai (snr) hkrum shaga ai lam hpe ndai daram kaw naw tawn da nna majan gasat ai lam hpe loi mi ninggam shatsaw, tat kau ai lamu ga ni hpe bai lu la ai hpang, nshung shang wa mahka she bai hpyen wa hte hkrum shaga yang mai na re ngu mu mgda ai.
Sumtsan Salang Wa
25 comments:
Baw nu mung n rawng ma sai goi kio slg. Ni le. Shiga san htai langai kaw mung, du langai tsun da ai , shanglawt salang ni m'jan n kam gasat mat sai da. Ya gasat ai majan gaw mung shawa mjan she re da. Grai she teng ai ga re, woi awn ai ni nan moi na zawn tigyeng sut hpaga, bai lu glaw na m'tu gaw myen hte hkring hkring bawngban yang she mai sai gaw. Myu sha mung shawa ni hpe matsan dum yang gaw m'jan nimggam hpe shatsaw dat yang sha ( aw ) ngu kachyi mi mai kam ai re. Ya na mung masa ningmu law malawng gaw, a sak ram ai ni ningmu hta she grau ai n nga na sai, hpa m'jaw i nga yang, dai ningmu mung masa ni gaw kio slg ni hta grau tsaw taw sai re. KIO slg ni na a kyang gaw ngai chye ai re, 3 year ting Ginjaw a len bum kaw nga wa yu sai m'jaw re. Hpa m'jaw hpyen pru mat ai, du jawng masat yang l'ngai hpaw hpang ai ten, 100 person kaw na 70 person gaw KIO du ni aq jinghku hkrai re. Ngam ai 30 person gaw shan hte hpe ninghkap n chye shadum ai ni re. Dai hpang de gaw gara hku galai shai mat sai hpe ngai n chye ai. Ngai chye na ai gaw kaja hpaji a tsam rawng ai ni yawng gaw shawng lam kaw kun? Hkau na pa kaw kun? KIO slg ni aq yi sun hkan mai mu nga ai re. Dai wa i mungdan hpe gawgap na. Masu n dum ni re, mung shawa n tsa myen ni roi sha nga ai ten, madu aq hpyenla ni aq shingma hta mam ting sha ai KIO slg. Ni hpe lawan dik ai hku shaw kau ra na re. Du up ni gaw power n nga, madu jan ni she Du up zawn zawn Ginjaw kata hkan palek hkrai palek hkawm, share sha hkawm re ni ma, tsep kawp n mai galaw na re. Hpung n rawng mat ai ni gaw dai kaw rai sai, tsun yang n ma ai naw jahkring sana. Myu tsaw hpyen la ajet ni hpe galoi mung hkungga ai wa usa.
Hkau ni e rai nga ai law.. ngai gaw maning majan nnan byin ai shaloi majan kaw lawm ai myu tsaw share shagan ni hte jahta yu yang.... Dukaba ni myen hte pawng ai hkrak rawng ai nga she tsun ma ai... Bumsen post makau hkan hkam da ai bawm ni yawng sa shaw kau shangun ai hpang shani jang myen du ai... ngut yang lahkawng masum shawng kaw gap nga yang.. hpa ntsun ai shawng lam na ni hpe nna shana ai a gatsi ngu du ni hte ni htep ai hpe woi mat wa nna hpang jahtum lahkawng masum gap nan taw ai ni hpe myen ni lu rim kau... grai gap hkat taw nga yang sinat kaba mung n-gap ya Lahta na matsun ndu ai lam hkrai tsun .. tatut kaw ap nawng ai ni grai myit daw ai nga hkrap nna she tsun ai myu tsaw shara shagan ni hte jahta yu nna grai mau nga ai.. Ba 3 Balawng di sa maga de myen htu lung wa ai shaloi mung sinat lang mi pyi nwoi shangoi ai hpyen dap sit kau woi hting nut kau re du ni mung nga ai.. dai du ni gaw myen shawnglam mayun gum hpraw nan sha ai nga tsun nna grai myit daw ai ni mung nga ma ai law.. nchye ya lawm sai.. gara maga de shanang ma ai .. mare masha buga ga hkan gaw Wunpawng Mungdan gaw de ga nga.. ginjaw kaw na public galaw ai gaw awm dawm ahkaw ahkang nga.... kaja wa anhte myu sha ni a mung masa hta hpa ra taw sai kun??? lama mi gaw ra nga na sai? Naw dinglun yu ga.. Makam masham kun? myen a sumprat kun? Tigyeng Myit a majaw kun?
Teng ai ram muk teng na sai,rai rim ya yang myen hte tatut gasat taw ai majaw myit daw hten na zawn nga ai hpe pablic kaw mara ai lam nau nglaw yang mai na nhten.majan a mabyin teng man ai lam hpe mung shawa ni chue ging ai,ya ten lou mi hkam sharang nna ladat jaw jaw hte KIO ni woi awn mat wa yang an hte ra ai pan dung lu na lahkam mi sha ra sai.myit ndaw ai sha ngun naw dathing nna akyu hpyi ya nga ga,lam sha gu hku nna garum wa ga lo.
Teng ai lam hpe gaw n-mai makoi tawn ai.n-mai ip tawn ai a-san sha tsun dan hpyen dan ra ai, SARAWUN kaw Machyi masha sa yang,Mai masu na kun...?
Myen asuya hte matut nna tinggyeng akyu tam yu hkam sha yu sai KIO.KIA .ningbaw ningla nkau mi majan nkam gasat ai ni mung nau pyi nga gaw e, Raitim W.P. MUNGKAN hta tinang a labau ntsawn mat na hpe gaw sadi mu yaw .DAINI NA ATEN HTA tinang a ting gyeng akyu ara a matu tinang a AMYU hpe ndut sha ga ,shaning law law AMYU hte MUNGDAN a matu ap nawng sai hte maren sadi dung let matut nna shakut ga ngu lajin dat nngai . W.P.BRANG .
Hpa ni tsun ma ai. Kun? Sim sha nga ga . Majan dang na re. Nau shaga yang hpoi ai,
Zim sha nga ti n gup n tu ai zawn yu shalai kau mai ai lam n re. Dai ram dinglik ya ai kanu kawa, hpu nau ni nga ai m'jaw sha majan awng dang ai hpe dum ga. Zim sha nga mu awng dang na re, ngu ai comment chyawm gaw myu sha lam yan hta ngai hte hpa n seng ai ngu ai de mahtang gale mat sai. Ngai gaw zim sha nga ti hkang se kanu shat hkru taleng taw ai baw gaw n kam ai re, ning mu a lun ai law yang she mahkrun kaja law law lu mai ai. Kam ga.
du ni ga ja ai n ga ja hte seng na nkam jahta ai.anhte a hpyen dap kata hta gaja wa myu hte mungdan hpe tsawra ai tinggyeng akyu ntam ai myu tsaw du ni nga ai zawn shanglawt hpi hpun na galaw sha ai masha ni mung nga na re.ngai hku na tsun mayu ai gaw tinang galaw nga ai magam bungli hte tinang tsap nga ai shara gaw hpa re ngu hpe chye myit sawn sumru chye na ahkyak dik re.tinang a tinggyeng myit jatsat a majaw myusha lam yan hta ahtu hkra ma chyi shangun ai baw magam bungli hpe gaw tsepkawp kwoi yen ga ngu saw la jin ai hku re.
ngai nau n hkawn ai n gun n lu ai 1 gaw KIA/KIO ni woi awn taw ia gaw federal zawn zawn independent zawn zawn shing let 2 lam 2 hka li 2 jawn nga 2 ka lang ta rim she re taw ai hpe mu ai
I don't think KIO/KIA leaders are holy men.
The point is we don't have proper constitution/rules/regulation.
How can you lead Kachin people. Remember that YOU ARE NEVER FREE FROM CONSEQUENCES. I really hate burmese people but I don't trust KIO/KIA too.
KIO ningbaw ni, masha sat nau lawan la ai. Myu sha shada, hkye la pi nlu tim, sat ari jaw ai lam gaw grai law sai. Hpa mi rai rai, tinang hkai ai nli gaw, tinang a kashu kasha ma hkra, dan la ra na re. Myit malai ai hte KK kaw sa yang chyu sha, hkyam sa na! Tinang shada sat kau na pi dai ram lawan ai ni, Makam lam hta mung, KIO MAGAM GUN NI TSA,KANI,HKAYAWM nlu na ngu tara jahkrat da mu le. Dai Rai yang gaw, NINGBAW NI KAW NAN ARI JAW GING NA SAI!
Mau hpa said
1994 ning may shata hta Rangoon yankyin nta langai kaw mung masa salang lahkawng hte Mau hpa hpe tsundan ma ai. nanhte ramma ni chyera ai.1994 Myen hte K.i.o/a simsa lakmat htu ai gaw,myen nikaw na kyas Wan,20,oooo jaw ai majaw simsa lakmat htu ai re nga tsun dan ma law.Myutsaw mungtsahpunau ni e.myen Du ni law lasw mung chye ma ai nga matut tsun dan ma ai re.Ngai grai myit npyaw ai yashe tsun shale ai re.Salang yan amying tsun rit nga tim mai tsun ai.Ngai hte grai ni hkau ai majaw sha tsun dan ma ai re yaw.W.P Myu sha ni a KAWA KARAI KA
SANG gaw shi tengtup htrak chye nga na re ai GRAi shim ai hku ip da makoi da ai hku rai malu ai law.
Mau hpa tsun.. K.I.O/A kaw na SABOI JUM a kanau HKUN MYAT gaw shanglawt gumhpyaw kyats SEN 7500 jan hkoi shapla sai lam mung chyelu ai .Bai jaw wa sai kun K.I.O/A Du Salang ni e, san mayu ai gaw grai na mat sai le.
Mr .NZ GAM, This is not the war between the KIO,KIA WHICH represents the majority of the kachin people and the burmese people .WE are fighting only the puppet government forces ,the forces not fighting for the country and the burmese people but only FOR THE S.GENERAL T.S. and his CRONIES.
AUNG GYI.
Rawt malan naw re majaw kaning re mung nga ai, mazut ai mung, tara nhkan ai mung, tinggyeng shanang ai mung, dingman ai hte sadi dung sari rawng ai salang ni mung law law naw nga ai. mazut ai ni hpe mung rawt malan majan hta ra nga ai, rai tim gumshem ai hpe gaw anhte nra ga ai, hpa majaw gumshem ai asuya hpe gasat nga ai re majaw gumshem ladat gaw anhte mung masha ni matsat dik mat sai. Sai mani ai hte magrau grang ai hpe she ra sharawng ai. Ya na zawn dinglun ai hte hpaji jaw ai law magang KIO gaw grau kaja ai de gram sharai la magang rai na re. Rai tim Rai tim mabyin langai hte ginlam langai hpe sha yu nna wuhpung wuhpawng ting hpe nkaja ai hku (negative view) nmu hkra sadi ga, jawm gaw gap ai hte jawm pawm ai hku jawm shangang shakang ai hku she di ga ngu ngai tang shawn dai ai rai.
A ga law! Hkau ni e, hpa ni wa tsun jahprak hkat nga myit ta?. N dai ten hta loi naw myit hpe hkang n na KIO/KIA hte Shapawng Yaw du/slg ni hpe matut nna myit shadut n gun jaw jat nga ga law. Shawng na ni gaw lai mat wa sai. Ladat mung nchye, n gun mung n lu myi di na hpang rai chye ai hku woi awn lai mat sai re. Ya she loi mi myi hpaw wa ai ten rai nga ai. Du slg ni tsun jahta ai ga ni mung loi mi madang dep ai hku chye tsun jahta wa sai hpe mu lu ai. UNHCR, UNICEF, WFP ni mung tatut garum sa na lam ni pru wa ai mung KIO/KIA du slg hte Shapawng Yaw myit su nkau ni ladat jaw ai hku tang madun ai majaw rai sai. Anhte ramma ni mung, hpyen masa, sut masa, mung masa, hpaji bawngring masa lam magup hta ta tut shanglawm garum, woi ningbaw na matu shajin let, matut garum shingtau nga let ginhtawng ta hpe naw la yu ga law.....
" Karai Kasang a myitmang ai lam anhte a myitmang ai lam hta grau tsaw nga ai hte maren, Karai Kasang Wa a myit ra lam hpe madat mara let tutnawng jin jin rai nga ga law"....
Karai Kasang Yehowa a myitra ai lam anhte Shapawng Yaw myusha ni hta dik tup wa u ga..
Michael
an.hte yawng a kamhpa ai KIO/KIA hpe ngai shd........ grai kyuhpyi ya nga ai yaw.
Lahta de na comment ni gaw baw nu n rawng ai ka ai comment ni sha rai nga ai.
Nau n garu ga. Asak Aprat apnawng nna shawnglam hpanglam kaw shakut nga ai share shagan ni hpe hkungga ga.
Ra nrawng ai( Perfect person ) nga ai kun??? Ndai aten myithkrun ra dik/ahkyak dik htum aten hta nsem nsa gwi wau ai zawn shada garum na malai kam ai hku tsun ma ra htap htuk nga ai kun?? Myen roi hkrum ai n-law ai zawn shada da naw roi a ten shama taw na kun?? Ra rawng ai lam nga yang KIA/KIO ginjaw de direct laika tang shawn aye la yang kaja dik htum re.
Tengman dinghpring ai amyu sha byin tai nga na ahkyak dik htum re.
Myu tsaw shayi....
Ha grai mau na nga ai comment ni mu hti nna mau mat sai an hte jinghpaw wunhpawng sha ni a myit masin wa ram ram yak ai ni she rai nga ai hpe mu lu ai ram ram myit masin hpa ji naw hka ja la ra nga ai myhing hte dap dap nga nna gum hpraw hkoi lang ai gum hpraw hte sim sa lam mari ai nga ai ni mu hti ai majaw n dai lam ka ai wa e nang gaw gade hpaji rawng nna masha kaba ni hpe ti nang mi hte mung n mu ai a pyak nga ai gaw grai myit madang naw nem nga n dai .Nang chye mayu yang shang lawt dap de n dai comment kaw na n re ai grau kaja ai hku na mying hkring dat hte hkak di she san dat yu nu .Nang gat ai hte maren dan la na n dai.manu n nang ai comment ni jaw ai gaw myen hpyen hpe n gun jaw ai sha rai nga madai. Myu tsaw mung tsaw hpaw mi langai .
Mau Hpa a comment kaw na re...1994 Myen hte K.i.o/a simsa lakmat htu ai gaw,myen ni kaw na kyats Wan,20,oooo jaw ai majaw simsa lakmat htu ai re nga tsun dan ma ai law.
.. Dai hku nga yang,
Kyats wan 200,000 = 200 Billion kyats
1billion kyats = 1million US$
200 billion Ks = 200 millions US$ sha re le..
myen ni lung seng dut poi (1) lang mi galaw ai hta lu la ai gumhpraw gaw tara shang sha na ai, 1.4 billion US$ lahta re. Shawa hpe n shana ai hku lu la ai mung grai naw rai nga ai law. Myen gaw gumhpraw gin shapraw na jak lu ai majaw anhte KIO/A hte kaga myubaw rawt malan du/slg ni gade hpyi yang hpyi, shanhte myit lu yang, Ks hpe mai shapraw jaw ai ni re hpe myitdum nga ga.
Shawng de shut ai lam hpe bai n kahtap shut sa ga! lajin dat ai law.
Anhte ya yang shang tatut shang lawm ra nga ai ten hta Gawdin ginsup ai ni hpe makau kaw na wora hku htawng u, n dai hku di u, dai wa dai hku, n dai wa dai hku, nga n na tsun hkat taw na a ten n re, RAWT MALAN LABAU hta mying lawm na matu angn ngai n nga ai man ang ai kaw shang lawm na matu a ten re.
Post a Comment