SLG. LAHTAW BRANG SHAWNG

Slg. Lahtaw Brang Shawng gaw Sumpra Bum Mare, Shingrai kahtawng hta Slg. Yammaw Zau Seng hte Jan. Shingrai Ja Tawng yan kaw na 1983 ning hta shangai chyinghkai wa ai myitsu wa re. Shi a asak 12 ning hta Chyinghkai Kanu yan Kawa n nga mat ai majaw shi a kamoi Yammaw Roi Tawng hte Kagu Lashi Naw Ja yan Myitkyina mare kaba Edin kahtawng hta 1997 ning kaw nna woi bau maka nga ai re. Shi gaw hpaji jawng tsang mali du hkra lung ga ai wa re. Shi lung wa ai jawng gaw Edin kahtawng, Myitkyina mare kaw sha re. Hpaji hprat hkaja ai lam hta grai wa nlu shakut mat sai majaw 2006 kaw nna Ja maw de Kagu Lashi Naw Ja rau Ja htu rawt mat wa ai re. 

Ndai zawn ja htu ai bungli hta  Kagu gaw Sutdu Lama Naw Htoi  a Ja nhkun hta galaw nna, shi gaw Jan Lama Mary a ja n hkun hta bungli galaw nga ai. Dai hpang Jan Nbang Lu a ningrum ningtau U Myint Aung a Ja nhkun hta bungle bai htawt galaw ai ten Jan Danbang Ze Noi rau hkrum zup let dinghku de, rai nna 2010 April shata hta Npawn mare de htawt nga ai re. Dai Npawn mare hta nga ai laman hta mung Raba sun, Bum yi hkan bungli galaw let kan bau nga ai wa re. Ndan re ten hta ningrum ningtau jan gaw shadang kasha Naw San hpe shangai hpe shangai chyinghkai ngut ai hpang majan hpang wa ai majaw 2011 ning June shata 17 ya shani Edin kahawng de kagu, kamoi ni a nta hta gan wa shingbyi nga ai ten Janmai Buga hta hpyen yen dabang hpaw hpang wa ai hte July shata 29 ya 201 hta shana maga daw hpyen yen dabang de du shang wa ai re. 

Ndan re nga ai ten camp hta kangka ai hte ritkawp ni langai mung ntawt lai ai sha barrek lahkawng n ningbaw magam bungli hpe mung gunhpai ai wa re. Malut hkayawm, tsa, nang hpam lu sha mung nlu sha ai myitsu ai, Karai hpe hkrit hkungga ai myitsu langai mi re. Rai tim 17 ya Jun shata 2012 laban shana hkring 9:00 pm ten hta mare uphkang Slg. U Mg Mg, Ye-uk U Kyaw Myo Naing hte (Tsa Ya Hpa) ni Myitkyina Myo kata Bawm kapaw hkawm ai wa re nga nna san jep na matu rim mat wa ai re.

Tang Madun ai wa

Camp Lithkam

Janmai Buga Hpyen Yen Camp