SHINGGYIM NAUNA MASA

              Myenmung mungkan, Dinhku majan;
              Hkyinghkawng shi’ngai, June kawn mi rai.
                          I mungmasha, Grup grup gra gra;
                 Hprawng hkawm koi hkawm, Tsin-yam ni hkyawm.
     Rawng ai dum nta, Shakram kau da;
     Yingam yawng wa, Kabai kau ra.
                 I ya nta ni, Garen gari;
                 Ngam nga ta sai, Hpyen lata hkrai.
     Ya laning mi, Kaning n di;
     Tsin-yam dabang, Shakut sharang.
                 Mare Buga, Shingran kahpra;
                 Tai ni hpya sha, Hpa n ngam da.
     Nam hkrai shim shim, Maling htingrim;
     Dumsu uloi, Hkawnglawng n-ngoi.
                 Ula n-goi, Nsin nhtoi,
                 Iya Buga, Tai e shama.
     Matsan mayan, N chye tsun dan;
     Hkam sha kazik, Kraw e yak dik.
                 Raitim Karai, Chyeju jaw ai;
                 Shinggyim nauna, Masin bang ya.
     Htingbu  Miwa, Jarit hkan nga;
     Garum kahtau, Komiti hpaw rau.
                 Hkring hkra shingbyi, Muka Sumli;
                 Ginsum gap ya, Tsaw myit kaba.
     Yinjang Ginwang, Hkristan Shangwang;
     Tsin-yam ningtum, Tsaw myit garum.
                 Hpunau Hpung m’sha, Grai zinlum da;
                 Yesu Tsaw myit, Galoi n grit.


Shanglawt Tsing
2/8/2012