Slideshow Image 2

GASAT NNA SHE LAWT LU NA

Masing masa tara hkrang n gran shagrin tawn ai kaw myen a bawngban lam tsun shana wa ai hpe kaning re shara, kaning re munghpawm rapdaw e mi rai rai, [Naypyidaw] e mi rai rai n'sa bawngban ai gaw kaja dik na re hte, teng tara shang bawngban mayu yang UN, ASIAN, EU zawn re rapdaw Salang ni chye lawm ai kaw she grat bawngban yang annau ni matu lachyum pru na re. Myen gaw annau ni hpe pahkam kaba langai hku hkam dat ai lam re, n'sa jang simsa lam n'ra ai kasu kabrawng hpung re ngu ai hku madi madun mayu ai ladat, mung masa amyet htuk mayu ai masa shapraw ai, annau ni hpe dasang gasat nga sai re majaw masa n'htuk ai mahkyen n'manu ai kaw n'sa bawngban ai gaw kaja dik re ngu mu ai.

Myen gaw ya ten ahkyak kaba dik ai lamyi n'gam langai kaw kabye lung na matu dating hkyen n'gun dat nga ai re. 2014 ASIAN ningbaw tai lu na matu simsa lam gaw madung re zawn ASIAN mungdan yawng a matu kasi kaja madun na ra ahkyak dik ai ten re jaw annau ni ya tsap nga ai madang kaw na kachyi mi pyi n'htawt sit ai ja ja tsang dan na madung re. Myen gaw annau ni hte simsa lam n'lu yang yak kaba dik re mungkan hte ASIAN a kam hpa lam lu na n're. Ya ten hta myen ni a shawng kaw lai yak dik ai, n'mai lai lu na zawn re mabyin manghkang ni grai dang pat taw nga ai.
1-Bawsang ni hte simsa lam n mai lu ai manghkang.
2-Simsa lam la ngut sai bawsang ni hte bai gasat nga ai manghkang.
3-Arihkai [Yahkaing], Hkang myu bawhpan hte makam manghkang.
4-Lamu ga zing ai manghkang.
5-Magam bungli galaw ai ni a shabri shabrai n'law ai manghkang.
6-Rapdaw a Tara jeyang ai manghkang.
7-Rapdaw Salang ni a bungli shatsam manghkang.
8-Mumi muhti ja htu manghkang.
9-Magri htu bungli dabang manghkang.
10-Annau ni hte majan byin nga ai manghkang.
N'dai manghkang mabyin mayak ni hpe 2013 ning grai n'htum shi yang pri-nyem hkra ASIAN mungdan ni hpe hkyak hkyak galaw madun ra nga ai re. Myen a bawngban ga ngu ai gaw ya mung (HTA HKRUP) ga tsun shingjawng poi hte naw bung nga ai hpe ja ja myit shen yu ra na sai re ngu sawn dum ai.

N'dai ten hpyen masa n'mai shayawm ya ai. Myen a manawt ka nga ai gaw laklai shai ai lam n'nga ai. N'dai hpe masam maram mu n'na myen hpe ja ja sharin shaga na ten du nga sai. Ja ja htim gasat zing madu dan na ten she rai sai. Myen a annau ni n'tsa kaw tsap n'na shaga lu sai re ngu ja ja naw dating gasat ga, myen hpyen du kaba ni n'gup hte gasat mayu tim Du kaji hte hpyen la law malawng gaw lata sharawt asum jaw nga sai re majaw mahtai kaba pru hkra gasat dan ra sai. Annau ni tsun ai kaw madaw Tara shang bawngban jahkrup lu hkra hpyen majan hte mahtai shapraw la ra sai. Myen hpyen ni shani shana annau ni hpe laja lana gasat nga ai zawn mung shawa ni hpe mung matut zingri sat dingyang rai nga ai kaw gara hku bawngban mai na ta? N'dai ni hpe madi madun nna gara hku mung myen tsun ai shara kaw n'mai bawngban ai lam sakse madun ra ai, ja ja tsap dan ra ai.

Baren Numraw
14/9/2012

12 comments:

padang yesu said...

Baren Numraw,a gasi ni hpe ngai hku na madi shadaw hkap la ai.lam shagu hta rawt jat galu kaba nga sai mungdan hkan galaw lu galaw sha nga hkawm ten hta amyu nbung na gyin hka hkrum,yu kaji nna shaga nkam,ahkyak na hkyak2 rung hkan shaga ti pyi n gaw nsawn ahkyak nla ya ma ai.na kasha hte masha kasha 1 grai kansi gye hkrat ngu hkap ngoi nga nang wa mu yang kadai hpe madaw nang shat jaw na i?rau nga ga nga gasi gahkaw ga ngau myit hte nmyit shinglet nten n gup hte ntsun shapraw ga.

Anonymous said...

Annau ni hpe masha n'sawn sat shamyit ai ni hpe kaning manaw hte simsa lam manaw shapraw lu na rai ta?madu kasha ni hpe shani shana ten hpring zingri roi dip dang sha tawn nga ai kaw hpa rai manang wa n'ta de simsa lam sa jahta yang kaja na kun?myen nan teng simsa mayu yang sat zingri ai hpyen majan ni hpe shawng ja hkring ra ai.Dai ni annau ni shanglawt ningnan hpang ai kaw nna myit shatawng tawn sai hte maren hpa wa nga tim kaning re ten du tim awm dawm ai ahkaw ahkang lu wa na masa n'pru yang myen a shara kaw kara hku n'mai bawngban na re.sadi dik ra ai.[ Sirilingka ]Tamitkya zawn byin mat na hpe shawng sawn dum ra ai.

Anonymous said...

Ningbaw ningla hpu shawng ni e n'tin ga,Nau sau yang byawng lawan ai da,nau tin yang gataw ai da.annau ni mung bawnu zai byengya n'gup tu ai re jaw ningmu bai hpyen dan ra ai.madu ra ai shara kaw bawngban lu hkra n'gup hte ja ja gwi gwi bai n'htang tsun ra ai.ngai n'chye ma n'dai hku mu ai.myu shayi nu num ni mung ahkyak hta shaga yu ga.n'dai zawn re ten myu shayi hpung ni maga mi de gran rai tsap nna gwi gwi n'ten ja ja shaga yu ga.n'ta kaw n'ta ja matse ai zawn myu hkye ai lam hta mung shawa man de gwi gwi n'ten ja dan marit.shatan n'hkan larau na ten lai sai.

Anonymous said...

myen sa wa ni ga ra hkku mi ga baw shaw na me bawng bawng an hte n.mai kam sai.ma kaji num sha/la sha/ding la/du sat du myeng kaw na hkawt mung dan a matu ap nawng mat wa sai.mung hpawm ga hkum sha ga nga ma nu.bye8 shang ai shingnoi hta me bye10 bang na gun yang hkaw ma na sha re.shang ai hte hpe n.hkaw hkra n.ta du wa hkra gun saga.

Anonymous said...

Um, laika ka ai wa hte ndai kaw mu jut wa bung ai ngu madi shadaw n-ngai.Asian ninbaw tai kyin ai mang hkang a lam hpe moi kalang myi ginjaw de laika kalang gaw ka yu ni ai.Nkau myi gaw K.I.O/K.I.A hpe myit ndawt ai majaw tsun hkrup ai ni mung nga na sai.yawng gaw tsawra myit hte sha tsun ai hpe K.I.O/K.I.A ningbaw ni chye na ya na re hpe kam ai.Du ni hte hpye ma ni a matu ja ja akyuhpyi dum nga ai hpe mung kam marit.Wut tawng hpe nawku ai ni a man hta asak hkrung ai K.K hpe nawku ai ni nmai kalau dan na re.lama na kalau mat yang Wut tawng hpe nawku ai ni gaw asak hkrung ai K.K hpe asawng jahpoi na mara ai.shan hte asak hkrung ai K.K hpe chye na lam nhku mat na tsang ra ai.K.K hpung shingkang dang hkung na matu ndai majan gaw rai wa na ra ai law.

Anonymous said...

NGai Tsun SAI LAW AW HOI YA GAW NGAI MYIT AI HKU NAN BYIN WA SAI NGA N'HKOI U GA.MYIT MALAI BAI N'LU NU GA.MAHKOI NGU AI HPE SHAWNG DUM SUMRU GA.SUM TSAN MYI NA NI JA JA PRAW YU RA SAI.ANNAU NI HPE N'DAI DARAM SAT ZINGRI AI NI HPE MYI MAN HKRUM SHAKRAM NA TEN NAW JAU AI.MYEN A TAWNGBAN AI MAHKU N'SEN N'PRU SHI YANG SHAKRAM HKAT NA TEN GRAI N'DU SHI AI.PRAT TUP MATSING HKRA NAW SHARIN RA AI.

Anonymous said...

TSAW RA hkung ga ai KIO/ KIA du kaba ni hte ni htep ai n,ta masha ni, makin jinghku jingyu ni yawng hte WP myusha ni yawng chyawm myit yu ra ai gaw, myen mung kata de sa na she bawngban na nga ai gaw tsepkawp n,mai bim ai. n,law la ai anhte ningbaw ningla langai mi mung n,mai mat ai. myen gaw moi masu hkalem ai hta ya grau na gaw yawng chye chyalu re. hpa mi bim bim,kaning di mi galaw yang galaw n,sa ai gaw grau ka ja na re ngu mu mada ai. tsawra manaw manang ni kara hku mu mada ma ai kun?ya myen maidang mata taw ai ni mung WP rai tim bim wa jang hpa lit la lu ai ni n,re.lani mi gaw shanhte hpe mung shamit sha gawt kau na sha re. dai hpe shanhte n,myit hkrup ai gaw n,rai na re. ya mung kutkai pa na salang wa US kaw du hkra myen maidang mata nang ai da aw. mau n,ma ai yaw. bumdu hkringhtawng hpe n,kam kabai ai rai tim myu sha da sat hkat hkra myen maidang gaw n,mata ra n,hten. matsat matsat dik ai yaw.........

Anonymous said...

KIA ningbaw ni e, Ne Pyi Daw de hkrum shaga/bawngban ai lam n galaw yang mai na re. Myen a magaw ai hpe chyr da sai re majaw grai sadi ra na re ngu mu mada ai law.

Anonymous said...

n bawngban ai gaw n mai na re bawngban ra ai. gap nna gaw gara hku mung,galoi mung n mai lu ai hpa majaw nga yang yawng chye ai hte maren mung kan shagu na rawt malan lai wa sai mungdan shagu gaw jahtum e jahkrup bawngban nna shanglawt lu wa ai ni hkrai re hpe hpaji chye ai laika hti ai ni yawng chye na re.Myen mung kata de bawngban ai n re sha shara langai mi masat nna galaw yang she mai na re ngu tsun mayu ai.

Anonymous said...

Bawngban na raitim hpyen masan'tsa kaw na dang tawn lu yang she bawng ai kaja ai.myen nan teng mung masa bawngban mayu ai n're hpe annau ni dum chye ra ai,mungkan hpe htawng madun shamau na hte Thein sein amerika UN bawngban sa na matu myi man shatsawm masu ai she re.bawngban na rai tim shinggan bawsang uhpung kaw bawng shangut la ra ai.dai ni na bawngban ai masa gaw hpan 2 hku mai bawng shangut la ai re jaw annau ni gaw shinggan uhpung uhpawng kaw UNFC hpung bawsang myit rum hpung kata kaw bawng shangut hparan la yang she mai na re.

Anonymous said...

Baren Numraw hpe madi shadaw ai,hpyen majan hpe atsawm dahpran shagreng dip gamyet tawn nna she myen a kata de bawngban yang mai ai,Ra lata poi pyi n'mai shang ai hpe mung ja ja dum ra ai.rapdaw ngu ai de pyi n'mai shanyi hkra grit nyem dik ai hku yu kaji nga ai myen hpe dip gamu tawn n'na she shaga ga.shakram hkat na ten naw jau ai.

Anonymous said...

Tsaw ra hkungga ai ningbaw ningla ni e, ya na zawn bawng ban ga ngu saw taw ai lam gaw, Chyum Mungga hta, Nehemi mare bunghku wa gaw nga yang, kre wa mahka shi hpe gyam sat mayu ai ni, naw yu wa yu rit, naw bawng bang ga nga nna shaga taw ai hte bung ai n hten. Dai majaw, tinang Karai kaw akyu hpyi majai na hpang wa sai magam bungli rai nga sai majaw akyu hpyi let, shawng lam de matut sa wa na lam sha re. (Nehemia 6:1-9)

Post a Comment