Slideshow Image 2

LAMU GA MYING NI HPE MYEN GA HTE GALAI SHAMYING WA AI

Jinghpaw kasa hta hpribum hpe Kadai Taung (Hpri Bum) ngu nna, ka da ai hpe mu lu ai. Ndai laika ka ai hpe mara shagun ai lam tsep kawp nnga ai.  Jahpring shazup ai lam sha rai nga nngai. Wunpawng Myu Sha ni tinang a lamu ga, ginra labau ni hpe jaw ai hku tup hkrak ntsun dan, nhkai dan, laika ka ka sara ni nka lang wa ai majaw, daini na ban hta nga pra wa ai Jinhpaw Wunpawng ramma ni gaw, Myen asuya wa woi shamying ai, hkai hkrat wa ai mying ni hpe madung tsun mat wa ai mung rai nga ai.  Hpushawng hpuba, Kaji Kawa ni labau hpe jaw ai hpe jaw ai hku, hkai tsun dan na matu nmai lagawn nga sai. Asak naw hkrung nga ai laman, hkai dan tsun dan shakut shaja ra nga ai.
Myen asuya (န၀တ) a prat kaw na ndai Hpri Bum hpe ကတိုင္းေတာင္ shamying wa ai shaning 20 ning jan na sai hte maren Uru Seng Maw ginra hta ကတိုင္းေတာင္ ngu nna sha, tsun jahta wa ai rai nga ai. Myen asuya gaw Hpakant hpe စကိုင္းတိုင္း de lawm ai hku nna mung, shakut taw nga ai re.

JAUKANG LA MUKHKYU HTE HKAW SENG BUM A LABAU KADUN
Shawng daw na Jinghpaw Wunpawng sha ni a kaji kawa ni tsun hkrat wa ai Jinghpaw mau mwi hta lawm ai gaw,  Uru seng maw hta gajai gumhkawng dik ai, "JAUKANG LA MUHKYU" ngu ai, ga sadi dung dik ai, shan gap jau gawng langai mi sin nga lai wa ai shara re. Dai shara hpe “ HKAW SENG BUM" ngu ai re.
Jaukang La muhkyu wa gaw, shan gap sa na ngu ai nhtoi hta e ga sadi tawn da let rawt sa wa ai. Dai shani shani hta e shan la hpe sha gap na re, ngu hkam la let sa wa aten hta shani tup shan yi hkrai hkrum tim, shan yi langai mung n-gap ai sha bai nhtang wa ai. Shan gap jau gawng rai tim, ndai zawn ga sadi dung dik ai hku sak hkrung lai wa re.
Ndai Hpri Bum hta, Jaukang La Mukhkyu a mam htu sha ai, nlung htum langai mung nga ai. Dai nlung htum hpe Myen asuya (န၀တ) a prat hta lawu Myen mung de lu hkra htaw yu mat ai lam ni hpe mung na lu ai. Ndai gaw, ngang kang ai Jinghpaw Wunpawng myu sha ni hkai hkrat wa ai labau hpe sak se hpe shamat shaprai kau ai ladat rai nga ai. Jaukang La Mukhkyu a lam hpe kaji kawa ni hkai hkrat wa ai gaw law law nga ai.  Matut nna, galu galang ntsun sai.
Rai yang ya daini Uru Seng Maw hte Hpakant lam lapran na Jinghpaw hku shamying da ai mying ni hpe Myen ga hku gale kau ai lam ni nga ai. Ga shadawn, 1. Lung Hkang hpe လံုးခင္း 2. Hkrai Dun hpe တံတားညီေနာင္ ngu shamying mat wa sai. Ndai zawn laika ka ai wa nmu nchye ai sara  law law hpe mung Myen asuya wa mying galai shamying ai lam ni law law nga na re. Myen asuya gaw anhte a labau shamat na matu shakut shaja taw nga ai lam ni rai nga ai.
Dai majaw  tinang amyu sha ni a masat masa (Identity) mying hpe mat wa magang ai de ndu hkra gaw, jaw ai labau amying shingteng ni hpe tsun shaja nga ga, hkai dan nga ga,  ngu nna saw lajin dat nngai.

Slg. Nwawt Naw Awng
24/9/2012

4 comments:

Anonymous said...

grai jaw ai.htunghking laili laika ga mat labau mat sayang gaw myu ting mat na re hte labau n'ngang yang lani mi myen hte tsun shing jawng wa ai shaloi yak wa chye ai jaw jawng hkan n'ta hkan madu na dep dang dep ai daram ma ni hpe kai dan ga.anhte jawng hkan labau laika san n'na sharin ra sai hte jawng ma ni hpe hkahku labu bu shangun ra ai.

Anonymous said...

Re graijaw jawngma ni hpe jinghpaw labu bu sha ngun ai mung jaw ai dai nrai yang myen hte nbung ai jawng hkring hpe lang ra ai

Anonymous said...

Re teng ai " Hkaw Seng Bum" ngu nna she shamying lang ga.

Wunpawng sha ni a labau ginra hpe ja ja makawp maga nga ga.

lamungnawnaw said...

grai chye ju kaba la sai ya na zawn azin ayang ngu na hkai dan mat wa ai majaw.gai mung na kabu ai.kade she madat pyaw ai mying wa,matut na ma byeng ya rit,shadum la marit.

Post a Comment