NAM TAU NA NU NUM LANGAI A KRAW MADAI N SEN

*       Nu yan Wa a kasha Ma Tsin ngai
        Karai a shaman Wunli lu ni ai,

*       Ningrum ningtau mung lu ni ai
        Kashu kasha ni mung shaprat sai,

*       Raitim, Satan wa a maw lanyet hta
        An la ni wa kanoi noi she hka,

*       Shingrai, anhte Kanu Num ni gaw
        Nanghpam lusha hpe n ju ga ai yaw ,

*       Hpyen la ni mung,  Ka-ni ya
        Tawpa  mi  she  hpai  ra  ra,

*       Ka-ni ya  a Gaida jan gaw n tai na ga ai
        Kasha ni hpe yu nna myit ru dik ga ai,

*       Ka-ni ya  ana zinli wa a gaida jan tai  na kaya ai
        Majan hta share ai Gaida jan gaw, myiman pa nga ai,

*       Dai majaw, anhte Nu num ni woi  aw-law
        Ka-ni pat jasan  majan hta woi ningbaw,

*       Ma-nga hte mawng Gawdin woi htawng
        Myit hkrum lam hta n-gun mahkawng,

*       Ka-ni hpyen hpe yawng jawm shamyit
        Karai a munga hpe she ahpum chyit ….  Rai…

*       Ngwi pyaw ai Hkristan dinghku
        Bai gawde gaw gap la lu u ga ngu,

*       Myit shingran let,      baw-nu she kahtet,
        Kraw shingni hte kajet dat sai yaw….