September (18) bat Lahkawng
2012 September (18) ya shani hkying (9:30)am aten hta Simpraw Ginwang Ginjaw Mai Ja Yang hte Loije lapran na Prang Ngawn Mare hta Justice and Negotiation Center dingshawn poi galaw ai lam hpe chye lu ai.
Dingshawn poi lamang hta KIO Simsa Lam Bawngban Dat Kasa Ningbaw Sara Kaba Sumlut Gam kaw nna Justice and Negotiation Center a yaw shada ai lam hte Karai Kasang hpe akyu hpyi ap mayu ai lam ni hpe tsun shana dan ai hta gawgap ngut ai dum nta ni hpe Karai Kasang kaw kyuhpyi ap ya na lam, Mung masa bawngban lam ma hkra hpe awngdang lu hkra Karai Kasang bau sin makawp maga ya na lam hpe tsun shana dan ai lam chye lu ai.
Matut nna Rev. Marip Zau Ing kawn Dingshawn akyuhpyi ap nawng ya ai hpang Wa Jau Patrick Jangma Tu Shan kaw nna Karai Kasang Mungga hte n'gun jaw htawn tsun ya ai lam hpe chye lu ai.
Ndai zuphpawng hta KIO Simsa lam tam dat kasa salang ni, PCG na salang ni hte Buga na Myitsu Salang ni sa du shang lawm let ngwipyaw awngdang ai hte galaw la lu sai lam hpe chye lu ai. Kachinnet
7 comments:
Awm dawm shang lawt lu hkra mahtai kaja de zuphpawng lu ai wunli lu ai negotiation gawknu rai u ga law,ndai hta pyi grau grau hkyik ai gawknu kaba law law galaw na atu mung ra sharawng ai le!
Grau hkyik ai gawk nu ni law law galaw lu na matu Tsawra japan mung shang lawm yang htuk na re ngu kam ga ai lawwwwww.
N dai hta grau grau hkyik ai gawk nu kaba ni law law galaw na matu Tatut shang lawm ga lawwwww.
Ya ten hta Gawknu ahkyak nre, hpun pawt kaw tim mai jahkrup ai, madung gaw, tingnang a ahkaw ahkang lu hkra ladat shaw na she madung ai.
ntsa na comment manang wa an hte gaw hpun pawt e nga na gasat ai na sai nan hte ni a nbung hte gap ya ai hkyik hkam gawknu ni mung majan byin tim maigap ai sha re ala nga ai yaw hpun pawt e nga jin mat ni ai
ndai gawk nu kaw myen hte sa jahta nna shiga gun wa ai PCG ni a ga hpe mung atsawm maram yu nna she daw dan ga lu shan kata na byet gaw grau mu ai da yaw
Tsun jahpyak hpe koi ga, tai wa kabu nga ai.
Myithkrum kahkyin ga hte n'gun jaw ga.
Post a Comment