Slideshow Image 2

NINGGAM LANGAI

Lakang n gam kaba langai lung kabye tsap lu na matu annau ni mung masa mahkyen kaba langai hkyak hkyak msing jahkrat shamu shamawt sa wa ra sai re zawn n'dai mung masa mahkyen awng dang masan sa na matu hte grau shawng de n'gun hte sit sa lu na matu hpyen majan hte sakse madun shagrin ra sai.

1.Myen asuya a manaw mahkyen hkrang hpe asan dinglun yu yang yawng mu chye chyalu rai na re, dai ni myen gaw annau ni lamu ga sha n'ga bawsang ni rudi jung nga ai lamu ga yawng hpe shamat kau n'na myen mung, [Myamar] mungdan ngu ai hku shana shamying tsun nga sai hte [PYI HTAWNG SU] munghpawm mungdan hku galoi mung n'tsun nga sai hpe dum chye ra sai.

2.Ya yang annau ni gasat nga ai gaw myen ni hpe madaw annau ni jahte tam n'na shanhte lamu ga hpe sa gasat ai zawn mungkan de san htai galaw ai ten shagu Thein Sein gaw lahtan kaw masu dazik kaba dawk tawn n'na hpa grai myit n'su ai ma ni manyi na hku gaya n'su tsun nga ai. [Tai Yin Ta] bawsang myu kaji ni da, annau ni madaw tara n'lang shanhte lamu ga de sa htim gasat nga ai da. Simsa lam n'lu ai Jinghpaw KIO/KIA Asuya kaw n'na gap hkat jahkring na daru ahkang n'jaw ai, n'jahkrat ai majaw re da.

3.Myen amyu gumsan magam langai re ai, myen yawng a sari gun ya nga ai la kaba langai mi ningbaw kaba langai mi rai nga ai wa hpa majaw la kaba ga n'shaga ai kun? Dai hpe yu nna Thein Sein asuya nan annau ni hpe gasat shamyit nga ai re hpe asan mu chye sai hte, hpyen masa n'tsa kaw na lu tsap jang she simsa lam bawng na lachyum shapraw nga ai gaw kasu kabrawng hpung hpe shazim ai masa sha pru nga ai. Munghpawm n'nga sai lachyum rai sai re jaw mung masa bawngban na mung yup she re, baw hpraw warum ai wa, ma tat tat ga tsun ai, myi n'pu na ladi n'mu ngu ai lachyum annau ni hte gara hku mung simsa lam n'mai la ai masa re.

4.Hpyen dap hte Democracy Thein Sein asuya gaw langai sha re lam BBC/RFA, ni hte san htai galaw ai ten hkrat tsun sai, American ni the hpaga masa a jaw lata matut ginrat wa na masa pru sai. Annau ni mung lapran tai lu ai Salang hkrak n'nga yang myen hte kaning re bawngban tim n'mai galaw sai. Lapran Salang n'nga ai kaw bawngban yang n'htung chyawaw hte hka ja ai hte bung chyalu re.

5.Mung up tara, Asuya hkrang , tara jeyang ai lam kalai shai ai lam n'nga ai hte annau ni hte shada da mahku mara kamhpa lam n'nga ai kaw bawngban tim gwi sa gwi wa lachyum sha rai na re. Dai majaw mungkan mungdan law law asuya ya ni hpe annau ni kata lam mabyin masa, hpyen masa, mung masa hpe dai ni hta grau chye hkra annau ni lit la shiga shapoi shabra ra ai zawn Media hku ja ja gasat hpang ra sai zawn annau ni hpaji ninghkring sumtang law law UN rung de lang hte lang bang rai
ai.

6.Myu a matu jahpu manu n'yu ai, myu sha lawt lam a matu sak jaw ap nawng gwi ra saga ai. Annau ni kade manu dan ai madu nan dawdan dan ra sai. Dai ni annau ni gasat nga ai gaw myen a mungdan hpe gasat nga ai, myen ni hpe majan baw nga ai zawn myen gaw mungkan de htawng madun nga sai re, Panglung ga sadi n'nga sai, munghpawm n'nga sai lachyum myen nan shapraw nga sai re jaw annau ni madu mungdan lamu ga hpe dai ni shagrin la ra sai. Myu sai  kap ai, annau ni hpe sat ai sai kap ai, sawa tsadan ni hte hpa rai na naw shakram na rai ta?

7.Aung San Suu Kyi hte pawng n'na mungkan hpe gayin lu hkra galaw nga ai. NLD, NDF 88 jawngma hpung yawng gaw annau ni hte n'seng ai uhpung re ngu myit lachyen ginhka kau ra sai. Tara gram ai shanhte kata she gram mu ga. Annau ni gaw annau ni gawda ai Tara hpe hkungga hkan sa na sha nhkyak ai.
Myen mai lung wa chye ai myen hkawm sa mai ai lam ni yawng hpe dai ni kaja nan jahten kau ra sai, Thein Sein a ga manaw hpe yu yang hkunhkaw ginhtawng ten annau ni hpe n'gun kaba hte shamyit na masa nga ai. Hpakan hpe kara hku mung n'mai tat ai hte Miwa a sau dumlawng hpe jahten kau ra ai.hpaga na jak kaba ni hte miwa a jak rung ni yawng hpe jahten nan jahten ra sai. San htai galaw ai ni madu san htai galaw lu ai gaw myen hpe gasat ai ngu myit la n'na ja ja gwi gwi asung agrung ngu shaga ga. Annau ni myu sha ni sat hkrum si hkrum roirip zingri sum machyi ai hte sawn yang tsun n'ram sha re majaw numma roi ai sat ai mare nat lu malu yawng jahten mya la ai hpe asan sha tsun ga.

Langai sha ngam tim gasat ga.
Annau ni saidaw saichyen ma ni hpang de galoi mung yawn hkyen myiprwi
n'pru nu ga,masin machyi la ai.

Baren Numraw

7 comments:

Myu Sai said...

Myen hte n mai bawng matut nga sai, ngu ai hpe grai madi shadaw nngai. Lapran salang n lawm ai sha n mai bawng ai mung teng ai. Du kaba re ai ni majan ladat myit nga na malai Myen de na ni a masu ndum sa madat aten shama re. Kaja dik gaw UNFC hpe shageng ra ai. UNFC hku sha bawngban ra ai. Myen n lawm ai UN hpyen dap hpe shagreng ra sai. Myen n lawm ai UNFC hte Union Hpyen Dap hpe hpaw lu yang she mungkan kaw na myu bawsang rawt malan hpung ni yawng hpe kam wa na re. UNFC n lu shagreng dingsa, mungkan kaw na baw sang rawt malan hpung ni a ga hpe n madat na re. Bawsang ni shada pyi myit n hkrum ai re majaw Myen woi masu ai hpe mungkan gaw kaja dum na sha re. Bai anhte KIO/KIA mung moi na NDAK ginra, Munggu hte Hpawng Seng, bai Putao Nok Mung de shara la ra sai. N rai jang KIO/KIA gaw Wunpawng myu kru a hkum malai n tai lu shi ai lachyum mungkan e mu chyalu naw rai na re.

Unknown said...

Ra rawng ai lam ni grai naw nga na re anhte a majan hkrun lam hta. Rai tim n dai ten hta anhte gasat nga na dingyang rai nga ai gaw, maibin yang Myitkyina, Manmaw hte Mugawng/Munyin yawng shara shagu hta shang shara la htim gap ra sai le. Dai Laiza jut kaw na sha nmai ninghkap nga sai le. Nam kata kaw sha nrai mare kaba kaw na mung plan ra na sai hpe ra sharawng nga sai.le hte le anhte a gaiwang grai gyip wa nga ai.

Anonymous said...

UNFC hte galung n'na mung masa ku kaw man hkrum yawng bawngban ai lam n'rai yang myen hte n'bawngban ai gaw grau kaja na re.myen gaw mungkan hpe kaya n'su masu gwi nga sai re majaw annau ni hte galoi raitim simsa mai lu na n;re jaw awmdawm shanglawt lu hkra she shakut ra sai.

Anonymous said...

Teng ai ,tara ai ,jaw ai lam ni re majaw aja a wa,madi shadaw nngai.Dai ni an nau ni KARAI KASANG kaw kyu hpyi let,shawng lam de matut hkawm na lam sha nga sai,kaga myit ung ang na lam n nga sai.Hpa majaw nga yang, PRESIDENT THEIN SEIN hte MAKAW JAN hkrum ai hpang,AMYU KABA MASING hte AN NAU ni hte kaga AMYU KAJI HPUNAU ni hpe MAYU SHAMIT ladat shaw tawn da sai lam gaw ,adan aleng rai taw nga sai,MYANMAR ngu ai hku sha mungkan de ndau tsun nga ma sai,UNION Ngu ai hpe malap masu nga ma ai.21 first century PIN LON CONFERENCE mung,MASUM BRUN hkrum nna bawng ban na lam ni hpe mung MA KAW JAN ntun njahta mat sai le.Dai majaw,AN NAU ni hte KAGA AMYU KAJI ni hpe MASU SAW BAI ai ladat,HPYEN NGUN hte amyu shamit shamat ai ladat ni hpe ANHTE SHAWNG LAM DE SIT,NHTANG GASAT SHAMIT RA MAT SAGA AI. WADI.

Anonymous said...

Grai teng ai.Myen Mung nga nna, anhte na shara de myen hpyen htung lung shara gashun wa nga masai law. Shawng lam de dating dik dik she mai sai.

Anonymous said...

anhte saidaw hpyen yen ni hpe matsan dum ai lam n'nga ai shinggyin myit n'rawng ai masha ni hpe hpa majaw naw pawng na ta?n'dai zawn re ni hte kaning rai n'na rau nga na ta?

Anonymous said...

mungkan a gat lawt kaba hta grau ai hpakanhpe myen gaw madu mayu n'na kyin nga ai.Amerikan ni gat lawt hpraw ya jang lung seng hpe madung dat n'na hpaga gin len sha mayu ai majaw shanhte matu hpakan gaw ahkyak shara kaba rai wa nga ai jaw annau ni mung hpakan hpe n'mai tat ai.myen lung wa chye ai lam shagu hta nai kyi lup jaw ra ai.dinggai htan dingla hta sha n'ga hpa mung galaw tawn ra sai.myu a matu ahkyak ai ten awng dang na matu hpa raitim galaw ra sai.

Post a Comment