Slideshow Image 2

SHANA DAT AI

October (3) bat Masum
Hkungga tsawra ai Jinghpaw Kasa Shiga hti Wunpawng Myu Sha ni yawng hpang de shana dat lu nngai.
Ya lang nga ai Jinghpaw Kasa Blog kaw Myen hte English hku sha Shiga hte Mung masa lam ni hpe mara mat wa na nngai. Nnan hpaw da ai Jinghpaw Kasa Website kaw gaw Jinghpaw hku sha mara mat wa na re lam shiga hti shawa masha yawng hpang de shana mayu ai. Ra rawng ai lam ni hta galoi mung Jinghpaw Kasa hpang de hpaji mai jaw la ai lam mung shana mayu ai.

Bai nna, Jinghpaw Kasa Blog hta Myen myu sha ga hku madung mara mat wa na re majaw Shiga ni Myu Sha ni kawn SHIGA, LAIKA NGAU, GA SHAGAWP, MUNG MASA zawn re ni hpe myen hku ka nna Jinghpaw Kasa hpang de mai sa ya ai lam mung shana dat ai. Myen hku laika ka sa mayu rai yang ZAWGYI FONT (n dai kaw mai download la ai) hpe sha lang nna ka ya na hpe mung lajin mayu ai.

Matut nna, English hku chye ka ai myitsu Kanu, Kawa, Kahpu Kanau ni yawng hpe mung garum hpyi mayu ai. Jinghpaw Kasa hku na gaw English laika n chye ai madang kaw lawm ai. Anhte Myu Sha ni a lam hpe laga myu sha ni grau chye ra ai ten, laga myu sha ni chye na hkra English hku n chye ka ai mung hkrat sum lam langai re hpe mu mada ai. Dai majaw Jinghpaw Kasa Shiga hti Myu Sha ni kaw na English hku chye ka ai masha nga yang mung Jinghpaw Mung lam ni hpe English hku ka shagun ya marit ngu garum hpyi mayu ai. Jinghpaw Kasa kaw mara dat ai Shiga ni hpe English hku chye ka ai ni ka gale nna Jinghpaw Kasa hpang de sa ya na hpe mung garum hpyi mayu ai. Wunpawng Mungdan Lawt Lu na lam hta Wunpawng Myu Sha ni yawng lata gindun let jawm shakut sa wa yang kaja wa anhte Myu Sha ni yaw shada ai Pandung de du lu na re hpe kam ai. Jinghpaw Kasa hpe garum la na hpe mung kam hpa n ngai.

Yawng hpe chyeju dum let,

Jinghpaw Kasa
tawkhkam@gmail.com

11 comments:

Anonymous said...

grai kaja ai bungli 1 re ngu hkam la sai...matut na shakut hkawm sa wa ga anhte WP yawng.....

Anonymous said...

Ndai zawn galaw ra ai hpe jau kaw na mu lu ai. Raitim masa lam a majaw rai na re. Jinghpaw hku, Jinhpaw shada da sha myit rawt ai hte sha nmai ai. Jinghpaw a mung masa hpe Myen mung dan hte mungkan madang de chyam bra wa lu na matu gaw, Myen hte Englis ahkyak dik rai nga ai. Shinggyim ahkaw ahkang dip sha hkrum ai hpe mu chye lawm na matu mung ndai lamang hpe ja ja galaw shakut sa wa ga law.

English hte Myen hku rai jang gaw, mai byin ai ram shiga hpe jaw teng ai hku galaw ra na re. Dai nrai yang, Jinghpaw kasa hpe sa du shang hti ai n-gun yawm wa na re. Grau nna, Maigan masha ni hte Myen amyu sha ni mung hkap la mai ai hpan shiga ni hpe mung galaw mara yang gaw awngdang wa na re.

Bran s said...

ေလာကမွာ ေလာဘ ေဒါသ ေမာပာါေတြအားျကီးေနျပီဆုိရင္

Majoi Shingra said...

Grai hkrak ai matsing re. Dangdi ai made garum kahtau sa wa ga.

Jatawng Naw said...

Grai kaja ai lam re. Madi shadaw n ngun jaw nga ai. Shi ga ni hpe mung a tsawm san yu maram yu nna jaw teng ai hku timely byin hkra matut ndau shabra shakut sa wa ga. Mai byin yang shiga sawk shalai ya na manang ni hte wuhpung hku galaw sa wa lu yang grai tangdu awng dang wa na re hpe myit mada ai. Anhte WP hpyen hprawng ni a mayak manghkang ni, myen hpyen ni e diplu dipsha, lamu ga kashun zing la hkrum ai tsinyam ni, Kani nanghpam majan hte WP ram ni hpe kasat shamyit nga ai lam ni, KIO/A woi awn galaw ai WP buga gaw sharawt, hpaji shahpat ai lam ni, KIO/A hte Pawngyawng mung shawa hpyenla ni shanglawm ai tengman tara hkan ai kasat ninggang lam ni hpe mungkan de hkrawn shalen dan lu na mung grai ahkyak dik rai nga ai.
Karai Kasang lam woi ya ai chyeju hte grau htaphtuk ai website shiga htawn lamang kaja tai wa lu u ga law.

Anonymous said...

na kabu sai law loi pyi hpang hkart taw sai.an hte WP sha ni kaw English lai ka hkrak chye ai mung grai nga ai re le yawng jawm garum shakut na re. shi ga hpe chyawm gaw English hte rai sai nga yang International madang re majaw ing mu dam ladda ra na re,shi ga hpe hkrak jaw teng ai hku she mai mara na re. webside hpe kam gring hkra rai ra ai. madung gaw myu sha ni hpe myen ni gahku zingri ai ,Dimsha ai ,roi rip ai, nta ra ai. myutsaw WP hpyen la ni ganing rai myu hpe makawp ai, mungdan rawt jat lam a matu shakut ai lam ni hpe hkrak sagawn nna mara wa yang mung kan ting WP myu sha ni hpe kam wa na re,garum wa na re. ngai mung jawng ma naw re majaw grai wa nrai tim jinghpaw kawna English de gale garum na yaw. ( Ma myit su )

Larin said...

Myen hte English hku shiga ni hpe manu ai hku mara shabra tim dai shiga ni hpe mai byin yang gaw kadun hku raitim Jinghpaw hku mung ka mara dat yang hkrak dik rai na re ngu mu mada ai..... Shiga sa ai gaw mu , hti gaw n-lu rai taw yang myit n-pyaw ai.... KK grau na shaman ya, lam woi awn nga u ga law!!!

Anonymous said...

Jinghpawkasa e grai kaja sai. English/Myen hpe garu hku hpaw hti ra ai lam mung masun la marit law.

Larin said...

Myen hte English nga nna Myen hkrai hkrai n-rai jang chyawm gaw chyeju kaba sa...... N-na hpaw da ai nga website kaw mung shiga hte mung masa lam ni hpe maren mara na hpe kam ai. Chyeju kaba....

Anonymous said...

Jinghpaw Kasa hpe chyeju dum ai. Mai byin ai shara kaw nna chye chyang ai hpe jai lang nna ap nawng ai hpe grai n gun lu chyeju dum ai. Jinghpaw Wunpawng myu sha ni hta chye chyang ai ni law nga shajang wa saga ai. Rai tim Jinghpaw Kasa zawn ap nawng ai ni nau n nga shi ai.. Manang wa mai byin ai madang hta ap nawng daw jau ai hpe mara tam jahpyak chye ai ni law shajang nga ga ai. Jinghpaw Kasa zawn ap nawng shang lawm ra saga ai law. Mara tam jahpyak nna online hta aten shama n gup bawlaw ta gaw lagyaw ai ni n tai shajang na hpe sadi ga.




Anonymous said...

jinghpaw hku san san sha hti mai ai websie address

Post a Comment