Dai ni na ten Myen tai hpyen ni gaw Wunpawng Mungdan jut shara shagu de Myu Wunpawng Sha ni hpe SHAMYIT MASING hte majan maja hpaw gasat wa nga sai hpe Myu Sha ni yawng tatut mu chye lu nga saga ai.
Hpa majaw
Wunpawng Mungdan hpe
Wunpawng Myusha ni hpe, ndai zawn laja lana n-gun laba hte htim gasat wa ai? Ndai lam ni hpe mung Myusha ni yawng chye chyalu rai nga ya ai.
Wunpawng Mungdan hpe madu la mayu ai. Wunpawng Mungdan kata na nhprang sut rai ni hpe shanhte chyu madu la mayu ai. Wunpawng Myusha ni hpe n ra sharawng ai. Wunpawng Myusha ni hpe shamat shamyit kau mayu ai.
Wunpawng Mungdan Shanglawt Asuya hpe nra sharawng ai lam sha n rai sai hpe mu mada lu ai. Wunpawng Mungdan Shanglawt Asuya hpe sha gasat taw ai lam mung nrai sai. Wunpawng Myusha ni yawng hpe nan shamat shamyit masing hte gasat taw nga sai hpe asan sha mu lu nga sai. Wunpawng Mungdan Shanglawt Asuya hpe n-gun jaw, madi shadaw taw ai gaw Wunpawng Myusha ni re hpe myen hpyen ni chye ai majaw Wunpawng Myusha ni hpe madung da gasat shamyit wa ai lam re hpe mung asan sha mu lu sai.
Myusha ni shanu nga ai Mare Kahtawng ni de laknak kaba ni hte gap bun ai, nbungli ni hte bawm jahkrat ai, wan nat jahten sharun ai. Myusha ni Mare Kahtawng hkan n mai nga hkra, galaw lu galaw sha nmai hkra masing jahkrat let galaw sa wa ai. Dai zawn galaw wa ai lam ni a majaw, daini na ten anhte a Myusha ni tinang a Mare Buga, Yi Sun Hkauna, U Wa Yam nga ni hpe gabai tawn da kau nna, matsan mayen, jam jau jam hkau rai hprawng hkawm ra ai prat de du mat sai. Ma kaji ni hte asak kaba sai dinggai dingla ni, ma hkum ali ahti hte Kanu num ni shingbyi shara nmu, kamhpa shana kata ru yak jam jau law law hte hprawng yen hkawm ra ai. Myusha ni chyu shanu nga ai Mare Kahtawng ni yawng ngu na ram hpe jahten sharun kau ya ma wa sai. Myusha ni a galaw lu gala sha lam mahkra hpe jahten shaza kau ya ma wa sai.
Kanu Mungdan kata na Wunpawng Ramma ni-
Tinang hkum tinang Wunpawng ngu naw hkam la da ai rai yang dai ni NANG, NGAI a aten rai sai. Tinang a sai daw sai chyen, tinang a Myusha ni ya na zawn ru yak jam jau hkam sha nga ai hpe dai hku sha yu shalai kau sana kun? Ra mi hkam sha taw mu ga ngu yu shalai kau na kun? Na a n-gun atsam hpaji ni hpe Na a Myusha ni hpe hkye la ai lam hta nlu jai lang ai kun? Na a n-gun atsam, Na a hpaji machye machyang ni hpe akyu jashawn jai lang na gaw ya aten nan rai sai hpe dum ga. Tinang chye ai hpaji machye machyang, n-gun atsaw ni hte Myu hkye, Mung hkye ai hta akyu jashawn jai lang saga ngu ga-saw dat nngai.
Maigan Mungdan ni de chyambra nga Wunpawng ni-
Tinang a Kanu Mungdan, tinang Myusha ni machyi hkrat sum wa nga ai hpe “akyu hpyi garum ya na” ngu ai hte sha shangut kau sana ya ai kun? Akyu mung hpyi ya ra ai zawn tatut shang lawm na mung grai a hkyak nga ai. Dai ni na ten Maigan Mungdan ni de chyambra nga Wunpawng Myusha ni sen lam she rai wa sai hpe chye lu ai. Na a Mungdan hte, Na a Myusha ni hpe hkye ai lam na shanglawm na hpe naw a-gam taw ai kun? naw ma-ji taw na kun? Anhte Maigan du Myusha ni kawn law law pi nra ai, shata mi marai langai $1 sha mi Mung hkye, Myu hkye masing hta shang lawm ai rai yang grai tang du masan sa wa na re. N-gup a ga hte sha Myu tsaw, Mung tsaw ai lam hpe tawn kau nna tatut Mung tsaw, Myu Tsaw ai ni shakut sa wa ga ngu saw lajin dat nngai.
Anhte Myusha ni hkum Ngau shagu, tinang chye chyang ai hpaji, n-gun atsam hte Mung hkye, Myu hkye masing hta lahkrip ra ra shang lawm ai rai yang anhte ra sharawng ai Awng Padang hpe madu la lu na re.
N mau nga saga, n ung ang nga saga Wunpawng Myusha ni e,
AJi Bawk
Hpa majaw
Wunpawng Mungdan hpe
Wunpawng Myusha ni hpe, ndai zawn laja lana n-gun laba hte htim gasat wa ai? Ndai lam ni hpe mung Myusha ni yawng chye chyalu rai nga ya ai.
Wunpawng Mungdan hpe madu la mayu ai. Wunpawng Mungdan kata na nhprang sut rai ni hpe shanhte chyu madu la mayu ai. Wunpawng Myusha ni hpe n ra sharawng ai. Wunpawng Myusha ni hpe shamat shamyit kau mayu ai.
Wunpawng Mungdan Shanglawt Asuya hpe nra sharawng ai lam sha n rai sai hpe mu mada lu ai. Wunpawng Mungdan Shanglawt Asuya hpe sha gasat taw ai lam mung nrai sai. Wunpawng Myusha ni yawng hpe nan shamat shamyit masing hte gasat taw nga sai hpe asan sha mu lu nga sai. Wunpawng Mungdan Shanglawt Asuya hpe n-gun jaw, madi shadaw taw ai gaw Wunpawng Myusha ni re hpe myen hpyen ni chye ai majaw Wunpawng Myusha ni hpe madung da gasat shamyit wa ai lam re hpe mung asan sha mu lu sai.
Myusha ni shanu nga ai Mare Kahtawng ni de laknak kaba ni hte gap bun ai, nbungli ni hte bawm jahkrat ai, wan nat jahten sharun ai. Myusha ni Mare Kahtawng hkan n mai nga hkra, galaw lu galaw sha nmai hkra masing jahkrat let galaw sa wa ai. Dai zawn galaw wa ai lam ni a majaw, daini na ten anhte a Myusha ni tinang a Mare Buga, Yi Sun Hkauna, U Wa Yam nga ni hpe gabai tawn da kau nna, matsan mayen, jam jau jam hkau rai hprawng hkawm ra ai prat de du mat sai. Ma kaji ni hte asak kaba sai dinggai dingla ni, ma hkum ali ahti hte Kanu num ni shingbyi shara nmu, kamhpa shana kata ru yak jam jau law law hte hprawng yen hkawm ra ai. Myusha ni chyu shanu nga ai Mare Kahtawng ni yawng ngu na ram hpe jahten sharun kau ya ma wa sai. Myusha ni a galaw lu gala sha lam mahkra hpe jahten shaza kau ya ma wa sai.
Kanu Mungdan kata na Wunpawng Ramma ni-
Tinang hkum tinang Wunpawng ngu naw hkam la da ai rai yang dai ni NANG, NGAI a aten rai sai. Tinang a sai daw sai chyen, tinang a Myusha ni ya na zawn ru yak jam jau hkam sha nga ai hpe dai hku sha yu shalai kau sana kun? Ra mi hkam sha taw mu ga ngu yu shalai kau na kun? Na a n-gun atsam hpaji ni hpe Na a Myusha ni hpe hkye la ai lam hta nlu jai lang ai kun? Na a n-gun atsam, Na a hpaji machye machyang ni hpe akyu jashawn jai lang na gaw ya aten nan rai sai hpe dum ga. Tinang chye ai hpaji machye machyang, n-gun atsaw ni hte Myu hkye, Mung hkye ai hta akyu jashawn jai lang saga ngu ga-saw dat nngai.
Maigan Mungdan ni de chyambra nga Wunpawng ni-
Tinang a Kanu Mungdan, tinang Myusha ni machyi hkrat sum wa nga ai hpe “akyu hpyi garum ya na” ngu ai hte sha shangut kau sana ya ai kun? Akyu mung hpyi ya ra ai zawn tatut shang lawm na mung grai a hkyak nga ai. Dai ni na ten Maigan Mungdan ni de chyambra nga Wunpawng Myusha ni sen lam she rai wa sai hpe chye lu ai. Na a Mungdan hte, Na a Myusha ni hpe hkye ai lam na shanglawm na hpe naw a-gam taw ai kun? naw ma-ji taw na kun? Anhte Maigan du Myusha ni kawn law law pi nra ai, shata mi marai langai $1 sha mi Mung hkye, Myu hkye masing hta shang lawm ai rai yang grai tang du masan sa wa na re. N-gup a ga hte sha Myu tsaw, Mung tsaw ai lam hpe tawn kau nna tatut Mung tsaw, Myu Tsaw ai ni shakut sa wa ga ngu saw lajin dat nngai.
Anhte Myusha ni hkum Ngau shagu, tinang chye chyang ai hpaji, n-gun atsam hte Mung hkye, Myu hkye masing hta lahkrip ra ra shang lawm ai rai yang anhte ra sharawng ai Awng Padang hpe madu la lu na re.
N mau nga saga, n ung ang nga saga Wunpawng Myusha ni e,
AJi Bawk
0 comments:
Post a Comment