Say NO to BORDER GUARD !!

Tsawra Hkunnga ai Wunpawng myusha ni hpang de,
Wunpawng Mungdan Shawng Lawt Hpung gaw Myen hpyen asuya e woi galaw ai NC kaw mung ngut hkra shang lawm, dai kaw na pru wa ai constitution hpe mung madi shadaw lawm rai sai re hpe yawng chye na re ngu kam ga ai. Constitution hpe madi shadaw lawm ai ngu ai gaw, maga mi hku yu yang constitution hta lawm ai lam ni hpe hkan nang na ngu ai hku mung mai sawn la nga ai.
Dai hku rai nga ai hta Myen Hpyen asuya gaw KIO hku na, dai constitution hpe hkap la hkan sa na hku sawn la ai hku mu mada ai. Dai majaw ndai lapran, Myen mung na laknak lang rawt malan hpung ni yawng hpe Jarit Sin Makawp Hpyen Dap hku shabyin kau na lajang nga ma ai.
Laknak lang rawt malan hpung yawng hpe mung dai lam yan de sa wa na matu ndai lapran aja awa shadut nga sai hku re. Dai hpung ni hta Wunpawng Mungdan Shang Lawt Hpung (KIO) mung lawm nga sai re.
Ndai lam hpe KIO Ginjaw committee salang ni grai bawngban nga ai lam mung na lu ai. Gara hku bawngban nga ai kun gaw n chye ai. Ndai shata (May) garai n htum shi yang KIO ni hku na Myen Hpyen Asuya hpe border guard galaw na, n galaw na mahtai asan sha jaw ra ai lam na chye lu ai. Ndai gaw anhte WP myu sha ni yawng hte seng wa sai majaw, ndai hte seng nna anhte manaw manang ni yawng mung lama ma nsen sha gaw shapraw nna ningbaw ningla ni hpe tsun dan, shana dan, shadum hpaji jaw la ga ngu myit sawn lu nna ka shana shabra dat ai ga rai sai. Nanhte manaw manang ni a ningmu ni shana wa marit. Dai ningmu ni yawng hpe mahkawng nna KIO ni hpe OPEN letter hku na sa na ga ai. Dai majaw manaw manang ni yawng hpe myit mada kam hpa let lajin shana shabra dat ai re law.. Tinang a ningmu ni hpe May shata 18 ya hta hpang n hkrat ai sha shana wa ya marit ngu mung lajin dat ga ai.. Tinang hte ni nawn ai manaw manang ni hpe mung ndai mail forward galaw nna shana shabra ya marit ngu mung lajin dat ga ai.

Myu Sha Lam yan hta,