AMERICAN DU MYU SHA NI KYU HPYI N GUN MADUN

June (10) Laban

Jackssonville, Florida nga Jinghpaw wunpawng sha ni Badang HkrunLam majan laning mi hpring chyeju shakawn wan shadaw lang akyu hpyi (Candle light Service)

Kachin Development Foundation (KDF) woi awn let Jackssonville, Florida kaw shanu nga ai Jinghpaw wunpawng amyu sha ni dai ni (Jun 9, 2012) shana de e KIO/KIA the Myen Asuya a lapran Jun 9, 2011 kaw na kalang bai byin hpang wa ai Badang HkrunLam majan hpe laning mi tup hkam jan lu ai hte Karai Kasang a shaman chyeju a jaw e tinang hta lam shagu hta n’gun grai grau law ai Myen Asuya hpen dap hpe ninghkap lu ai atsam jaw ya ai majaw karai Kasang hpe chyeju shakawn akyu hpyi ai lam hpe galaw wa sai.
Ndai Chyeju shakawn akyu hpyi poi hta e tingyang up Tsinyu Bawk Htun hku nna Badang Hkrun Lam maja hta tatut galaw nga ai myu tsaw share shagan ni the ningbaw ningla ni a yak hkak ai lam the shakut shaja nga ai lam hpe sang lang dan ai. Dai hpang kanu mungdan na du taw nga ai salang Lamung Thing Nan hku nna n’gun jaw ga bai tsun sai. KDF ningbaw Bawmwang Jadan Li kaw nna Badang Hkrunlam majan hta maigan du Jinghpaw Wunpawng sha ni yawng myit ung ang nga na aten nrai sai lam hte du ai shara kaw na lu ai atsam hte shang lawm nna hkum dek shagu gaw Wunpawng sha ni a datkasa tai let shakut ra sai lam tsun n’gun jaw mat wa ai.
Rev. Karing Zau Hkun woi awn let Badang Hkrunlam majan awng dang wa lu na matu mung, hpyen yen tsinyam masha ni hte Jinghpaw Wunpawng sha ni yawng rapra tara ai lam hte ngang kang ai simsa lam lu na matu wan shadaw (Candle light service) lang let akyu hpyi chyeju shakawn woi sai.
Sara Lamung Tu Lum hku nna, anhte maigan du Jinghpaw Wunpawng sha ni yawng mung ruyak tsinyam hkrum nga ai anhte a saidaw saichyen ni hte rau myit masin hpe Karai Kasang hta kam hpa manoi manat let akyu hpyi ra ai lam hte woi awn nga ai ningbaw ningla ni a matu mung tengman ai bandung hta ngang ngang tsap let anhte Jinghpaw Wunpawng sha ni yawng hpe jet ai awng badang hkrunlam de woi awn wa lu na matu akyu jaja hpyi ra ai lam htawn tsun dan sai.

Kachins in Jacksonville, Florida held Candle light service to mark one year anniversary of the resumed conflict in Kachin State, Myanmar (Burma)
Kachins residing in Jacksonville, Florida held a candle light service to mark one year anniversary of the resumed conflict between Kachin Independence Organization/ Army (KIO/KIA) and Burmese army which started Jun 9, 2011.  The congregation praised God for his blessing of KIO/A for being able to withstand the aggression of massive army of Burmese government. Due to the ongoing conflict, there are over 80,000 of Kachin refugees and internal displaced persons along the China-Burma border. The majority of the refugees and IDPs are under KIO/A controlled area, and two third of them are children and women, several reports said. The congregation also prays for genuine peace and more involvement of international communities.