Slideshow Image 2

MYEN HPYEN NI N HKRU N SHAWP AI LAM GRAU GALAW WA

August (21) bat Lahkawng

Ya yang myen hpyen asuya gaw KIA hte gasat ai majan ni hta hkrat sum machyi ai lam nau law wa ai majaw kaning ndi masin nsi rai nna nhkru ai ladat amyu myu hte KIO/KIA hpe gasat shakut taw nga ai hpe chye lu ai. Myen asuya gaw shanhte hpyendap ni laknak, masha n-gun hte gasat tim KIA hpe ndang ai majaw ya yang Jinghpaw mung kata na Sam amyu sha ni hte Jinghpaw amyu sha ni a lapran manghkang byin wa hkra sumprat dit shiga amyu myu shapoi rai nga ai re. Bai Bukdah makam masham hte Hkristan manghkang byin wa hkra (grau nna Sam hte Jinghpaw lapran) galaw nga ai re lam na chye lu ai. Hpa mara nnga ai Jinghpaw Hkristan hpung woi, hpung sara ni hpe madaw shanhte a shingte masat (target) shatai nna gasat na re nga nna shiga ni shapoi shabra, laika ni garan ayai hkawm nga ai lam na chye lu ai.

3 comments:

Anonymous said...

Myen SATAN wa gaw jahten sharun ai lam amyu myu grau nna galaw wa na re Karai Jaw da sai machye machyang hpe atsawm jai lang nna jawm shamyit kau saga! Thein Sein VOA hpe tsun ai hta mung SHANG LAWT NI madaw she shayawm kau ra ai da!..shanhte myen ni htu gasat ai lam hpe gaw kachyi pi ntsun dam...MYEN HPE GALOI MUNG NMAI KAM AI YAW....

htan nuk said...

ya na zawn an hte wp myusha ni a n tsa hta shing gyim a hkaw a hkang hte hpung makam masham ni hta tawt lai nga ai lam ni hpe seng ang ai, mung kan shing gyim a hkaw a hkang yu makawp maga hpung hte makam masham yu makawp maga hpung ni hpang de,tawt lai sakse sakgan ni hte hkrak rai nna,tang madun shana,garum hpyi ai lam hpe lawan ladan galaw mat wa yang gaja na re.

Anonymous said...

N-dan re ahkyak nna, a bit advance chye lu ai shiga ni hpe, English, Myen hku nna mung ka bang mu. Maigan shiga dap ni mung hkan mu mada nna, san, shiga ka ni byin wa na matu.

Post a Comment