Jinghpaw Wunpawng Amyu Sha ni kaw mying lawm ai Amyu bawsang ni hte, Jinghpaw Mung kaw prat hte prat shanu nga ai, Sam, Kaw Lahka, Mung Sa Miwa ni yawng hte baw chyang machyang, ning gang hpye dang madang yawng hte gaw mungdan Shang Lawt lu lam hta, langai mung n-ngam ai sha shang lawm ra sai.
Prat ningnan Rawt Malan magam bungli hpe KIO/KIA Mung Shawa yawng lahkrip rara lawan shangut ra sai majaw moi na zawn shaning kade ning Rawt Malan yu sai nga shakawng ai baw aten nrai, Mungshawa mung Asuya, Asuya mung Mungshawa, Mungshawa mung Hpyen La, Hpyen La mung Mungshawa, Jinghpaw Mungdaw Mungdan kata kaw shanu nga ai Mungchying sha yawng hte gaw KIO/KIA rai sai kadai nlawt lu sai.
Ya aten hta Myo kaba kata kaw nga ai Ramma ni kani nang hpam tsa chyaru hte pyaw len nga na aten nrai sai. Kanu Kawa ni hpe sha zingri n-na hkum nga sa. Ya jang Rawt Malan magam gun hpai na sa wa, Kanu Kawa ni mung hkum hkum da. Nang hpam hte si n-na myiprwi hte Jaw Bum sara na.
Hpunau Rawang, Hpunau Lisu ni mung Rawt Malan bungli hta ningbaw ningla shara la, Tinang buga tinang makawp ra sai. Zahkung Ting Ying Hpung (NDA-K), Mahtu Naw Hpung (KDA), Lasang Awng Wa Hpung (Gwi Htu), Adang Hpung ngu ai ni mung kadai hkum nga. Waju ai kaw Wa shalim hkru lawm rai na. Hpyen wa a party kaw na mung yawng pru. Hpyen wa a Makan Dap, Magam Dap kaw n-na mung pru n-na, KIO/KIA woi awn n-na hpaw dat ai Padang Hkrun Lam Majan hta shang lawm n-na, Mung maden hpyen hte, Nang hpam malu masha hpyen ni hpe rau sha gasat manga, sawa saga.
Karai jaw ai Mungdan hpe gaw gap la ga. Karai shangun ai magam bungli hpe n-galaw jang Karai Kasang teng sha dingye jaw na re. Dai majaw ya aten hta kadai wa mung mau dung nga na aten nrai sai. KIO/KIA ningbaw ningla ni mung rai dum ai myit nrawng ai sha lam woi sa wa ra na re. Dai majaw Jinghpaw Wunpawng Sha ni hte Jinghpaw Mungdaw Mungdan kaw shanu nga ai mung chying sha yawng gaw ndai hpang jahtum galaw shakre ra ai. Mung shawa Rawt Malan magam hta kadai n-hprai ai sha, dang di dang dep ai shara kaw tsap n-na shang lawm ra sa ga ai.
Karai a Amyu, Karai a jaw ai Mungdan hta kade n-na yang ning ngai grin nga lu na saga ai law.
Maling U Tu
Maling U Tu
3 comments:
magwi na kaw tingse dum bang ai ni mung dum tik tik ,
Magwi mahtunaw,Nda tingying,Gwihtu lasang,waju atang ,Wakali Hpawng seng hkun myat ni a na ni gaw Ting se nre Myen kaw na lula ai 120mm hte gap gamawng kau ra sai yaw.
Maling U Tu tsun ai jaw ai zawn zawn re sai.
Re tim, Sara Maling U Tu a kasha ni hpe KIA dap de kadai shang lawm sai kun?
Jp lauban ni, ning baw ni yawng gaw kashu kasha ni hpe maigan de hkrai hkrai nga shangun, kata kaw ngam nga ai mung shawa ni hpe sha nat ga law, sat ga law tsun ai kun myit yu ra ai.
Mung dan lu sai ngu ga, gara ladat hte up hkang na rai?
Kia ni lak nat hte moi na zawn up hkang na i?
Ok, hpaji chye ning baw tai na ram ma ni kadi shalat sai kun?
Doctor degree lu ai marai kadi shalat sai kun???
Majoi joi mung dan lu, rawt ra sai, nat ra sai, sat rai sai ngu na malai, ning baw ning la shalat jat ra sai hpe dum hprang ga.
Moi kaw na shajin ra ai re, re tim n hpang hkrat shi ai.
Maling U Hka
Post a Comment