WUNPAWNG SHAYI A SHARE SHAGAN NI HPANG DE SHAGUN LAIKA

Tsaw ra ai, Myu tsaw Share Shagan Ningbaw Ningla ni hte Myusha ni yawng hpang de,

Ngai WunpawngSshayi langai mi hkrap myi prwi hte ndai la ka hpe ka dat ai, galoi mung maroi n ni masin n si n ngai. Lung Zang ngu ai mare kasha kaw na mabyin gaw dai ni du hkra masin kaw ju langai rawng nga ai zawn hkam sha nga ai re. Mung masha ni a, a rung a rai hpe kashun mya la ngut ai hpang mare nat masha sat Num sha ni hpe roi rip zingri ai sha n ga. La wa ngan ni hpe sat n hkun langai kaw sha katawk bang na lup da ai lam ni hte Wunpawng Myusha ni roi rip zingri hkrum mat wa ai lam ni hpe atsawm sha matsing da ga, la ni myi tara je yang na n htoi du wa na re.

Dai ni hkrap ngu hkrap ngoi ai n sen hte hpyi ai ga Karai hkap la ya sai. Wunpawng Myusha ni a myi prwi Karai katsut ya sai. Annau ni myit mada da ai nga chyu hte lagat n tsin lwi ai (HKA NAN ) mung de shang lu na sha rai sai. Kam sham ai hte shakut yang teng sha lu na nga Karai ga sadi jaw da sai re. Dai ni myen hpyen wa hpe kasat ai gaw tinang a Mung dan hte Myusha ni a matu sha nrai, Karai Kasang a mau hpa hpung shing kang hpe shadan shadawng na matu re. Anhte Wunpawng Myusha ni Karai a sak se tai na matu re ai hpe galoi mung myitdum ai hte shakut shaja nga ga. Shara shagu hta nga nga ai myu sha ni tinang nga ai shara kaw kyu hpyi let Karai a hpung shingkang hpe shadan shadawng ga.

Karai Kasang annau ni yawng hte rau re.

Wunpawng Shayi

MATUT HTI NA »

N TAP BUM MAJAN DAI NI BAI HPANG [N-TAP BUM Fighting Resumed]

October (31) bat Lahkawng,

Wunpawng Mungdan Shanglawt Asuya Ginjaw Laiza makau Ntap Bum majan dai ni bai matu nga sai lam shiga na chye lu ai. Manmaw de na myen hpyen n-gun grai htu lung wa nga ai lam hpe mung na chye lu ai. Dai majaw tsaw ra ai Wunpawng amyu sha ni yawng Laiza Ginjaw hte, KIO/KIA ningbaw ni yawng hte shawng lam majan pa du nga ai anhte a myu tsaw share shagan ni a matu aja awa matut manoi akyu hpyi ya nga ga ngu saw lajin dat ai.

FIGHTING BETWEEN THE BURMESE ARMY AND KIA RESUMED

The fighting resumed today at the Ntap Bum village, a strategic location of the KIA army, situated near to the KIA headquarters in Laiza. The offensive Burmese military base in Banmaw has deployed reinforcement of troops to seize the battle zone then to take down the stronghold of the KIA headquarters.

Therefore, I would like to urge all our beloved Kachin people from every corner of this blue planet earth to pause a moment and say a prayer to our powerful God in unison for all the civil war torn Kachin refugees, for the KIA comrade soldiers fighting against this very evil offensive and oppressive Burmese military, and for all the KIO/KIA leaders.

MATUT HTI NA »

MYEN HPYEN NI SHAWNGLAM N KAM PRU NNA MARE KATA JEHPRE TAM NA MAW

October (31) bat Langai,

Wunpawng Mungdan Shanglawt Asuya hte gasat ai majan ni hta myen asuya hpyendap ni gaw majan nkam sa ai majaw Myikyina mare kata hte makau grup yin hkan shara shagu bawm kapaw, mahkrai ni hpe di gaw ndi, masha gaw nsi rai hkra dingsang kapaw nna KIA ni re ngu shadu masu let, mare kata, hpyen dap daju hta shim lam nnga sai ngu jahpai let, mahkrai langai kapaw ai hpang dai kaw hpyenla 40 hte 50 hpe shara jahkrat, sin shangun rai shawng lam majan pa sa na kaw na lawt hkra bawnu shachyai nga ma ai lam Myikyi buga na masha ni kawn tsun shana wa ai.

MATUT HTI NA »

MASHI LAKNAK (CHEMICAL WEAPON) HPE NINGGAM SHATSAW SHALE SA WA NA LAM MATSUN

October (31) bat Lahkawng,

Wunpawng Mungdan Shanglawt Asuya hte laga myu baw sang ni hpe gasat shamyit ai masing hta lang na matu, Myen Asuya a Dap Awn Daju "Turaq Myin Awng Hlaing" gaw shi a asuya dap kata na hpyen laknak galaw shapraw ai jak rung ni hpe Dadu (Mashi) laknak (Chemical Weapon) hpe ya na hta grau nna ninggam shatsaw let law law galaw shapraw na lam matsun wa sai lam hpe myen hpyen dap hte ni kahtep dik ai shiga lawk kaw na chye lu ai. Yahte laiwa sai 6 ya tup gasat ai Ga Ra Yang, Shwi Nyawngpin Lung Zep kadawng majan hta myen Asuya hpyen dap gap dat ai myawk si 40 daram hta na 4 daram gaw Dadu (Mashi) laknak (Chemical Weapon) re lam KIO Ginjaw de na bai shateng tsun wa ai. Ndai lam ni hpe mungkan ting nga ai Jinghpaw amyu sha ni yawng gaw mai byin ai daram nsim nsa htawn tsun sakse hkam dan let shana shabra sa wa ra na lam hpe mung tsun shana wa sai.

MATUT HTI NA »

MYEN NI KIO GINJAW DE KASA BAI DAT

October (31) bat Langai,

Wunpawng Mungdan Shanglawt Asuya hte hkrum shaga na matu Myen Asuya gaw KIO de kasa bai dat sai lam na chye lu ai. N dai lang hta myen asuya ni gaw Nawku hpung woi sara ni hpe shanhte ra ai kasa tai ya na matu hte shanhte hpang maga tsap ya na matu nsim nsa asawng shakut nga ma ai lam na chye lu ai. Lai wa sai bat hta October (27) ya shani Manmaw de na myen asuya dat ai hpung Sara (2) Laiza Ginjaw de du sa wa ai lam chye lu ai. Kata lam hpa baw ni bawng jahta ai lam ni hpe gaw tup hkrak nchye lu tim ndai lam gaw Myen a jahtum na ladat rai sai lam hpe chye lu ai. Makam masham Hpung woi Sara ni hpe jai lang yang awng dang na re ngu myen asuya ni kawn hkam la na masa rai na re. "Myen a nshawp ai, hkalem hkalau ga hpe KIO ni galoi mung kam sana nre, kadawng bang sana nre, anhte mahkrum madup grai law mat sai" nga nna KIA salang langai tsun wa ai. Ya na zawn sum wa na tai jang manang wa labawp manat let naw, shingdu yin rai jang manang wa hpe nyawp hkra re ai akyang gaw moi kaw na myen a ladat rai nga ai nga na mung tsun sang lang dan lai wa ai.

MATUT HTI NA »

COMMENT LAIKA HPE HTI YU GA

Ntap bum kaw na myen ni bai htingnut mat wa ai lam na chye lu ai majaw Karai Kasang a chye ju hpe shakawn ai law...

Dai ni gasat nga ai majan hpe mare kaw nga nga ai myen salang ni gaw, tara nshang ai majan re nga nga ma ai. Hpa galaw na rai yang mung Rap Daw kaw nna daw dan galaw ai baw re. Dai majaw ya na myen ni gasat ai lam gaw Than Shwe wa chying lau ai bungli re nga tsun jahta nga ma ai.

Majan pa hta Dadu lanak lang ai hpe mung, n galaw ging ai bungli re nga myen salang ni jahpyak nga ma ai. Tara nshang ai, tara nlang ai majan gaw hkrat sum chyalu sha rai nga ai. Dai majaw myu tsaw share shagan ni yawng n'gun dating, myit nden shaja nna, ntara ai hpen ni hpe dang hkra shakut gasat nga ga. Karai anhte maga de lawm nga ai.

Nadai lam ni hte seng nna daini Rap Daw kaw lawm nga ai Jinghpaw kasa ni hpa rai zim nga ma ta? Hpung woi ni a mying dut sha nna kan wang sha na sha chye mat sai i? Tinang a majaw dinghku nta masha, tinang hte seng ai ni hpe myi man shaka ya ai lam re hpe n dum mat sai i? Karai Kasang a masha ni hpe dut sha ai wa nang, myen myi man hpe sha yu nna Karai Kasang hpe nhkrit ai i?

Aung San Kaw mung hpa rai zim nga a ta? Tein Sein hte hpa baw jahkrup hkat ma ai kun? Lama mi pawng sha hkyen ai rai kun? Hpa rai shi a bawng masha ni lawt na chyu sha tsun nga nna, Jinghpaw ni hkrum hkra nga ai hpe nchye ai zawn nga nga ai rai? Hpen yen ni hpe kade lang yu garum sani? Myen gaw myen sha rai nga ai nrai ni? RFA san htai ni hpa rai zim nga ma ta? Myen ni nau sum wa ai majaw n wam san mat sai i? Myen maga tsap ai i? Kaning re media rai kun?

Hkring sa mat sai myen du kaba langai tsun ai, " dai ni nanhte Jinghpaw ni hkrat sum ai lam gaw myit nhkrum ai lam re" nga ai. Shi matut tsun ai hta " nanhte a kata na ni sha nanhte a kata lam ni hpe anhte hpe tsun dan ai re" nga ai.

Dai lam ni gaw teng sha byin nga ai re. Lai sai ten, "Galoi mi she" sumla hkrung manghkang byin ai shaloi mung myen ni hpa pyi nchye ai, myen ni a labu matu kaw kap sha nga ai Jinghpaw Slg...... wa kawn chye wa ai sha re.

Nawku hpung kata hpung sara ni kaning re tara hkaw ai lam ni, myen kawa ni hpe shi htaw ai mung anhte a kata kaw na sha rai nga ai. Hpu nau wa nang dai zawn galaw nna kan kade hkru sata? Na a nta masha ni, nanag hte seng ai amyu ru sai ni kade wa bawng ring wa nga a ta? Tinang amyu hpe dut sha ai wa, nang hpe Myen ni kade daram wa kam nga ma ta? Nang yup pyaw sha mu rai nga ai i?

Lahkam mi re kan a matu na a dinghku, na a kasha ni a labau ntsawm hkra hpa rai dai zawn mana bu ai, nmyit yu ai bungli galaw nga nta? Myen shat hta lai nna, kaga lu hsa nchye tam sha mat sani?

Rap daw kaw lawm nga ai ni, tinang amyu a matu hpa n lu galaw na rai yang, rap daw kaw na lawan ai hku pru mat yang grau kaja nhten?

Hpang rai nhkrat ai.

Labau tsawm nga u ga!

MATUT HTI NA »

GARA YANG DE MYEN BAI HTU

October (31) bat Langai,
Wunpawng Mungdan Shanglawt Asuya a KIA myu tsaw share shagan ni hte Ntap Bum kaw du nga ai myen tai hpyen ni gasat ai hta myen maga de na nau hkrat sum wa ai majaw ya ten myen tai hpyen ni gaw Ntap Bum kaw na si, hkala law law hte bai htingnut mat wa sai lam shiga na chye lu ai.
Gara Yang de mung myen n gun ni bai jat lung wa nna, mare kata de lak nak kaba ni hte gap sharu bun nga ai lam shiga na chye lu ai.
ကခ်င္ျပည္နယ္ ေကအုိင္ေအ အစုိးရႏွင့္ ဗမာစစ္အစုိးရ စစ္တပ္တုိ႕ အင္သပ္ဘြမ္တုိက္ပြဲတြင္ ဗမာစစ္တပ္ဘက္မွ ေသဆံုး ဒဏ္ရာရွိမွဳ မ်ားျပားလာေသာေၾကာင့္ ဗမာစစ္တပ္မ်ား အင္သပ္ဘြမ္မွ ျပန္လည္းတပ္ဆုတ္သြားျပီးျဖစ္ေၾကာင္း သတင္းရရွိပါသည္။

ဗမာစစ္တပ္မ်ား ဂါးရာယန္ ဘက္တြင္ စစ္အင္အားမ်ားထပ္မံတုိ႕ခ်ဲ႕လာျပီး လူေနရြာမ်ားသုိ႕ လက္နက္ၾကီးမ်ားျဖင့္ ပစ္ခတ္ေနေၾကာင္း သတင္းရရွိပါသည္။

MATUT HTI NA »

MARE DE SHANG HTIM GASAT

October (31) bat Langai,
Wunpawng Mungdan Shanglawt Asuya Dap Ba (3) n pu na KIA myu tsaw share shagan ni gaw, mani October (30) ya shana maga hkying (7:00) ten ram hta Manmaw N Mawk hte Hkawan Bang mare sa lam hte Hkawan Bang e du nga ai myen asuya a hpyen dap ni hpe sa htim gasat lai wa sai lam shiga na chye lu ai. Myen asuya hpyen hpung ni Sinlum lam, Lawdan lam, Lawdan Krung de nau htu sadut lung wa ai majaw ya na zawn myen a hpang lam, Mare de shang gasat ra ai re lam hpe na chye lu ai. Myen maga na gade hkrat sum ai lam hpe hkrak n chye lu ai, tinang KIA maga na gaw hpa n ra ai lam shiga na chye lu ai.

MATUT HTI NA »

MYEN HPYEN NI CHEMICAL WEAPON HTE SHANGLAWT HPE GASAT (Burmese Military uses Weapons Of Mass Destruction against KIA Soldiers)

October (30) Laban,

Wunpawng Mungdan Shanglawt Asuya hte(6) ya tup gap hkat ai Ga Ra yang, Shwi Nyawngpin Lung Zep kadawng majan hta myen Asuya hpyen dap hpyen hpung ni gaw hkrat sum ai nau law wa ai majaw Mungkan Ninggawn rap daw kaw na pat tawn da ai Dadu lak nak (chemical weapon) ni hte KIA hpyen hpung ni hpe gap bun ai lam na chye lu ai, myen a prat dep hpuntang (shingchyai) laknak nsa marawp hkrup ai tinang KIA hpyemnla marai 10 daram gaw baw sin, matut manoi madawn ai hte kya gumhpap mat nna nmai gasat mat ai lam na chye lu ai.

Bai, mani Oct. 29 bat kru ya Laiza hte nau ntsan ai Ntap Bum gasat poi hta mung myen hpyen ni gaw shanhte dap ni nau si hkala wa ai majaw Dadu (shingchyai) laknak (chemical weapon) ni hte KIA hpyen hpung ni hpe gap bun ai majaw KIA myu tsaw hpeynla marai 4 daram gaw matut gap nmai hkum ting kya gumhpap mat ai the madawn hkrai madawn rai byin ai lam tatut majan shang nga ai shawng lam ginra de na ni shana wa ai.

Gara hpan ganing re laknak re hpe hkrak nchye tim dai gaw prat dep hpuntang laknak (Chemical Weapon) re hpe asan sha dan dawng nga sai lam hkrum katut ai ni sakse hkam dat wa ai. Ndai zawn n-tara ai ladat hte UN mungkan rapdaw a hpyen ritkawp tara hpe tawt lai ai myen Asuya hpyen dap ni hpe mungkan rapdaw UN kaw na mung, mungkan mungdan shara shagu na ni mung jawm ninghkam mara shagun ra nga sai ngu mu mada ai.

CHEMICAL WARFARE

The Kachin Independence Army has been defending against the offensive Burmese military in the areas of Ga Ra Yang and Shwi Nyawngpin Lung Zep village for 6 days now. During the six days of fighting, casualties and death tolls of the Burmese military arose as now they ended up using Chemical weapon against the KIA soldiers. 10 of the KIA soldiers had incapacitated as being exposed to the chemical weapon by inhaling the lethal airborne agent which caused them dizziness, vomiting continuously and weakened.

Again, yesterday on Oct.29, Saturday, many Burmese soldiers were killed in the battle zone at the Ntap Bum village (a strategic location of KIA) not very far from the KIA head quarter in Laiza. 4 KIA militias were gassed and incapacitated by the lethal chemical weapon of the offensive Burmese military.

Although what kind of chemical weapon exactly used is not yet known, but the lethal agent of chemical weapon affects the KIA soldiers severely. It is a crystal clear-cut indication that the Burmese military really possesses the Weapons of Mass Destruction and showing off these weapons of massive destructive power to the whole world in this renewed civil war. Burma is the signatory of the Chemical Weapon Convention but has not ratified the treaty yet as of today. The United Nations, The Organisation for the Prohibition of Chemical Weapons (OPCW), and the International Communities must condemn and ban the uses of the chemical weapon by the offensive Burmese military against the KIA.

MATUT HTI NA »

N TAP BUM KAW LAJA LANA GAP GASAT NGA

October (29) bat Kru,

Wunpawng Mungdan Shanglawt Asuya a KIA myu tsaw share shagan ni hte Mung Shawa Hpyen Hpung (MHH) ni gaw ya ten N Tap Bum kaw myen tai hpyen ni hte laja lana gap gasat nga ma ai lam shiga na chye lu ai. Myen tai hpyen ni N Tap Bum de du lung wa ai majaw KIA myu tsaw share shagan ni hte Mung Shawa Hpyen Hpung (MHH) ni jawm wang matep nna myen tai hpyen ni hpe n sim n sa htim gasat shamyit nga ai re lam na chye lu ai. N Tap Bum gaw Myitkyina Manmaw lam makau, Na Lung hte Hka Ya mare lapran kaw rai nna KIO Ginjaw Laiza hte nau n tsan ai re majaw, hpyen masa hku grai ahkyak ai share re majaw dai bum hpe n mai tat kau ai lam, tat kau ai rai yang Ginjaw Laiza shim lam a matu tsang ra ai lam shawng lam shiga lawk kaw na Jinghpaw Kasa de tsun shana wa ai.

Dai majaw Wunpawng Myusha ni yawng ya yawng ya yang myen tai hpyen ni hte gasat nga ai KIA myu tsaw share shagan ni a matu ja ja a kyu hpyi garum ya ga ngu saw lajin dat lu n ngai.

ကခ်င္ျပည္နယ္ ျမစ္ၾကီးနား ဗန္းေမာ္လမ္းပုိင္း နားလံုးႏွင့္ ခယာေက်းရြားၾကာရွိ အင္သပ္ဘြမ္သုိ႕ ထုိးစစ္ဆင္လာေသာ ဗမာစစ္အစုိးရ စစ္တပ္ကုိ ေကအုိင္ေအ မ်ိဳးခ်စ္ရဲေဘာ္မ်ားႏွင့္ ျပည္သူ႕စစ္မ်ားက ၀ုိင္း၀န္း ပိတ္ဆုိ႕ကာ အျပင္းအထန္ပစ္ခတ္ တုိက္ခုိက္ေနေၾကာင္း သတင္းရရွီပါသည္။

MATUT HTI NA »

N-TAP BUM KAW (2) YA NGU NA GAP [Shooting at N-TAP hill]

October (29) bat Kru,

Jinghpaw Mung Myitkyina Manmaw lam, Laiza makau Na Lung mare hte Hka Ya mare lapran na Ntap Bum kaw Wunpawng Mungdan Shanglawt Asuya a Mung Shawa Hpyen Hpung (MHH) ni hte myen tai hpyen ni dai hpawt kaw na (2) ya ngu na majan hpe matut manoi gap nga ai lam shiga na chye lu ai.

ကခ်င္ျပည္နယ္ ျမစ္ၾကီးနား ဗန္းေမာ္လမ္းပုိင္း နားလံုးရြာႏွင့္ ခယာရြားၾကား ရွိ အင္သပ္ဘြမ္တြင္ေကအုိင္ေအ ျပည္သူ႕စစ္မ်ားႏွင့္ ဗမာစစ္အစုိးရ စစ္သားမ်ားႏွင့္ ဒုတိယေန႕အျဖစ္ ျပင္းထန္စြာ တုိက္ခိုက္ေနေၾကာင္း သတင္းရရွိပါသည္။

The fighting between KIA militia and the offensive Burmese military became very intense for two days now. The battle has been taken place at N-TAP hill located between Na Lung village and Hka Ya village on the Banmaw-Myitkyina high way.

MATUT HTI NA »

HKA WAN HKA HTE KAI HTUM HKA LAPRAN KAW GAP

October (29) bat Kru,

Wunpawng Mungdan Shanglawt Asuya a Dap Ba (5) n pu Dung (3) na KIA myu tsaw share shagan ni hte Myitkyina Manmaw lam Ga Ra Yang mare lawu Hka Wan Hka hte Kai Htum Hka lapran kaw du nga ai myen asuya a hpyen dap hka-ma-ya (390), (389) ni laja lana gap hkat hpang wa sai lam shiga na chye lu ai.

ကခ်င္ျပည္နယ္ ျမစ္ၾကီးနား ဗန္းေမာ္လမ္းပုိင္း ဂါးရာယန္ေအာက္ဘက္ ခ၀မ္ေခ်ာင္းႏွင့္ ကုိင္ထြမ့္ေခ်ာင္းၾကားတြင္ ေကအုိင္ေအ တပ္မဟာ (၅) လက္ေအာက္ တပ္ရင္း (၃) မွ ေကအုိင္ေအ မ်ိဳးခ်စ္ရဲေဘာ္မ်ားႏွင့္ ဗမာအစုိးရစစ္တပ္ ခမရ (၃၉၀)၊ (၃၈၉) တုိ႕ ဒီေန႕ကစျပီး တုိက္ပြဲမ်ားျပင္းထန္စြာ ျဖစ္ပြားေနျပီ ျဖစ္ေၾကာင္း သတင္းရရွိပါသည္။

MATUT HTI NA »

N DUNG DABANG KAW GAP NGA

October (29) bat Kru
Wunpawng Mungdan Shanglawt Asuya a Dap Ba (5) npu Dung (24) hte (27) ginrai rai nga ai Myitkyina Manmaw lam, Dawhpum Yang, Dingga Mare makau Ndung Dabang kaw KIA myu tsaw share shagan ni hte myen tai hpyen ni dai hpawt hkying (7) ten ram kaw na ya ten du hkra matut manoi gap gasat nga ai lam shiga na chye lu ai. Myen tai hpyen ni gaw Hangkai Bum kaw na myawk kaba ni hte gap sharu bun nga ai lam hpe mung na chye lu ai.
ကခ်င္ျပည္နယ္ ျမစ္ၾကီးနား ဗန္းေမာ္လမ္းပုိင္း ေဒါ့ဖုန္းယန္ျမိဳ႕နယ္ ဒိန္ဂါ အနီး အင္ဒုန္ဒဘန္တြင္ ေကအုိင္ေအ တပ္ရင္း (၂၄) (၂၇) မွ မ်ိဳးခ်စ္ရဲေဘာ္မ်ားႏွင့္ ဗမာအစုိးရစစ္တပ္တုိ႕ ဒီမနက္ (၇) နာရီေလာက္မွ စတင္ျပီး ျပင္းထန္စြာတုိက္ခုိက္ေနေၾကာင္း သတင္းရရွိပါသည္။ ဗမာအစုိးရစစ္တပ္က ဟန္းကုိင္ေတာင္မွ အေျမာက္ၾကီးမ်ား ႏွင့္ အဆက္မျပတ္ပစ္ခတ္ေနေၾကာင္း သတင္းရရွိပါသည္။

MATUT HTI NA »

SENG MAI MARE KAW GAP NGA

October (29) bat Kru,
Wunpawng Mungdan Shanglawt Asuya a KIA myu tsaw share shagan ni gaw myen tai hpyen ni hpe Seng Mai mare kaw wang tawn da nna gap nga ai lam shiga na chye lu ai.
ကခ်င္ျပည္နယ္ ျမစ္ၾကီးနား ဗန္းေမာ္လမ္းပုိင္း ဆုိင္းမုိင္ေက်းရြာတြင္ ေကအုိင္ေအမ်ိဳးခ်စ္ရဲေဘာ္မ်ားမွ ဗမာအစုိးရစစ္တပ္ကုိ ၀ုိင္း၀န္းပိတ္ဆုိ႕ထားျပီး ပစ္ခတ္ေနေၾကာင္းသတင္းရရွိပါသည္။

MATUT HTI NA »

MYEN A TANK MAWDAW MANMAW DE DU

October (29) bat Kru,
Jinghpaw Mung, Manmaw mare na hka sanghpaw daru de myen asuya ai majan kaba hta lang ai Tank mawdaw (chain hte re) (3) mana de shanghpaw hte du shang wa sai lam shia na chye lu ai.
ကခ်င္ျပည္နယ္ ဗန္းေမာ္ သေဘာၤဆိပ္သုိ႕ မေန႕ကညေနပုိင္းတြင္ ဗမာစစ္အစုိးရ၏ စစ္သံုး တင့္ကား (၃) စီး သေဘာၤျဖင့္ ေရာက္ရွိလာျပီျဖစ္ေၾကာင္း သတင္းရရွိပါသည္။

MATUT HTI NA »

MYEN HKAM AI BAWM MUNG SHAWA KATUT

October (28) bat Manga

N Mawk Loi Je lam, Hkawan Bang Mare Dagaw lam numshe kaw dai ni hkying (12) ram hta myen tai hpyen ni hkam tawn ai bawm gabye hkrup nna Shd. Brang Di kalang ta asak sum mat sai lam hte Shd. Lahtaw Zau Li gaw hkala kaba hkrum lai wa sai lam shiga na chye lu ai. Hkala hkrum ai Shd. Lahtaw Zau Li gaw ya ten N Mawk tsi rung kaw tsi tsi hkam la nga ai lam buga masha ni kawn shiga shana wa ai.

ကခ်င္ျပည္နယ္ မုိးေမာက္ လြယ္ဂ်ယ္လမ္း ခ၀မ္ဘန္ ေက်းရြာ မွ ဒေဂၚသြားရာလမ္းဆံုတြင္ ဗမာစစ္တပ္မွ ေထာင္ထားေသာ မုိင္းကုိနင္းမိ၍ ေမာင္ဘရန္းဒီ ပြဲခ်င္းျပီး ေသးဆံုးသြားေၾကာင္းႏွင့္ ေမာင္လေထာ္ေဇာ္လီမွာ ျပင္းထန္စြာဒဏ္ရာရရွိ၍ ယခု မုိးေမာက္ ေဆးရံုတြင္ ေဆးကုသခံယူေနေၾကာင္း သတင္းရရွိပါသည္။

MATUT HTI NA »

DUM BUNG DABANG MYEN DAP HPE MHH NI LUNG ZING

October (28) bat Manga,

Wunpawng Mungdan Shanglawt Asuya a Du Kaba Na Pa woi awn ai Mung Shawan Hpyen Hpung (MHH) ni gaw Laiza Ginjaw hte Mai Ja Yang sa lam lapran na myen tai hpyen ni a Dum Bung Dabang dai ni lung zing madu la sai lam shiga na chye lu ai.

ေကအုိင္ေအဌာနခ်ဳပ္ လုိင္ဇာ ႏွင့္ မုိင္ဂ်ာယန္ ၾကား ဒြမ္ဘြန္းဒဘန္ရွိ ဗမာစစ္အစုိးရတပ္စခန္းကုိ ေကအုိင္ေအ ဗုိလ္ၾကီး နာပါ ဦးေဆာင္ေသာ အရပ္ဘက္စစ္သားမ်ားမွ ယေန႕ သိမ္းပုိက္လုိက္ႏုိင္ျပီျဖစ္ေၾကာင္း သတင္းရရွိပါသည္။

MATUT HTI NA »

MYEN HPYEN DU (10) HPE MANMAW HTAWNG HTA RIM BANG

October (28) bat Manga

Wunpawng Mungdan Shanglawt Asuya hte gasat ai hta Manmaw Loi Je lam mayan na myen hpyen du ni marai (10) hpe mani October (27) ya shani Manmaw htawng de rim bang kau sai lam shiga na chye lu ai. N dai zawn myen hpyen du ni hpe htawng de rim bang ai lam gaw myen hpyen hpung ni kawn Sinlum lam de n lu htu lung wa ai majaw re lam shiga na chye lu ai.

ေအာက္တုိဘာ (၂၇) ရက္ေန႕၌ ဗန္းေမာ္ လြယ္ဂ်ယ္ လမ္းပုိင္းတြင္ တာ၀န္က်ေသာ ဗမာအစိုးရ စစ္ဗိုလ္ (၁၀) ဦးကုိ ဗန္းေမာ္ေထာင္တြင္ဖမ္းဆီး ထားလုိက္ေၾကာင္း သတင္းရရွိပါသည္။ ဤသုိ႕ ေရွ႕တန္းမွ စစ္ဗိုလ္မ်ားကုိ ဖမ္းဆီး ရျခင္းမွာ ေကအုိင္ေအ ထိန္းခ်ဳပ္ရာ စိန္လံု ဘက္သုိ႕ မထုိးေဖာက္ႏုိင္ေသာေၾကာင့္ ျဖစ္ေၾကာင္း သတင္းၾကားသိရပါသည္။

MATUT HTI NA »

OPEN LETTER TO AUNG SAN SUU KYI

MATUT HTI NA »

LUNG ZEP KADAWNG NA MYEN HPYEN NI HTINGNUT

October (28) bat Manga,
Wunpawng Mungdan Shanglawt Asuya a KIA Share shagan ni hte myen tai hpyen ni Lung Zep Kadawng kaw gap gasat ai hta myen de na hkrat sum ai lam grai law wa ai majaw myen tai hpyen ni bai htingnut mat wa sai lam shiga na chye lu ai. N dai majan hta myen de na marai (20) ram hkrat sum nna, marai (60) ram hkala lai wa sai hpe na chye lu ai.
Dai hte maren Hkawan Bang (Kyauk Sahkan) kaw mung myen ni nau hkrat sum wa ai majaw ya ten htu gasat ai lam hpe jahkring da ai lam shiga na chye lu ai.
ကခ်င္ျပည္နယ္ ျမစ္ၾကီးနား ဗန္းေမာ္လမ္းပုိင္း လံုဇပ္ေတာင္တြင္ ေကအုိင္ေအ မ်ိဳးခ်စ္ရဲေဘာ္မ်ားႏွင့္ ဗမာစစ္တပ္တုိ႕ ၾကားတုိက္ပြဲျဖစ္ပြားရာ ဗမာစစ္တပ္ဘက္မွ အက်အဆံုးမ်ားျပာလာမွဳေၾကာင့္ ဗမာစစ္တပ္မွာ တပ္ဆုတ္သြားျပီးျဖစ္ေၾကာင္း သတင္းရရွိပါသည္။ ဤစစ္ပြဲတြက္ ဗမာစစ္အစုိးရဘက္မွ စစ္သား (၂၀) ခန္႕က်ရွံုးျပီး (၆၀) ခန္႕ ဒဏ္ရာရရွိေၾကာင္း သတင္းရရွိပါသည္။
ထုိ႕အတူ ဗန္းေမာ္ လြယ္ဂ်ယ္ လမ္းပုိင္း ေက်ာက္စခန္း တုိက္ပြဲတြင္လည္း ဗမာစစ္တပ္ဘက္မွ အက်အဆံုးမ်ားလာ၍ ယခုအခါ ဗမာစစ္တပ္ဘက္မွ ထုိးစစ္ဆင္မွဳကုိ ရပ္ဆုိင္း ထားေၾကာင္း သတင္းရရွိပါသည္။

MATUT HTI NA »

NA LUNG MARE KAW GAP NGA

October (28) bat Manga,

Wunpawng Mungdan Shanglawt Asuya a KIA myu tsaw share shanggan ni hte Mung Shawa Hpyen Hpung (MHH) ni jawm pawng nna Laiza lawu Na Lung mare makau na Ntap Bum lawgaw de htu lung wa ai myen asuya hpyen hpung ni hte dai hpawt kaw na laja lana gap gasat nga ai lam shiga na chye lu ai. Kata lam shiga hpe hkrak rai n chye lu ai.

ကခ်င္ျပည္နယ္ ျမစ္ၾကီးနား ဗန္းေမာ္ လမ္းပုိင္း နားလံုးအနီး အင္သပ္ေတာင္ေျခသုိ႕ ထုိးတက္လာေသာ ဗမာစစ္အစုိးရ စစ္တပ္ကုိ ေကအုိင္ေအ မ်ိဳးခ်စ္တပ္သားမ်ားႏွင့္ အရပ္ဘက္စစ္သားမ်ားပူေပါင္းျပီး ယေနတုိက္ခုိက္ ခဲ့ေၾကာင္းသတင္းရရွိပါသည္။

MATUT HTI NA »

NDUNG DABANG KAW LAJA LANA GAP NGA

October (28) bat Manga,
Wunpawng Mungdan Shanglawt Asuya, Daw Hpunm Yang Ninghtawn rai nga ai Dingga Mare hte Ndung Dabang kaw Dap Ba (5) n pu Dap Dung (24) na KIA myu tsaw sharen shagan ni hte Mung Shawa Hpyen Hpung (MHH) ni gaw myen asuya a Dawhpum Yang daju hka-la-ya (142) ni hte ya yang laja lana gap gasat nga ai lam shiga na chye lu ai. Myen tai hpyen ni gaw Daw Hpum Yang dap Hangkai bum kaw na Hkala Dingga, Ndung Dabang majan byin nga ai maga de (120mm) lak nak kaba ni hte gap sharu bun nga ai lam hpe mung na chye lu ai.

ေအာက္တုိဘာ (၂၈)ရက္ေနတြင္ ျမစ္ၾကီးနား ဗန္းေမာ္လမ္းပုိင္း ေဒါ့ဖုန္းယန္ျမိဳ႕နယ္ ဒိန္ဂါရြာ ႏွင့္ အင္ဒုန္ဒဘန္ရြာတုိ႕တြင္ ေကအုိင္ေအ မ်ိဳးခ်စ္ရဲေဘာ္မ်ားက အရက္ဘက္စစ္သည္မ်ားႏွင့္ပူးေပါင္းကာ ေဒါ့ဖုန္းယန္ အေျခစုိက္ ဗမာစစ္တပ္ ခလရ (၁၄၂) ႏွင့္ အျပင္းအထန္း တုိက္ခုိက္ေနေၾကာင္း သတင္းရရွိပါသည္။ ဗမာစစ္တပ္ ဘက္မွ ေဒါ့ဖုန္းရြာ အနီး ဟန္ကုိင္ စခန္းမွ တုိက္ပြဲျဖစ္ပြားရာ ခလားဒိန္ဂါ၊ အင္ဒုန္ဒဘန္ ဘက္သုိ႕ (၁၂၀မမ) လက္နက္ၾကီးမ်ားႏွင့္ အဆက္မျပတ္ပစ္ခတ္ေနေၾကာင္း သတင္းရရွိပါသည္။

MATUT HTI NA »

MIWA GA NA JINGHPAW NI HPYEN YEN NI HPE GARUM LA

October (27) bat Mali

Wunpawng Mungdan Shanglawt Asuya Ginjaw Laiza makau Je Yang Hka Hpyen yen dabang kaba de Miwa Gumsan mungdan, Ying Jang mare kaw na Hpunau Jinghpaw myitsu Kanu Kawa, Hpung woi ni hte hpung masha ni sa gawan nna n-gu buri buk (200) hpe dai ni sadu garum ap ya lai wa sai lam hpe na chye lu ai.

ေအာက္တုိဘာ (၂၇) ရက္ေနတြင္ ယခုလက္ရွိတြင္ ေကအုိင္ေအ အစုိးရႏွင့္ ဗမာစစ္အစုိးၾကား ျဖစ္ပြားေနေသာ စစ္ပြဲမ်ားေၾကာင့္ လုိင္ဇာ စစ္ေဘးဒုကၡသည္စခန္းတြင္ေရာက္ရွိေနေသာ စစ္ေဘးေရွာင္ျပည္သူမ်ားအတြက္ တရုတ္ျပည္ ယင္က်န္းရွိ ကခ်င္လူမ်ိဳးမ်ားမွ ဆန္အိတ္ (၂၀၀) လာေရာက္လူဒါန္းသြားေၾကာင္း သတိင္းရရွိပါသည္။

MATUT HTI NA »

MATUT MANOI GAP GASAT NGA

October (27) bat Mali,

Wunpawng Mungdan Shanglawt Asuya, Dung (3) ginra rai nga ai Gara Yang lawu, Lung Zep kadawng hte Gandau Yang makau, Seng Mai mare ni hta KIA myu tsaw hpyen hpung ni hte myen tai hpyen ni gasat lai wa sai lam shiga na chye lu ai.

Laiza Ginjaw makau Dung (24) shara Ndung Dabang kaw lu sha wa sa ai myen hpyen ni hpe KIA myutsaw hpyen la ni hte Mung Shawa Hpyen Hpung (MHH) ni pawng nna hkap gap ai lam hpe mung na chye lu ai.

Dai ni na n htoi sha, Galang Ja Pa kaw mung Masat (5) Dap Ba npu na KIA myu tsaw hpyen hpung ni hte myen asuya hpyen dap ni gaw masum ya ngu na majan hpe matut manoi gap hkat nga ai lam shiga na chye lu ai.

ေကအုိင္ေအ အစုိးရ၏ တပ္ရင္း (၃) နယ္ေျမျဖစ္ေသာ ဂါးရာယန္အနီး လံုးဇက္ပ္ဂေဒါင္ ၊ ဂန္ေဒါင္ယန္ ႏွင္ ဆုိင္းမုိင္ရြာသုိ႕တြင္ ယေန႕ေကအုိင္ေအ မ်ိဳးခ်စ္ရဲေဘာ္မွာႏွင့္ ဗမာအစုိးရ စစ္တပ္တုိ႕ တုိက္ပြဲမ်ားျဖစ္ပြားခဲ့ေၾကာင္း သတင္းရရွိပါသည္။

ထုိ႕အတူ ဗမာစစ္အစုိးရဘက္မွာ ရိကၡာလာပုိ႕ေသာ စစ္ေၾကာင္းႏွင့္ ေကအုိင္ေအ တပ္ရင္း (၂၄) မွ မ်ိဳးခ်စ္ရဲေဘာ္မ်ားႏွင့္ အင္ဒုန္ဒဘန္ တြင္တုိက္ပြဲျဖစ္ပြားခဲ့ေၾကာင္းလည္း သိရွိရပါသည္။

တဆက္တည္းမွာ ေကအိုင္ေအ တပ္မဟာ (၅) မွ ေကအုိင္ေအ မ်ိဳးခ်စ္ရဲေဘာ္မ်ားႏွင့္ ဗမာစစ္တပ္တုိ႕ ဂလန္ဂ်ာပါ တြင္ တုိက္ခုိက္ခဲ့ေၾကာင္း သတင္းရရွိပါသည္။

MATUT HTI NA »

MYEN TATYINMU HTE LAW LAW HKALA

October (27) bat Mali

Wunpawng Mungdan Shanglawt Asuya hte myen tai hpyen ni Manmaw Lawdan Krung majan kaw ya hte gasat ai hta myen dap hka-ma-ya (601) kaw na Dap Up (tatyinmu), tau dap up (du taikyinmu), gyi jum hte hpyen ma 30 jan hkala hkrum ai lam na chye lu ai.

MATUT HTI NA »

CHYAIHKU SAKSE (BC. 300 ~ 200)

Oh… goi ya daini…..

Shinggyim mungkan pin-ra

N tsawm dik la maka,

Mungkan labau lungpa

Top ( 1 ) hta grau Myanmar,

Shinggyim ahkaw ahkang kata

Hkristu tsaw myit bala,

Yubak shingnoi htingga

Dubawng tauba pyet hkra,

Hkanghkyi Rawngba myit masa

Sagu la hpyi hpun asuya.

Goi law…..

Amyu kaji Taiyinta

Mungchying amyu sha yawng hkra,

Shinglet balen latsa

Sai lam achye mya mya,

Tara rap-ra n nga

Sat nat roi rip hkrum sha,

Wenyi majan pin-ra

Myu htum masing kaba,

Nawng hkyeng panglai kata

Nyep myiprwi si deng latsa.

Aga…..

Mungchying Nammukdara

Prat pra hkaleng latsa,

Sumsing hkuwawt chyinghka

Madu chyan yu kahpra,

Kraw sung sin dai pala

Wan hkat ningwu chyu mya,

Pungkum myiprwi ra ra

Madai ka-ak hkrap Wa,

Nammukdara grau hkra

Goi sha kaning di sana.

Oh…..

Wunpawng mungkan chyam hkra

Madu hta langai chyu sha,

Jaw prat shawng lam gam maka

Padang ninglaw chyinghka,

Myen hpyi tai hpyen amyu sha

Myit malai hpang hkrat ngam na,

Shada gawmai gawsha

Kraw dung myiprwi sai ga,

Myu tsaw mung tsaw myit masa

Daini dumhprang yawng hkra.

Jiwoi Jiwa Majoi Shing-ra

Nang shoi nang sha ga n kra,

Pu gang sin dun nau pa pa

Sin hpraw salum gumdin kaba,

Nga pra maden yu hkrat wa

Chyaihku sakse shadaw lungpa,

Rawt malan majan hkrun lam kaba

Chyaihku lungpa yawng hpai ra,

Myit hkrum panglai htawk dang na

Wunpawng Mungdan gaw de ga.

Bumwa Hkri Ma

Fuji Majoi, Japan.

27.10.2011 ( Bat mali ya ).

MATUT HTI NA »

HUGAWNG PA HTA

MATUT HTI NA »

KIO MASAT NINGHTOI LAMANG CHYEJU DUM MASAT MASA LAIKA

Shawng n-nan myu wunpawng shani hte wunpawng mungdan hpe hpan da ya n-na, KIO hpe jaw ya ai Karai wa a chyeju hpe shakawn ga ai. Bai n-dai lamang byin tai awng dang wa lu hkra myit marai, a tsam, hpaji, ja gum hpraw, shiga htawn htinglet ya lam ni, n-gun lagaw dat let myu tsaw myit majing hte shakut shaja lawm ai hkungga tsawra ai myit su kanu kawa ni hte myitrum manang ni yawng hpe grai chyeju dum ai lam masat shagrau ga ai rai. Matut n-na aten ahkying ahkaw ahkang jaw let sa du shanglawm ai ni, sumtsan kawn n-gun jaw ga email, phone hte matut mahkai ai ni, grau n-na, KIO mungga shagun ya ai KIO ginjaw komiti hte rung mu gun masha ni yawng hpe nachying wa chyeju dum sai rai. Ya shawnglam de galaw sa wa na lamang ni hta mung mungdan magam lit hpe rau matut shanglawm gun hpai sa wa ga, labau hpe manu shadan matsing sumhting let, labau hta hkai lawm hkrum ai ni hte labau shang bungli gun hpai ai ni jawm tai shajang ga ngu n-na kahtap shatsam ga saw dat ga ai.

Grai chyeju dumlet,
KIO masat ninghtoi lamang shabyin shatai komiti

MATUT HTI NA »

HKA-LA-YA (47) TAT-YIN-MU HPE HTAWNG BANG DA

October (26) bat Masum,

Wunpawng Mungdan Shanglawt Asuya, Manmaw Ginwang, Law Dan krung de KIA myu tsaw share shagan ni hte gasat ai Manmaw daju myen hpyen dap hka-la-ya (47) ni gaw hkrat, hkala ai nau law wa ai majaw lahta na Order hpe lale nna October (25) ya shani shawng lam kaw na htingnut mat wa sai lam shiga na chye lu ai. Hka-la-ya (47) a tat-yin-mu hte hpyen du (3) hpe ya ten myen asuya kawn htawng hta rim bang da sai lam shiga na chye lu ai.

MATUT HTI NA »

GALANG JA PA KAW GAP

October (26) bat Masum,

Jinghpaw Mung Myitkyina Manmaw, Galang Ja Pa de Mali hka hku lung wa ai myen hpyen hpung langai hte KIA myu tsaw share shagan ni dai ni tup laja lana gap hkat wa sai lam shiga na chye lu ai. N dai zawn gap hkat ai lam hta lahkawng maga na hkrat sum ai lam hpe rai n chye lu ai.

MATUT HTI NA »

MYEN HPYEN NI SENG MAI MARE MASHA NI HPE MATUT ZINGRI

October (26) bat Masum,

Wunpawng Mungdan Myitkyina Manmaw lapran, Nam San Yang mare kaw myen hpyen dap hka-la ya (121) hte (348) hpe pawng hpawn da ai myen asuya hpyen hpung ni gaw mara kata sat, nat, mya sha kau da nna bai hting nut mat wa ai gaw Gan Dau Yang a sinna maga deng (10) jan tsan ai Seng Mai mare de a ga jawng sha bai du pru wa ai lam shiga na chye lu ai. Seng Mai Mare na mare masha ni hpe mung hkrup mara hkan gap ai majaw mare masha ni gaw hkum gaman hkrup ai mi rai asak hpe gashun nna hprawng mat wa ra ai lam na chye lu ai. N dai zawn myen ni shachyut gap ai kaw Slg. Sumlut Tu hte madu jan mung hprawng lawm ai lam, madu jan gaw n lu lagat mat ai majaw tat kau da ra ai lam hpe Slg. Sumlut Tu hku nna tsun dan wa ai.

Ya ten myen atsuya a shawng lam na myen hpyen dap hpa awn ni gaw hpyen la ni hpe mu mamu nihpe gap na a hkaw a hkang (Free-frie-Authority) jaw da ai lam hpe na chye lu ai. Dai majaw majan pa de na mare masha ni hku nna galoi mung shiga ni hpe madat nna a tep tup sadi maja let nga sa nga ga, mai byin yang shim ai shara ni de tau hkrau gan koi yen nga ai gaw kaja dik re lam hpe mung hpaji jaw wa ai.

MATUT HTI NA »

MYEN NI NAM SAN YANG KAW N TA NAT

October (26) bat Masum,

Myitkyina Manmaw lam n tsa na Nam San Yang mare kaw myen tai hpyen ni gaw ya dai na de hkying (8) jan ram hta n ta 4, 5 hpe bai nat kau ya sai lam shiga na chye lu ai.

ကခ်င္ျပည္နယ္ ျမစ္ၾကီးးနား ဗန္းေမာ္လမ္း ရွိ နမ့္ဆန္ယန္ေက်းရြာတြင္ ဗမာစစ္တပ္မွ ျပည္သူမ်ားေနအိမ္ ၄၊ ၅ လံုးကုိ ဒီေန႔ညေန (၈) နာရီခန္႕တြင္မီးရွို႕ဖ်က္ဆီးလုိက္ေၾကာင္း သတင္းရရွိပါသည္။

MATUT HTI NA »

MYITKYINA MYEN HPYEN TSI RUNG KAW HKALA AI MASHA LAW

October (26) bat Masum

Jinghpaw Mung, Myitkyina daju Dingdung Ginwang daju myen dap kaba na hpyen tsi rung hta majan hta hkala ai hpyen ni nau law ai majaw, ya yang hpyen dap na myen hpyen du, hpyen jan ni gaw Mali Zup tsi gawk kaw she ma shangai ai lam ni sa galaw nga ai lam Mali Zup tsigawk hte ni htep ai ni kawn na chye lu ai.

MATUT HTI NA »

(101) ZAI LADAT DAP NI GAP

October (26) bat Masum,

Wunpawng Mungdan Shanglawt Asuya a Dingdung Ginwang Ginjaw, Dap Ba (1) a (101) Zai Ladat Dap ni kawn dai hpawt hkying (8) ten hta Sumpra Bum Mawdaw lam, Daru Hka mahkrai sin nga ai myen tai dap hka-la-ya (138) ni hpe sa htim gasat padang dip la lu sai lam shiga na chye lu ai. Padang dip la lu ai arung arai ni 1. Keenwood R/T ( 3 ),

2. Ga shaga jak kaba ( 1 ),

3. Sinat lau ( 3 ),

4. Pala ( 1000 ) jan,

5. Hpyen bawng ( 1 ) lu rim,

Tai Hpyen maga ( 1 ) hkala nna, tinang maga na hpa n ra ai sha bai nhtang wa sai lu sai lam shiga na chye lu ai.

MATUT HTI NA »

MYEN DAP LANGAI SHAWNG LAM KAW NA HTINGNUT

October (26) bat Masum,

Wunpawng Mungdan Shanglawt Asuya hte majan hpaw let gap gasat nga ai myen tai hpyen ni a hpyen hpung (tsit kyaung) langai mi gaw KIA myu tsaw share shagan ni hte gap gasat yang si na sha re, dai majaw si na malai htawng she wa rawng na re nga nna shawng lam kaw na hting nut mat wa ai lam shiga na chye lu ai. Gara maga na, dap gade ni re hpe gaw naw sagawn nga ai.

MATUT HTI NA »

MYEN HPYEN NI MANMAW SANGHPAW DARU DE DU

October (25) bat Lahkawng,

Wunpawng Mungdan Shanglawt Asuya hpe gasat shamyit na masing hte lawu myen mung de na myen hpyen la ni law law hpe dai na maga hkying (5) ten kaw Manmaw Sanghpaw daru de sanghpaw hte htaw shang wa sai lam, dai mung shawa hkring hte re hpyen la ni hpe sanghpaw daru kaw na hpyen mawdaw kaba (8) hte htaw la sai lam shiga na chye lu ai. KIO/KIA hpe shamyit na matu ya ten hpyen n bungli (10) mung jin jin di da sai lam myen hpyen dap hte ni gahtep ai ni kaw na shiga na chye lu ai.

MATUT HTI NA »

LAW DAN HKRUNG KAW GAP

October (25) bat Lahkawng,

Wunpawng Mungdan Shanglawt Asuya, Dap Ba (3) n pu na KIA myu tsaw hpyen hpung ni hte myen tai hpyen ni gaw N Mawk Loi Je sa lam Hkawan Bang lahta Law Dan Krung kaw dai hpawt (10) ten kaw na shana de maga hkying (4) jan ram du hkra laja lana gap hkat wa sai lam shiga na chye lu ai. Lahkawng maga na hkrat sum ai lam hpe gaw tup hkrak rai n chye lu shi ai. Myen tai hpyen ni gaw Hkawan Bang mare Nawku Jawng kawng kaw (120mm) myawk kaba ni shadun da let shawng lam de gap shingtau ya nga ai lam hpe mung na chye lu ai. Nawku ding shawn pi grai n shang shi ai Nawku Jawng nnan kaw mung kam mara rai shara la let sadu shanu nga ma ai lam hpe mung na chye lu ai.

MATUT HTI NA »

MUNG MASHA A RUNG RAI NI HPE MYEN HPYEN NI GASHUN LA

October (25) bat Lahkawng,

Wunpawng Mungdan Shanglawt Asuya hte myen asuya a lapran byin nga ai dinghku majan hta myen tai hpyen ni gaw mung shawa masha ni hpe sat zingri ai hte mung shawa masha a sutgan a rung a rai ni hpe mya lu mya sha ai lam ni tara shang galaw wa nga ai hpe na chye lu ai.

October 25 ya dai hpawt Manmaw de na masha njawn ai hpyen mawdaw kaba (10) tup gaw N Mawk Hkawan Bang de lung wa nna mare masha ni a dum nta ni hpe adup hpaw let shaw la da ai sutgan hte kaja ai arung arai ni, u,wa yamnga ni hpe htaw la mat wa ai lam buga masha tsun shana wa ai. Ndai zawn mung masha ni a sutgan arung arai ni hpe majoi mya lu mya sha ai lam hpe ya ten myen shawng lam dap awn ningbaw ni kaw na tara shang ahkang jaw da ai re lam hpe mung na chye lu ai. N dai zawn byin ai lam gaw, myen hpyenla ni majan nkam gasat wa ai majaw ahkaw ahkang ni jaw nna shalen da ai re lam chye lu ai. "Atsa e...gara hku tsun na pyi nchye mat sai, ndai gaw galoi prat kaw na yawbak gaw mai gaw sha wa rai kun i? Anhte hpe garum la na kadai nnga sai kun i..." nga nna hkrap n sen htet tsun dan wa ai.

MATUT HTI NA »

NAM SAN YANG MARE HPE MYEN NI N DAI ZAWN

MATUT HTI NA »

PAJAU GINJAW KAW KIO MASAT N HTOI GALAW

October (25) bat Lahkawng,
Wunpawng Mungdan Shanglawt Asuya KIO n htoi masat hpe Ginjaw Pajau Bum kaw mung galaw lai wa sai lam shiga na chye lu ai. Dai hpawt hkying (10) kawn (12) du hkra Pajau Bum Majoi Gawk Nu hta galaw ai KIO masat n htoi lamang hta Du Kaba Gum San Awng, Du Kaba U Di Awng hte Du Kaba Sai Tun ni sa du lawm ai hte shawa masha (169) sa du shang lawm lai wa sai lam shiga na chye lu ai. Ya ten hta KIO masat n htoi lamang hku nna Pajau Bum kaw Dinggai ni hte Dingla ni gawdin htawng shingjawng nga ma ai lam hpe mung na chye lu ai.

MATUT HTI NA »

KIO MASAT N HTOI GALAW

October (25) bat Lahkawng,
Wunpawng Mungdan Shanglawt Asuya KIO masat n htoi hpe Laiza Muklum, Lahta Tsang Jawng hte Woi Chyai Tsi Rung ni hkan galaw lai wa sai lam shiga na chye lu ai. Laiza Lahta Tsang Jawng kaw dai hpawt hkying (10) kawn (11:30) du hkra galaw ai hta KIO/KIA na myit su du salang ni hkrum hkrum ra ra sa du ai hte masha n gun (300) ram sa du shang lawm lai wa sai lam shiga na chye lu ai.

MATUT HTI NA »

MYEN NI ZINGRI SAT KAU AI U TIN WIN

MATUT HTI NA »

MYEN TAI HPYEN NI LAIZA DE MAN YAWNG

October (25) bat Lahkawng,
Wunpawng Mungdan Shanglawt Asuya hpe gasat shamyit na masing hte myen tai hpyen ni gaw mana maga kaw na Gara Yang makau Lung Kawng, Lwi Dwi sun mayan hta n gun kaba hte du taw nga sai lam shiga na chye lu ai. Myen tai hpyen ni gaw mawdaw lam hku nre sha Dabak Hka hku nna lai lung wa ai re lam, ya ten shara shagu na myen tai hpyen hpung ni gaw Laiza maga de man yawng lung wa nga sai lam, mana maga de mung m KIA myu tsaw hpyen hpung ni hte myen ni gap gasat ai lam byin wa sai lam shiga na chye lu ai.

MATUT HTI NA »

KIO N HTOI US KAW GALAW

Lai wa sai laban October 23,2011 ya shana maga de Allentown Pa, USA kaw myutsaw mungtsaw wunpawng sha ni marai 30 ram du zup let, KIO masat n-htoi lamang hpe ngwipyaw awngdang ai hte galaw la lu sa ga ai. Hpawng tingnyang-up hpe Shd.N-ka Zau Tawng, KIO ginjaw mungga hpe Slg.N-sang Gum San, Hkumtsup kyuhpyi hpe Slg.Hpauda tu, hpumdim hte lusha a matu Shy.Lahkyen Ja Seng Mai, ting se dum shapyaw ya ai hpe Slg.Labang Zung Chyang hte Shd.Govak Dau Ze, malu masha hpe Shd.Lasi Seng Awng kawn shadu kachyawng ya, masat masa sumla hpe Lahtaw Yawhan kayat ya rai shanglawm gunhpai lai wa sai. Lamang ngut ai hpang mung myu sha ni a shawnglam hte seng ai lam ni hpe ram ram ginlam hkum ai hku tsun jahta la lu ga ai.

MATUT HTI NA »

AKYU RAWNG AI

Shingra maka prat ladaw langai bai gayin na ten du sai.myen mung a tara hkrang gaw, Li 2 jawn ai hte bung nga ai majaw hka hkrat mahka rai sai,hka hkrat si hkyen sai hpe Miwa gaw ningren kalu hte dip lup sat ai hte bung nga ai.gumshem asuya gaw madu arawng aya ahkaw ahkang grin nga na matu, mung chying masha hpe hpyen dap hpe nhkru nshawp dik ai hku,zingri sat shamyit nga ai ahkaw hkang jaw ai galaw shangun ai.Shanhte bungli magam hkrat sum magang grau gumshem hkra galaw magang re gaw mungkan a gumshem hpyen asuya ni a lahpai galai lenla ai lam re.

Dai ni na ten hta sumtang hpaji,hpaji hparat lam rawt jat galu kaba tsaw lawan dik ai ten, arung arai shamu shamawt ai lam mung madang tsaw kalai shai lawan dik ai ten,myit jasat ningmu kalai shai lawan dik ai ten sum tsan myi kaba,sum tsan Na kaba ni,nhprang bawnu kaba ni nga nga sai ten gumshem hpyen asuya hkrang gaw grin nga nmai sai hte shingra tara gaw grin na ahkaw ahkang n'jaw sai ten n'jaw sai majaw ,kaja hten run ten du sai.

Miwa asuya a lamu ga jarik hta hpyen n'gun hte sa sin ai gaw myen asuya hpyen dap hpe lawan si na matu hpyen masa mung masa gin sup ai lam re hte grai nsi shi ai myen hpyen dap hpe galaw sa ganawng sat shakre ai hte bung nga ai.si mat nu nga lachyum re.hpyen tsin yam masha hpe matsan dum ai lam n'nga,htingbu shada n'yu garum ai,gaw masha a ahkaw ahkang hpe hpa zawn nnawn ai, annau ni hpe hpa zawn nnawn ai lam gaw Miwa a mungkan de mung masa hpaga masa hpyen masa hkrat sum dik ai lam shabyin shatai la ai lam sha re,kaji dik ai,n;gun kya dik ai hpe dip gamyet na n'gun jaw ai gaw Miwa a matu hkrat sum kaba rai nga sai.Masha langai mi a asak sha n'ga,myu langai hpe sat shamyit na hta garum ai Miwa gaw Moi kani majan hta hkrat sum ai zawn matsan lu su ngasat ngasa nbung ai shai ai katsin majan hta hkrat sum na kumla rai sai.annau ni a matu awng dang dik ai lam langai rai sai.

Ya hkyak hkyak Myen mung asuya hte Amerikan asuya a lapran dat kasa lit la nga ai, Derek J,Mitchell dai ni myen mungdan de bai du sa wa ai gaw anhte myu sha ni a matu hte Bawsang ni a matu kaja ai masa kaba langai de mahtai pru na re.Grau nna annau ni a matu lami langai ninggam langai de du hkra myen asuya hpe tsun nan tsun na re,Amerikan gaw annau ni hpe garum n'gun jaw ai lam tsun na re,hpyen yen tsin yam ni a matu mung tsun chyalu re. Mung chying masha hte bawsang ni hpe shing gyin ahkaw ahkang ginlut hkra ntara dik ai sat nat gumshem ladat hte gasat shamyit ai hpe hkring na matu ahkyak la na matu shawng num shaw hku sadi jaw bawngban ai mung mai byin ai,Mungkan WP Rap Daw kaw na ahkyak teng la na re hpe shawng ningnan hpaji jaw hpaw shana lajin ai mung mai byin ai,anhte matu gaw kaja dik ai hku bai sa du ai lam rai na re.Amerikan Rapdaw gaw anhte myu sha ni matu ahkyak ai mahtai langai dawdan sai ngu mu mada ai.

Teng man ai kaja ai Tara mung masa hpyen masa masing masa gaw awng dang ai de anhte hpang de madi madun tsap nga sai,matut n'gun ban la ai hte n'gun awai nna matut gasat ga law.

Jan shang hkyen sai gumshem hpe shakram kau na ten du sai.

Baren Numraw

MATUT HTI NA »

US DU MYU SHA NI A HKRUM RA HPAWNG

MATUT HTI NA »

US DU MYU SHA NI HTUNG HKRING ZUPHPAWNG GALAW

MATUT HTI NA »

MANMAW KAW LAWK SHAGU DE PORTOR HPYI

October (23) Laban

Jinghpaw Mung, Man Maw Mare kaba hta dai na kaw nna Myen Asuya gaw mare lawk mi hta na porter marai (20) hpra hpe shaw ya na matu lajin wa sai lam na chye lu ai. Dai majaw Manmaw mare masha ni ya yang grai hkrit tsang let shinggan npru gwi ai majaw Manmaw mare gaw ya yang katsi katsang rai taw nga sai lam buga masha ni kawn na chye lu ai.

ကခ်င္ျပည္နယ္ ဗန္းေမာ္ျမိဳ႕တြင္ ဗမာစစ္တပ္မွ တစ္ရပ္ကြက္လ်င္ အထမ္းသမား (ေပၚတာ) အေယာက္ (၂၀) စီေပးရန္ ရပ္ကြက္လူၾကီးမ်ားကုိေျပာဆုိလာေၾကာင္း သတင္းရရွိပါသည္။ ယခုအခါ ဗန္းေမာ္ျမိဳ႕ေပၚတြင္ ျပည္သူလူထု အိမ္ျပင္မထြက္ရဲၾကေသာေၾကာင့္ တိတ္ဆိတ္ျငိမ္သက္လ်က္ရွိေၾကာင္း ျမိဳ႕ခံျပည္သူမ်ားမွ သတင္းေပးပုိ႕လာပါသည္။

MATUT HTI NA »

SAM KAHTAWNG KAW GASAT

October (23) Laban,

Wunpawng Mungdan Shanglawt Asuya a Dap Ba (5) n pu na KIA myu tsaw share shagan ni gaw dai ni daw hta Ting Jang lahta Munglai hka kau Hpakgyi Sam kahtawng hta Myen hpyen hpung langai hte gap hkat lai wa sai lai lam shiga na chye lu ai. N dai zawn gap gasat ai hta myen de na yawm htum marai (10) jan si nna marai (30) daram hkala hkrum wa sai lam matut na chye lu ai.

MATUT HTI NA »

LUNGJA KAWNG KAW GAP

October (23) Laban,

Wunpawng Mungdan Shanglawt Asuya a Dap Ba (5) n pu na myu tsaw hpyen hpung ni hte myen tai hpye ni gaw October (22) ya shana de hkying (7) ram kaw na hkying (10) du hkra Munglai Hka Nam, Masai lahta Lung Ja Kawng kaw laja laja gap hkat wa sai lam na chye lu ai. Myen hpyen la hpring htaw tawn ai Tungkung mawdaw langai hpe KIA myu tsaw share shagan ni gap kapaw kau ya lai wa sai lam, n dai gap hkat ai hta myen de na (20) n yawm htum hkrat nna (40) ram hkala hkrum wa sai lam shiga na chye lu ai.

MATUT HTI NA »

SHINGGYIM AHKAW AHKANG (HUMAN RIGHTS)

Anhte a Mungdan Myen Asuya,

Anhte hpe up hkang hpyen Damya,

Galoi wa she htum myit na kun?

Anhte a Munghpawm Mungdan,

Anhte a rudi buga,

Galoi wa she galai shai na kun?

Anhte a Wunpawng buga,

Anhte a sin dun ginra,

Galoi wa she simsa na kun?

Anhte a tsawm htap shing-ra,

Anhte a sutgan yawng hkra,

Galoi wa she bai lu na kun?

Anhte a salum Myu sha,

Anhte a sai tum sai pa,

Galoi wa she lawt lu na kun?

Anhte a Mungdan kata,

Ngoi kadu myawk chyu pala,

Galoi wa she zim mat na kun?

Anhte a mungdan gam maka,

Sai hka Panglai Nammukdara,

Galoi wa she hkyet mat na kun?

Anhte a Mungchying Amyu sha,

Hpyen yen tsin-yam mun kaba,

Galoi wa she shimlum na kun?

Anhte a myit ru shoi hpa,

Anhte a nyep myiprwi mya,

Galoi wa she hkoi mat na kun?

Shinggyim ahkaw ahkang yawng hkra,

Hkritung kaw na jaw da,

Karai chyu sha, kyuhpyi myit mada.

Bumwa Hkri Ma

Fuji Majoi, Japan.

7.10.2001 ( Bat manga ya )

MATUT HTI NA »

SINLUM BUM LAGAW KAW GAP NGA

October (23) Laban

Wunpawng Mungdan Shanglawt Asuya a KIA myu tsaw hpyen hpung ni hte myen tai hpyen ni gaw ya yang Sinlum Bum lagaw kaw laja lana gap gasat nga ma ai lam shiga na chye lu ai.

MATUT HTI NA »

A MYAWK KAPAW NNA MYEN LAW LAW SI

October (23) Laban

Jinghpaw Mung, Myitkyina Manmaw lam, Nam San Yang hte Gan Dau Yang lapran na N Pawn mare hte mani October (22) ya shani myen tai hpyen ni gaw shanhte la lak nak kaba kaw pala bang shut ai majaw myawk kaba kapaw nna myen hpyen la ni tsawm ra mni si a yai mat ai lam shiga na chye lu ai.

ကခ်င္ျပည္နယ္ ျမစ္ၾကီးနား ဗန္းေမာ္ လမ္းေပၚ နမ့္ဆန္ယန္ရြာနွင့္ ဂန္ေဒါင္ယန္ရြားၾကား အင္ေပါန္ရြာတြင္ မေန႕က ေအာက္တုိဘာ (၂၂) တြင္ ဗမာစစ္တပ္မွ အေျမာက္က်ည္ဆံ အထည့္မွားေသာေၾကာင့္ အေျမာက္ေပါက္ကြဲ သြားျပီး ဗမာစစ္သား အျမားအျပားေသဆံုးသြားေၾကာင္း သတင္ရရွိပါသည္။

MATUT HTI NA »

JAPAN DU MYU SHA NI N GUN MADUN NINGHKAP

22 October, 2011 (Bat kru) ya, (2:00pm ~ 4:00pm) lapran, Tokyo mare Shinagawa Myen Mungdan Sumtsan Salang (Hkanse) rung shawng kaw, Network For Democracy in Burma (NDB) Mung masa wuhpung ni kaw nna woi awn ai hte, Japan Mung du Mung masa wuhpung ni hku nna, Myen Mungdan a Maigan Sumtsan Hkringmang U Wunna Maung Lwin du nga ai ten hta, Myen Mungdan kata kaw ya hkyak hkyak byin nga ai shinggyim ahkaw ahkang lam ni hpe shadut hpyi shawn shamu shamawt ai lam ni hpe galaw lai wa masai. Grau nna Democracy mungdan hkrang masa hte maren, mungdan kata na dinghku majan ni hte sharen da hkrum nga ai mung masa bawng masha ni hpe ya jang shazim shalawt dat na lam, kaga mung masa lam yan ni hpe shadut hpyi shawn lai wa masai. Salang Howa Zau La (KNO-Japan, Nt. Ningbaw-II ) hku nna mung, ya hkyak hkyak Wunpawng Mungdan kata kaw Jinghpaw Wunpawng Amyu sha ni ta tut Shinggyim ahkaw ahkang hkrat sum ai hte shani shana hkam sha nga ai mabyin ginchyum ni hpe n-gun mi alu tsun sanglang tang madun lai mat wa sai lam chye lu ai.

MATUT HTI NA »

MYEN HPYEN NI ROI RIP ZINGRI

MATUT HTI NA »

BLUMAIL

Galu galang n tsun na sai, myen mung kata de gmail hpaw yak na jam jau nga ai Kanu Kawa, manaw manang ni a matu Gmail hte maren sha re mail langai hte shachyen ya mayu ai. Laga hpa mung nra ai, Phone No mung n jaw ra ai. Gmail hte maren sha mai lang ai, lang mung grai manu ai.

Gmail raw sha mai lang ai.

Chatting grai sharawng ai manaw manang ni a matu mung mai ai.

..............@blumail.org

Grai grai lawan she chyam dat yu ga.

N dai kaw Sign Up galaw na lang ga.

Manang ni hpe mung tsun dan na hkum malap yaw.

Aw.... langai mi tsun na malap ai.

Sign In galaw yang mying@blumail.org n dai hku htum hkra kabang ra ai yaw.

http://bluworld.org/registration/account/signup.php

MATUT HTI NA »

SHAKAWN KUNDAWN LAIKA-23

MATUT HTI NA »

HPYEN MAWDAW DAW HPUM YANG DE DU SHANG WA

October (22) bat Kru

Jinghpaw Mung Manmaw mare kaw na dai ni daw hkying (12) hpang de rawt pru mat wa ai myen asuya a hpyen n gun hpring hpring htaw tawn ai mawdaw kaba (10) jan gaw ya ten hta Daw Hpum Yang Mare de du shang wa sai lam shiga na chye lu ai.

MATUT HTI NA »

HPUNG WOI NI HPE TARGET DA SHAMYIT MASING

October (22) bat Kru

Wunpawng Mungdan Shanglawt Asuya hte gasat nga ai myen tai hpyen ni gaw mara kata mung shawa ni hpe sat zingri ai kaw nna ya ten hpung magam gun ni, hpung woi myit su salang ni hpe madung da nna zingri sa wa na matu lahta de na matsun du ai lam hpe na chye lu ai.

MATUT HTI NA »

MYITKYINA MARE KABA HTA POTER LAHKAWN

October (22) bat Kru.

Jinghpaw Mungdaw Myitkyina Mare Kaba kaw myen hpyen ni poter lahkawn nga ai lam shiga na chye lu ai. Mana (October 21 ya shana) hkying (7:30) ram hta Myitkyina kani dawn tsi rung hte ka-nya-na rung makau hta marai (27) hpe woi mat rim woi mat wa sai lam, n dai zawn poter lahkawn la hkrum ai kaw Chyum Jawng Ma ni mung lawm ai lam buga de na shiga shana wa ai.

ေအာက္တုိဘာ (၂၁) ရက္ေန႕ညေနပုိင္း (၇း၃၀) အခ်ိန္တြင္ ျမစ္ၾကီးနားျမိဳ႕ ဘ၀သစ္ဘိန္းျဖတ္ေဆးရံုႏွင့္ ကညန ရံုးအနားတြင္ ဗမာစစ္သားမ်ားမွ ျဖတ္သြားျဖတ္လာမွာ (၂၇) ဦးကုိ ေပၚတာထမ္းရန္ဖမ္းဆီးေခၚေဆာင္သြားေၾကာင္း သတင္းရရွိပါသည္။

MATUT HTI NA »

MYEN NI LAK NAK KABA NI HTE GAP BUN NGA

October (22) bat Kru
Jinghpaw Mung N Mawk makau Loi Je sa lam na Hkawan Bang mare (ေက်ာက္စခန္း) kaw du nga ai myen hpyen hpung ni gaw Chyari Krung, Law Dan, Wa Baw hte Lung Ja mayan ni de (120mm) lak nak kaba ni hte tsan ai kaw na matut manoi gap bun nga ai lam shawng lam majan pa de na shiga shana wa ai. KIA myu tsaw hpyen hpung ni nga na shadu ai shara ni hte shading gap bun taw nga ai re lam shiga na chye lu ai.

MATUT HTI NA »

GARA YANG MARE KAW KIA NI SHANG SHARA LA

October (22) bat Kru
Mani October (21) ya shani Wunpawng Mungdan Shanglawt Asuya KIA myu tsaw share shagan ni hte myen tai hpyen ni Ga Ra Yang mare kaw gap gasat wa sai lam shiga na chye lu ai. Ya yang Ga Ra Yang mare hpe KIA myu tsaw hpyen hpung ni shang madu da sai lam hpe mung na chye lu ai.

ေအာက္တုိဘာ (၂၁) ရက္ေန႕တြင္ ေကအုိင္ေအ မ်ိဳးခ်စ္တပ္ဖြဲ႕မ်ားႏွင့္ ဗမာအစုိးရ စစ္တပ္တုိ႕ ဂါးရာယန္ ေက်းရြာတြင္ တုိက္ပြဲျဖစ္ပြားခဲ့ေၾကာင္းသတင္းရရွိပါသည္။ ယေန႕တြင္ ဂါးရာယန္ေက်းရြာကုိ ေကအုိင္ေအ မ်ိဳးခ်စ္တပ္မေတာ္မွ ၀င္ေရာက္ေနရာယူထားျပီးျဖစ္ေၾကာင္းလည္း သတင္းရရွိပါသည္။

MATUT HTI NA »

MYEN NI NAWKU HPUNG HPE JE BAT WA

MATUT HTI NA »

MYEN NI N BUNGLI LANG WA

October (22) bat Kru

Wunpawng Mungdan Shanglawt Asuya a up hkang ginra rai nga ai Shadan Pa, Madi yang hkan mani (October 21) ya kawn na myen ni a N bungli (Helicopter) ni du nga sai lam, dai ni mung Manmaw maga de myen n bungli ni grai pyen gawai wa sai lam shiga na chye lu ai.

Mani miwa ni myen hpyen la ni hpe miwa ga hku htaw shalai ai teng ai lam Laiza de na shiga hpe tsun shateng wa ai.

N dai laman KIO/KIA Ginjaw Laiza de myen ni shang htim gasat na zawn nga shiga na chye lu ai. Shara shagu du nga ai Wunpawng Myu Sha ni yawng Wunpawng Mungdan Shanglawt Asuya a matu ja ja a kyu hpyi garum ya nga ga.

MATUT HTI NA »

MIWA NI MYEN HPYEN LA SHALAI

October (21) bat Manga,

Dai hpawt Miwa mung kata Shweli kaw nna miwa hpyen maw daw (30) ram gaw Loi Je jarit, Jang Hkong maga de yan sa wa ai lam na chye lu ai. Shawng na mawdaw 2,3 hta sha miwa hpyen la ni rai nna hpang na mawdaw ni yawng hta gaw myen hpyen la ni re lam buga masha ni tsun shana wa ai. Buga masha ni maram ai hta Loi Je hte hkrat sum mat sai Jan Mai Post, Maw Shwi Post ni hpe bai gasat madu la na matu re lam tsun shana wa ai. Dai majaw Loi Je buga masha ni gaw ya ten grai hkrit maja let nga nga ra ai lam shiga shana wa ai.

MATUT HTI NA »

N MAWK MAGA DE MYEN HTU

October (21) bat Manga,

Jinghpaw Mung, Manmaw Nmawk lahta Hka Wan Bang de myen hpyen n-gun 600 jan du nga sai lam buga masha ni kawn shiga shana wa ai. Manmaw Myitkyina lam N Mawk Hkanan kaw mung myen hpyen n-gun kaba hpung langai du taw nga nna dai na de hkying (7:30) daram hta myen a, a myawk kaba ni htaw tawn ai mawdaw (10) jan hte lagaw lam hkawm myen hpyen hpung ni gaw N Mawk Mare kaw na lahta de lai lung wa sai lam myi chyaw mu bunga masha ni kawn shiga na chye lu ai.

MATUT HTI NA »

JA HTA KAW GAP

October (21) bat Manga

Wunpawng Mungdan Shanglawt Asuya a Shinglam Dap ni hte myen tai hpyen ni, dai ni hkying (12) jan ram kaw Sama sa lam na Ja Hta mare kaw gap gasat lai wa sai lam shiga na chye lu ai. Kata lam shiga hpe rai n chye lu shi ai.

MATUT HTI NA »

TANGHPRE MARE KAW MYEN ASUYA JA HTU SHA NGA

MATUT HTI NA »

NAM SAN YANG MARE NA MYEN HPYEN LA NI HTINGNUT

October (21) bat Manga
Myitkyina Manmaw lam n tsa na Nam San Yang mare hta shara la shanu nga ai myen hpyen la ni gaw ya ten mare kata na htingnut mat ma sai lam shiga na chye lu ai. N dai zawn myen hpyen ni htingnut mat wa ai hpe KIA myu tsaw ni kawn maram ai gaw, Myitkyina de na sa wa ai hpyen hpung (Tank dap) ni hpe wa woi la ai lam rai na re nga na maram ma ai hpe chye lu ai.

MATUT HTI NA »

MYEN HPYEN NI HKRAT SUM AI LAW

October (21) bat Manga
Wunpawng Mungdan Shanglawt Asuya hte Myen tai hpyen ni kawn lai wa sai September (13) ya kawn na ya di ni du hkra gap gasat ai hta myen de na hpyen la (700) jan si sai lam KIO/KIA Ginjaw jahpan hku na chye lu ai, jahpan lu ai (700) jan rai tim jahpang n shang ai ni hte rai yang myen hpyen la (1000) jan hkrat sum wa na re hpe mung chye lu ai. N dai zawn myen de na law hkrat sum ai lam gaw myen asuya a hpyen la ni majan n kam gasat mat ai majaw hte myen asuya hpyen la ni hta asak n hpring shi ai ma hpyen la ni law ai majaw re lam hpe mung chye lu ai.
ကခ်င္ျပည္နယ္ ေကအုိင္ေအ အစုိးရႏွင့္ ဗမာအစုိးရ စစ္တပ္တုိ႕ၾကား စက္တင္ဘာ (၁၃) ရက္မွ ယေန႕ထိျဖစ္ပြားခဲ့ေသာ စစ္ပြဲမ်ားတြင္ ေကအုိင္ေအ ဗဟုိဌာန၏စာရင္းအရ ဗမာစစ္သား (၇၀၀) ေက်ာ္က်ဆံုးသြားျပီျဖစ္ေၾကာင္း ႏွင့္ စာရင္းမ၀င္က်ဆံုးသူမ်ားႏွင့္ဆုိလွ်င္ (၁၀၀၀) ေက်ာ္က်ဆံုးျပီျဖစ္ေၾကာင္း သတင္းရရွိပါသည္။ ဤသုိ႕ ဗမာစစ္တပ္မွ စစ္သားမ်ား အမ်ားအျပားက်ဆံုး ရျခင္းမွာ ဗမာစစ္တပ္ဘက္မွ စစ္သားမ်ား စစ္တုိက္ခ်င္စိတ္ကုန္ဆံုးသြားမွဳႏွင့္ အသက္မျပည့္ေသးေသာ ကေလးစစ္သားမ်ားျပားမွဳေတြေၾကာင့္ျဖစ္ေၾကာင္း သိရွိရပါသည္။

MATUT HTI NA »

GALAI SHAI

Gum chying gumsa hkrang,Gumshem Hpyet Sit ladat,Hpyen Gumshem dip sharim ladat hkrang, Hkum hkra hte dip garin gamyet hkrum nga ai,Bawsang myu sha ni hte mung chying masha yawng gaw,gumshem madang htum htumrin hte dip apyet garin matep,gashun gare jahkrit shama sha ai shaning 60 shi jan hkam sha lai sai majaw,

1-Sutgan kata matsan lu sha nlu hku hku ai mawru.

2-Ana zinli machyi makaw law law byin hkrum hkra nga ai mawru.
3-Hpyen majan a duhka mawru hkrum sha sai hta ya gaw Du hkra ladaw katsi kahtet kalai

shai ai mawru hpe mung bai hkam sha jet nga sai. De a hpang Hku wa kaba wa na de she yawng nga sai,grit nyem dik ai masha utsang hta tsap ra ai.dai lam ni a jaw shinggyin ahkaw ahkang n-nga ai,nlu dik ai masha u tsang tai ra sai.

Sut marin ai ni lam dam nga ai majaw, Sin praw marit ai KaLa nbap hte Sin Na marit ai,

Langda Miwa yan gaw,Myen mung ntsa man tut sut masa majan je ai hta hkrum, annau ni gaw ahkyak dik ai shara kaw tsang,manu dan dik ai myu sha tai wa sai,Sari rawng tsawm htap dik ai annau ni a lamu ga hta arang kaba majoi bang mayu ai majaw,Lam ntsa na laknga myen gum shem gaw Lup hka law law htu,Baw law law hkai shakut nga sai.Langda kaba 2 a lapran,N-Sam 2 dat nna gale galau bahkang she tat, myi man tam ai gaw,woi myi man she pru,Miwa a hka kaba lu wa na matu n-gup hkum bawp she lawu,hpyen gum shem Tan Shwi lakhtak kaw na Miwa kaw hkoi lang ai Gum hpraw ni garan sha nlaw,de a jaw hpyen dap kata,mung masa up hkang rap daw hta nang shoi nangsha nga gangdun gangjen,arawng kashun hkat,Miwa hte hpaga jawm galaw ai hta,arang jawm bang,nhprang rai htu shaw len shalai na lam,Miwa hte Hpyen du kaba ni a kanwang hpaga awng dang na matu,Manu dan dik ai annau ni gaw ahkyak dik sai shanhte matu ju shingna hkrit hpa kaba rai nga ai,[ hpa majaw n;gasat na ta?]Mali hka madim gan jahkring ai matsun a jaw,Nammak law hpa hpring chyat taw nga ai Miwa gaw,sha lawa myi man shachyen nna myen hpe mayu sha kau na daram ningyun bu ai hpe hkrit tsang ai Tin Tsin asuya gaw hkuwat hkinchyi hku pru nna,Kala hte jahta,Kabun sha hkru taw ai shuchyit maigan SLg hpe mung Amrika,Japan,ni de myi man kaji dik ai hte sa kahte manaw chyam shangun ai.Hpaw gin ai daram hpaw saga ai, anhte shata 6 re ma ngai sha naw rai ga ai,naw matsan dum rit madu e nga,galoi mung ntsun ga ai zawn masu ndum kalang bai hpyen dan sai.

Rai sa dai rai yang gaw Kalang bai tsun na,

1-Mung masa hte sharen da ai yawng hpe dat lu na.

2-Bawsang yawng hte NLD Pati nhkum nbung ai yawng hte rap daw hta mung masa mayak yawng hpe rau man hkrum mahtai la lu na.Teng man ai simsa lam tam na.
3-Shinggyin ahkaw ahkang hpe manu shadan ai lam hta tatut hkrang shapraw lu na.
4-Democracy Tara rapra ai hte hkrang shapraw na,Tara jeyang ai hkrang galai kau lu na.

Lapran Ra lata poi grai ndu yang ndai hpe mu mayu aidai ni galaw dan jang gaw nanhte tsun pyi nra dat ya na nga amying jahkat dat sai.

Lamang yawng hpe langai hpang langai,asan sha mai hpaw ai hpe hpa majaw,ten sharen tawn ai kun?

1--Simsa SLg nga nna hpaw ning htan tawn sai.

2--Shing gyin ahkaw ahkang shichying SLg nga nna hpaw ninghtan tawn sai.
3--Bawng ring magam galaw hpung nga nna hpaw tawn sai.

Ndai lam ni hpe hpa majaw lamang jaw jaw bungli nmai galaw ai, hkrang nmai shapraw nga ai kun?Hkrang gran tawn nna hpa majaw,Mu gin ai Hpaw gin ai galaw gin ai daram nmai galaw nga a ta?myit shachyaw yu yang chye mai ai,Myit ja ai hte hpyen myit nmat ai ni,hpyen dap kaw na u shoi naw jum tek ai hpe asan mu mai nga ai.

Uhku a masa si la gawm nga ai hpa,nau dung na ai u gaw pala hkrup ai zawn myen gumshem hpyen asuya gaw dai hte bung nga sai,Hka kaba kap ai asuya gaw Gumhpraw marin ai Sha lawa kaba Miwa a hkaji na shing wang kata na lawt lu na hte,2014 ASEAN ning baw tai lu na sut hpaga pat tawn ai hpaw ya na matu Gumhpraw mang hkang byin hkrum nga ai,Tin Tsin asuya gaw Li baw lai jang li mai gara kaw adawt yang adawt nga,mung masa shachyai tim madu mana ai lam madu nkaja ai lam htawng dan ai singgu kri re hte bung nga sai.sagu hpyi hpun taw masu ai Tin Tsin mung loi sha hpyen myit jasat mat na kun?.Dai ni anhte bawsang ni hpe u nyem roi lu di kau yang she n'gun lu shakya kau yang she,jaw dum nga ai kun? Moi na zawn Gwi Ran si chyawng bum nga,kahka kabu kara si chyawng bum nga myen hpyen hpe kalang bai shamyit kau kau na de du nga sai.majan hta hkring htawng lu ai myu magrau grang ai myu galoi mung asum jaw nmai sai.

Annau ni hpe grau nna gasat ai gaw hpa majaw ta?ntsa tsang hpyen du kaba ni lawhpa myit kan wang myit,Miwa hpe nlai lu ai majaw,arawng magra jum tek ai myit nmai mat ai lachyawk sha re,ntsa tsang myen du kaba ni a jaw hpyen ma hpyen du kaji ni gaw gasat mayu ai nre,ntsa de na aming nlai lu ai,shat di ga mat na hkrit ai jaw gasat ai sha re.

Bai anhte hpe wa gasat ai law malawng gaw lam ntsa na hta la ai kanu kawa nmu ai ma ni re.

asuya bau maka tawn ai,asuya hpe sha kanu kawa shatai ai ni gaw dusat hte bung ai, gwi wa myit jasat sha rawng ai jaw htauli htaula n'nga ai,shinggyin nauna myit nrawng ai. Dai re ai majaw anhte hpe sat na matu lung wa ai,sinat arung arai htaw lung mai ai lam yawng hpe dan di kau ra ai.

Maga mi de gasat nga ai zawn,UN Rapdaw,UK,EU Rapdaw,ASEAN Rapdaw,Amerika GumSan MaGam Hte Amerika Rapdaw,Miwa Rapdaw,KaLa Rapdaw de matut manoi laika bang ra ai.Miwa mung Kala mung nga ai Kahpu kanau ni hpe mung tinang mungdan de laika bang na hku shadut ra sai.Chyurum ai annau ni,MaKru masum jung,mayu-dama-kahpu kanau nga nau pa rau

chyawm pa ai amyu,myit hkrum n'gun shabawn saga law.annau ni a shangai shaprat tawn ai saitum saipa kashu kasha ni a myi man hpe ja ja azi yu nna maroi nni masin nsi ai myit hte gasat ga.

Baren Numraw

MATUT HTI NA »