MATUT HTI NA »
ZUPHPAWNG MAHTAI
LAGANG:- Myenmung kaw nga pra sa wa ai bum nga masha ni hte pa layang na myen amyu ni yawng gaw shanglawt lu ai shani kaw nna dai ni du hkra simsa ai namchyim rai n hkam sha yu ma ai hpe hkaja yu ai shaloi aten langai hte langai a mabyin masa n bung ai hpe mu lu ai. Rai yang dai ni na manghkang gaw kaning re ai ladat lang nga ma ai kun, shara shagu jawt hkawm nga ai Salang Pyilan kaw na hpyan dan na matu hpyi shawn ai.
PYILAN:- Satan a yaw shada ai gaw bum nga masha ni a nga sat nga sa lam, amyu htunghking hte amyu bawsang a amying shingteng hpe masat dingsat galaw tawn ai kaw na shamyit kau na matu rai nga ai. Aten langai hte langai hta lang sa wa ai ladat n bung timung, yaw shada ai shingdu lam gaw galai shai ai lam n nga ai. Wunpawng Myusha ni hte KIO hpe shamyit kau lu na matu satan wa gaw gade daram shakut ai hpe mu wa saga ai. Satan gaw kaga rawt malan hpung ni hpe hkalem la nna gap hkat lam shazim kau lu sai raitim, jet ai simsa lam n re majaw hpu nau rawt malan hpung ni gaw hkalem kau hkrum ai hpe dum wa nna kade nna ai laman bai matut gasat wa na mara ai. Dai shaloi byin wa na majan kaba hta awngbadang shu la lu na matu rawt malan hpung shagu hte mungmasha bawsang shagu gaw mungdan kata kaw mung, maigan mungdan hkan e mung, dangdi dangdep ai atsam yawng hte kahkyin gumdin lam ngangkang wa hkra jawm shakut ra manu ai.
PRANGTAI:- KIO hte KNO gaw aten du wa ai shaloi ahkyak la na matu bungli garan nna laksan rai shakut wa masai. Dai ni gaw grup yin a masa hta hkan nna Ginjaw langai, matsun langai a npu kaw uphkang lam, majan lam, mungmasa lam ni hta Wunpawng Myusha ni a labau kaw tsaw htum ai n-gun hpe 2012 June 27-28 shani ngangkang htum ai kahkyin gumdin lam gaw-gap dat masai. Alu ai shani du sai. Anhte nam na dusat dumyeng malen pyen u numji numjoi ni yawng kaw nna ahkum ara madi shadaw la ga ai law. KIO hte KNO a woi awn ai awngdang masing a majaw sum mat ai anhte a ahkaw ahkang ni yawng bai lu wa na rai sai law.
Satan a labau lam hkaja yu yang myit hpraw san ai hte galaw wa ai hpe rai n mu yu ai. Lai wa sai ten hta hpu nau Miwa ni gaw satan wa hpe shanhte a lata kata na hka zawn nawn wa masai raitim, dai ni na ten hta Miwa ni mahtang satan a lata kata na hka zawn tai nga masai. Matut byin wa na mahtai gaw Yehowa jaw da ya ai hpaji hpe jahtuk lang chye ai wa a matu rai wa na re. Mungkan kaw satan wa gaw shi a myiman pa nna arawng mala lu na matu Ma Kaw jan hpe jahtuk lang nga ai ten re. Raitimung, madang langai kaw du ai shaloi Ma Kaw jan hpe lam numshe de shalen bang dat chyalu rai na re. Dai shani satan wa gaw shi mayoi tawn ai masawn kaw shi nan abraw la ai nhtoi du wa na re.
LAGANG:- Salang Prangtai a ningmu gaw grai dam lada ai majaw lachyum nkau asan sha n chye na ai. Shing re ai majaw, asan sha jawm chye na hkra "brang" ngu nna kadun tawk hku tsun dan na hpe ra sharawng ai.
PRANGTAI:- Masha kaga wa hpe garum hpyi ai hta, tinang galaw sa wa nga ai lam gaw tinang a matu akyu rawng ai zawn masha wa a matu mung akyu rawng ai lam dingtawk hku hte gawai ai hku nna chye shangun ai lam rai nga ai. Majan pa kaw nang si ngai si n ju n dawng ai myit tsa htam hpring hte sat hkat ai raitimung, mungmasa lam tsun shaga ai hkinjang kaw du ai shaloi dam lada ai ningmu lang nna jahtuk tsun ai gaw htap htuk ai lam rai na re.
Mungkan ting hta chyam bra sa wa nga ai Wunpawng Myusha ni gaw tinang amyu a lawt lu lam masing hta byin mai ai yi-ngam kaw shang tsap nhtawm dangdi dangdep ai atsam hte arang shang lawm nga masai. Ndai hkrun lam hta shanhte a myit daw hten mat hkra galaw na matu gaw satan a lit rai nna, daw dan tawn sai hte maren awngdang wa lu hkra shakut sa wa na matu gaw Wunpawng Myusha ni a lit rai nga ai. Wunpawng Myusha ni yaw shada sa wa ai pandung kaw teng teng du wa lu mu ga matu, anhte a zuphpawng kaw nna aja awa madi shadaw dat ga ai law. Puk Dun
30/6/2012
MATUT HTI NA »
KALAI KAU GA
Aw... Masha langai mi a lu gin lu taw ai ahkaw ahkang hpe dingbai dingna jaw ai, masha langai mi a atsam marai hte n'gun hpe shadaw ya ai, masha langai mi a ja dik ai kata n'gun myit marai atsam hpe jahten ya ai, masha langai mi a kamsham myit mada dating tawn ai kata myit makru myit jasat hpe matu n'ding hkra myit anut ya ai, jahten ya ai hte bung nga ai. Masha langai mi a n'gun ja dik ai kata lam myit marai myit jasat atsam hpe n'tsen ai n'kam shangun ai masa de she kale mat ai, matut nna masha langai mi a shawng de n'gun hte hkawm sa lu na hkam kaja ai hte asak galu madu hkum hpe kam hpa ai myit atsam grau lu na matu, madu hkum hpe wanglu wanglang dawdan galaw lu ai ahkaw ahkang n'mu lu ai kata n'gun gaw mungkan hpe rawt jat ngwi pyaw ai hte sa lu na simsa ai mungkan byin lu na matu madu lu ai atsam hpe madu ra ai hku dawdan sa ai gaw ahkyak dik masa re. Mungkan a ana zinli hpe hkam jan dang kau lu na mung masha yu n'mu lu ai kata lam myit n'gun rai nga ai. Masha law malawng gaw n'tsa lam hpe yu nna masha hpe dawdan galaw mu chye ai majaw hkrat sum chye nga ga ai.
Mungkan hte shinggyin masha ni hpe rawt jat galu kaba dik shangun ai gaw masha a n mu lu ai kata lam myit a tsam marai re zawn, mungkan hta masha a hkrit tsang ra dik ai mung masha a kata na myit jasat myit atsam marai rai nga ai . Masha a kata na n'mu lu ai n'rut n'ra laswi lasa sai lam bawnu n'soi n'sa myit atsam gaw masha langai mi a asak galu na n'gun kaba rai nga ai zawn masha hpe si shangun lu ai hte hkrung shangun lu nga ai. Kalang mi Rangon myi n'mu jawng kaw na, myi n'mu ai jawngma langai mi gaw ngai kaw 3-4 ya wa manam ai, shi hpe ngai hte rau manang ni n'ta hkan nawku jawng hkan woi hkawn chyai chyai rai n'ngai, lana de mi n'rim rim wa ten ngai manang wa n'ta de lam hkawm chyai ai hte hpawn bungli mung loi bawng ra ai majaw ngai pru hkawm sa na hkyen nga yang dai myi n'mu ai jawngma mung ngai hte rau hkan na matu tsun ai majaw rau sha hkawm sa wa ai tsawm ra na hkawm du ai shaloi a kajang sha {Sara sadi u shawng kaw n'hkun kasha langai mi nga ai lu} nga myitmu samsi ndum shami rai hkawm nga ai ngai a kajawng sha hkawm nga ai kaw na lagaw lahkam hpe jahkring kau nna yu dat yang kaja sha wa nye a shawng e nga hkang hta grau kaba ai dawng jan sung ai n'hkun hpe mu dat majaw kajawng mau dik ai hte aw ngai myi 2 mu ai wa pyi n'dum mu chye ai n'dai zawn re hpe myi n'mu ai wa madaw ngai hpe lam madun lu ai ngu mau ai hte n'kam ai myit ngai hta hpring nga ai jaw, [taw-- Naw San hpa rai n'dai n'hkun nga ai hpe nang kara hku chye n'ta? ngu san dat n'ngai. {Sara anhte myi n'mu ai ni a matu gaw ana latsun su ra ai, makau grup yin a n'sen hpe madat shingram chye ra ai, bai lagaw lahkam htawt ai hpe chye shingram hti tawn ra ai hte ladi hpe mung makau grup yin a abat sama manam ai hpe manam ginghka shingram chye ra ai hte n'gup hta na mung n'hkring n'sa makau grup yin a lam hte hkrun lam a nyi ai tsan ai hpe san shatsang ra ai re. Myit masin bawnu hpe mung myit lawm dik ai hte myit shim dik ai hte ahkyak la nna maram matsing chye lu hkra shakut matsing ra ai re zawn kalang mi mung n'du ga yu ai shara hkan rai yang grau nna myit masin bawnu, makau grup yin a nsen sama, lagaw lahkam ni hpe ahkyak tawn n'na sawn madat maram hkawm sa chye ra ai gaw anhte myi n'mu ai ni a matu lam kaba nan rai nga ai. Kata lam myit n'gun marai atsam gaw anhte matu awng dang ai hkrun lam masing re. Aw kata myit marai atsam wa myi mu ai ni hta pyi grau nga ai.
1-Tsaw ra myit ngu ai gaw dinggai dingla si ten du jaw ya mai ai zawn hkam la mai nga ai.
2-Hpaji hparat mung dinggai dingla ten du hkra sharin ya mai ai zawn sharin la mai nga ai.
3-Magam bungli hpe mung si ai ten, lup sung hku du ai shani du hkra galaw shangut kau da ra ai re.
Sali Wunli Dashi
1-Kanu Kawa ni lusu ai marang e nang hpe sutsu ai masha langai byin hkra dashi wunli garan jaw sai tim nang n'kaja yang masha ni hpe jamjau jaw ai, masha sat ai, masha ni hpe jahten ai, madu hkum madu jahten nga wa wa sha tai na re.
2-Hpaji hparat dashi garan jaw ai hte Nuwa ni n'chye ai a jaw jamjau hkrum lai wa sai kaw na lawt tinang kasha ni lawt lu u ga ngai lu malu ahkrawk dut lu malu atsam dat nna nang hpe hpaji chye hkra shakut ya sai majaw janmau gup lu sai, masha kaba, sara wun kaba, hpyen du kaba tai sai tim nang n'kaja yang masha hpe jamjau jaw ai, masha jahten ai, masha sat, masha hpe masu ai wa re zawn madu hkum madu masu ai wa sha tai na re.
3-Kaja ai sali wunli hkam la lu na matu Kanu a hkritung kaw naw rawng ai ten kaw na madu Yesu hte kyu hpyi shachyen ya ra ai zawn shangai ten gup n'na ningnan ninghtoi mu dat ai hte, Madu a U Dang sumla hpe shawng shachyen ya ra ai hte chye tsun, chyena, chye shaga ai kaw na Madu Yesu hpe ja ja shachyen ya ra ai zawn ngwi pyaw tsit tsawm ai anhte buga dailup daihpang ga hpe shachyen ya ra ai. Byin mai yang ma shangai ai ten madu buga dailup daihpang shara kaw shangai lu yang kaja dik re. Mungga tara kata kaw dinghku a ritkawp tara kata kaw chye nga chye pyaw hkra sharin achyin sambang ra ai. Kaja ai sali wunli hkam la lu na gaw ahkyak dik ai, myusha ni a rusai labau, maumwi, htunghking shachyen shaga lam hte shinggyin nauna myit kanu yan kawa a lahpyen shingma kaw nna sharin ya ra nga ai. Lani mi tup na madu a tinggyen galaw ra ai ritkawp tara ni hpe ka jahkrat tawn ya nna sharin a chyin ra ai.
Jau jau rawt shaman ai kyang lailen hpe sharin ya ra ai. Yup rawt yup hprang ai ten shagu kyu hpyi ra ai, de hpang yup ra gumba ra ai hkum tsan kau ra ai hkum jasan jaseng chye ra ai. Kaji ai kaw na madu hkum madu lit la chye hkra, madu myit magam myit hte bungli chye galaw wa hkra, myu tsaw mung tsaw ai myit jasat kyang lailen ni hpe sharin ya lu yang si tim lam yit na n'rai sai re majaw naw kaji ai ten gaw masha langai mi matu n'pawt gawgap la na ten kaba kata myit, n'gun kaba nan re. N'pawt ngang ra ai. Kaji ai ten gaw prat tup na hkrun lam a n'pawt re majaw ahkyak dik ai hte kaja ai sali wunli hkam la chye na ten re.
Dai ni annau ni rawt jat galu kaba ai masha uhpung uhpawng langai hta madang nga nga, prat dep dep bawngring sa wa lu na matu
a-Ten hpe manu chye shadan ra ai.
b-Ritkawp tara hkungga ai masha tai ra ai.
c-Madu mungdan hte myusha ni hpe tsaw chye ra ai.
d-Madu myit, magam myit hte bungli chye shachyen shaja ra ai.
e-Dam lada ai myit masa galu kaba ai shawang myit rawng ra ai.
f-Madu masin madu ladi, madu lahtan na myit sha n'mai myit ai, manang wa ladi hte n'sa sa ai n'gun atsam hpe n'mai kam ai.
g-Lam shagu hta pandung mahkyen masing lamang shawng jahkrat tawn nna galaw hpang u.
h-Grai n'galaw yang shawng myit jahkrut u, galaw sai hpang hkum hkrit, bungli hte mahkrum madup ten masa ladaw gaw nang hpe sharin ya ai.
i-Ten mi hta bungli lahkawng chye galaw hkra shaman u, kalang kahtam yang 2 di ngu lachyum shapraw u.
j-Hpu dik ai hkying hkum 24 hpe manu shadan u.
k-Ram ten hte janmau 1 lu hkra hte grat dagra re bungli langai lu hkra masing jahkrat u.
l-Manang wa hta shawng hkra, jawng sa bungli galaw sa yang jau du hkra shakut u. m-Kata myit masa hpe san seng hkra shakut chye wa yang shinggan hkrang masa shi hkrai tsawm htap rawt jat wa lu na re.
n- Lagawn lamawn manawn masham myit n'mai rawng ai, myit galu galang tawn chye ra ai zawn hkam kaja ai hte bungli law law lu galaw nna simsa ngwi pyaw ai prat langai hpe lu la na re.
Dai ni annau ni myit jasat kyang lailen ni hpe kalai kau ra nga ga ai.
I-Malu masha ni hpe kalai sha chye ra nga ga ai. N'gun hpe akyu n'jaw ai malu masha ni hpe koi gam kau ra nga ga ai zawn kan sha hkru nna n'gun jaw ai malu masha ni hpe kalai sha chye ra sai.
II-Nga sat ngasa galaw lu galaw sha lam hpe prat madang hta hkan nna chye galaw sha ra sai. Madu lamu ga hte madu masa hte htuk manu ai bungli hpe chye tam galaw ra sai.
III-Num La ganawn mazum ai hpe prat madang hta hkan nna kalai shai ra ai, dinghku de sai kaw nna ma lu ra ai gaw shingra htung re ngu ai hku n're sha prat langai mi a madu tai wa na sali wunli kashu kasha hpe ningnan grai n'la ai kaw na'n'gun atsam krung krung hkru hkru kanu yan kawa myit jahkrut tawn nna hpaji chye n'gun atsam rawng ai hkam kaja ai kasha langai byin tai wa lu na matu madu jan madu wa jau jau kaw nna bawng jahkrup ai hte ma la ra nga ga ai.
Labu hpun palawng hpun tawn tim num/la gaw hpa re ngu ai hpe chye nga saga ai hte maren hpang de zetlet kunghpan ai atsam marai rawng ai myu hte mungdan a n'tsa e sadi dung ai, makam kri dung ai hpaji chye ai ningbaw tai wa lu na ma a matu hkyen lajang na gaw kanu yan kawa a lit rai nga ai zawn, da shatawt n'mai ai. Sari sadang hpring ai tara hte ding hpring ai hpe hkungga ai dinghku de sa ra ai.
Dai ni annau ni hpaw ai jawng ni hta jawngma ni a buhpun palawng ni hpe myu htung hking buhpun palawng ni hte jahtuk jahpun sa lu yang kaja dik ai. Jawng shagu hta lawu na ga shaka ni hpe tsun shangun yang kaja na re.
1-Anhte gaw Karai Kasang a Tara, Myu hte Mungdan a Tara, Nu Wa hte Jawng a Tara ni hpe galoi mung hkunga let hkan sa nga na ga ai.
2-Anhte gaw Karai Kasang hte Myu hte Mungdan Nu Wa ningbaw ningla sara/sarama ni hpe galoi mung tsaw ra nga na ga ai.
3-Anhte gaw Karai Kasang hte Myu hte Mungdan NUWA Ningbaw Ningla Sara/ Sarama ni hpe galoi mung hkungga nga na ga ai.
4-Anhte gaw Karai Kasang a Makam masham hte Myu hte Mungdan Nu Wa Ningbaw Ningla Sara Sarama ni hpe galoi mung makawp maga nga na ga ai.
5-Anhte gaw Karai Kasang a makam masham, Myu hte Mung dan Hpaji Hparat galu kaba bawngring rawt jat wa hkra galoi mung shakut nga na ga ai.
Ga shaka n'dai ni hpe jawng grai nlung shi yang hti tsun shangun lu yang kaja na re ngu mu ai.
Laika ga yan ni hpe gaw matut nna htuk manu hkra ka lajang la yang mai na re, n'dai gaw ngai langai mi a ningmu sha re. Zetlet kunghpan ai rawt jat galu kaba bawngring ai Myu htunghking Mungdan hpe manu shadan ai tsaw ra chye ai ni byin hkra galoi mung kata n'gun hpe chyoi pra san seng ai myit jasat myit marai tawn lu hkra ten hpe ahkyak la akyu jashawn lu yang shim lum rawt jat galu kaba dik ai mungkan hta dan hkung ai myu kaba langai tai wa lu na re law.
N'lung bawlung htawng dan ga, Zai bru sumri rit dan ga, Kala sum pyi dum ga.
Baren Numraw
28/6/2012
MATUT HTI NA »
MYITKYINA KAW BAWM BAI KAPAW
June (29) bat Manga
Jinghpaw Mungdaw Myitkyina mare kaba kaw dai na de daw hta bawm langai kapaw lai wa sai lam shiga na chye lu ai. Bawm hkawm ai wa ngu sawn maram lu ai wa bawm hte hkum lawu daw yawng di a yai mat ai lam matut na chye lu ai. Dai na de Myitkyina gawdin ginsup pa kaw Shatapru lawk hte N Jang Kawng lawk ni gawdin shingjawng ai hpang kapaw wa ai re lam hte myen asuya la-wa-ka rung de magaw shang wa ai lam makau kaw kapaw ai re lam hpe na chye lu ai.
MATUT HTI NA »
SLG. LAHTAW BRANG SHAWNG HPE TARA RUNG SHAW
June (29) bat Manga
Mani June (28) bat Mali ya shani Myitkyina Jan Mai Kawng hpyen yen tsim yam dabang kaw na rim woi mat wa ai Slg. Lahtaw Brang Shawng hpe myen asuya ni kawn tara rung kaw san jep ai lam galaw lai wa sai lam shiga na chye lu ai. Myitkyina tsa-ya-hpa ni gaw Slg. Lahtaw Brang Shawng hpe tara rung hta shanhte tsun shangun ai hku sha tsun htai na matu Slg. Lahtaw Brang Shawng a palawng kata n sen rim jak shakap bang da ya ai lam hpe na chye lu ai. Bai Slg. Brang Shawng a myi man hkan mung hpri hte nat ga ba da ya ai hkang ni chyu re lam myi chyaw mu ni kawn na chye lu ai. Ya ten Slg. Brang Shawng hpe gara kaw tawn da ai re hpe gadai mung n chye ai zawn, dum n ta masha ni hte mung n jahkrum shangun ai lam na chye lu ai. Buga masha ni tak sawn ai hta Slg. Brang Shawng hpe myen tsa-ya-hpa ni nau a dip zingri kau ai majaw gadai hte mung n jahkrum ya ai re nga tak sawn nga ma ai lam shiga na chye lu ai.
MATUT HTI NA »
RAWANG LAILI LAIKA HTE HTUNGHKING HPUNG NINGBAW LATA
June (29) bat Manga
Putao mare kaw Rawang Laili Laika hte Htunghking Hpung a Ningbaw hte Amu madu hpe June (12) ya shani lata san ai lam na chye lu ai. Ndai Ningbaw lata zuphpaw hpe hkanghkyi hpung ni hte Tanggu Tang hpung woi awn galaw ai re lam hpe mung na chye lu ai. Kahtawng shagu na shanhte a masha ni hpe lata shaga la nna galaw sa wa ai re lam hpe mung chye lu ai. Rawang Laili Laika hte Htunghking Hpung a gawda ai tara hta mung masa Party kaw shang lawm ai ni ra lata na lam tsep kawp n mai ai ngu nna tara jahkrat da chyalu re hpe mung chye lu ai. Rawang Laili Laika hte Htunghking Hpung a Ningbaw gaw Tanggu Tang rai nna Amu Madu gaw Hpungri Min re lam hpe chye lu ai.
Myitsu Salang langai tsun wa ai hta Tanggu Tang gaw 2012 ning ra lata poi hta shang lawm lai wa sai sha n ga, tatut Rawang hpyen hpung hpaw nna laknak lang ai ningbaw wa re, Hpungri Min gaw Putao ninghtawn na hkanghkri hpung a ninghtawn amu madu kaba re lam hte 2010 ni ra lata poi hta mung shawng lawm lai wa sai lam tsun shana wa ai. Matut tsun shana ai hta, "n dai zawn Rawang Laili Laika hte Htunghking Ginjaw a gaw da tara hpe manu n shadan ai, mung shawa daw tsa kawn myit hkrum jahrakt da ai tara hpe ahkyak n shatai ai sha hkrup mara aglaw ai gaw n htuk ai re lam, Amyu sha ni a ginjaw gaw da tara hpe n hkungga ai ni gaw Amyu sha ningbaw gara hku tai na, madu nan tara hpe n hkan nang yang myu sha ni hpe gara hku woi awn na? grai myit yu ra ai ten du wa sai" nga tsun dan wa ai.
Bai n dai ra lata ai lam gaw Rawang myu sha ni tsep kawp n chye lawm ai hte madi shadaw ai lam mung tsep kawp n nga ai lam, gara hku n mai hkap la ai lam na chye lu ai. Democracy masa hte hkrak Rawang amyu sha ni hkum hkum ra ra shaga zuphpawng nna ra lata poi kaba galaw ai rai yang Tanggu Tang hte Hpungri Min gaw Rawang Laili Laika hte Htunghking hpung a Ningbaw hte Amu Madu tai wa na lam n nga ai nga nna lahta na myit su wa sha gahtap tsun wa ai. 2010 ning hta Tanggu Tang hte Hpungri Min tinang dai daw ginra hta ra lata poi shang lai wa ai rai tim awng dang ai lam n lu ai yen re lam hpe matut na chye lu ai.
MATUT HTI NA »
KIO - KNO HKRUM ZUP BAWNGBAN HPAWNG
June (29) bat Manga
Wunpawng Mungdan Shanglawt Asuya (KIO) hte Wunpawng Myusha Hpung (KNO) Ningbaw ningla ni June (27) ya shani Laiza Muklum hta hkrum zup bawngban hpawng galaw lai wa sai lam shiga na chye lu ai. N dai zuphpawng hta Wunpawng Mungdan Shanglawt Asuya (KIO) hte Wunpawng Myusha Hpung (KNO) gaw hpung langai sha hku myit hkrum gahkyin gumdin la lu sai lam, Wunpawng Myusha Hpung (KNO) kawn hpaw ninghtan da ai United Kachinland Army (UKA) hpyen dap hpe mung Wunpawng Mungdan Shanglawt Asuya (KIA) hpyen dap hte rau pawng hpawm kau sai lam shiga na chye lu ai. KIO hte KNO gaw Padang Hkrumlam Majan Masing hta myit mang langai sha hte arau sha bungli jawm galaw sa wa na matu mung myit hkrum da lu sai lam shiga na chye lu ai. N dai bawnban hpawng kawn KIO hte KNO myithkrum N Dau Laika hpe mung shale dat sai lam shiga na chye lu ai.
Matut nna ngam nga ai Wunpawng Amyu Sha laknak lang hpung (Lasang Awng Wa, NDAK, KDA, Hkun Myat Militia) ni hpe mung myit hkrum mangrum hte myit dam lata ai Kanu KIA uhpung de nhtang wa na matu, shadut shabra hpaji jaw la na gaw Nu Wa Mung chying sha ni yawng hta lit nga nga ai.
MATUT HTI NA »
HKYAK HKYAK RA GADAWN NGA
June (28) bat Mali
Ya yang amyu sha ni a matu shani shana gasat gala shang nga ai tinang KIA myu tsaw share ninghkring ni hta marang madi manyap re ai majaw marang palawng law law ra ahkyak nga ai lam na chye lu ai, dai majaw mungkan mung dan shara shagu du nga ai myu sha myit rum ni yawng tinang dang di lu ai daram garum la na hpe saw lajin dat ai.
Laiza Brang
phone: +86 15368699233
mail: z.hkawnglum@gmail.com
MATUT HTI NA »
MYEN (10) HKRAT
June (28) bat Mali
Wunpawng Mungdan Shanglawt Asuya Dap Ba (5) ginra Manmau mare maga na Laja Yang myen dap de malu masha wa sa na matu lung wa myen asuya dap ni hte tinang KIA ginjaw ginra shimlam dap hte pawng hpawn dap ni shani tup laja lana gasat hkat ai hta myen suya dap maga na laja lana hkra machyi ai lam na chye lu ai, yawm htum myen asuya maga na marai (10) hkrat sum nna law law hkala hkrum ai hte ya yang dai myen hpyen hpung ni hpe tinang KIA dap kaw nna jawm wang matep tawn nna shagrawt gasat nga dingyang re lam shiga na chye lu ai.MATUT HTI NA »
NA LUNG MARE KAW GASAT
June (28) bat Mali
Wunpawng Mungdan Shanglawt Asuya Dap Ba (5) uphkang ginra rai nga ai Na Lung Mare kaw KIA myu tsaw share ninghkring ni hte myen asuya hpyen hpung ni dai hpawt daw hta laja lana gap gasat lai wa sai lam shiga na chye lu ai. N dai myen hpyen hpung ni gaw Man Mau mare kaw na Laja Yang mare maga de htu lung wa ai kaw KIA Ginjaw Shim Lam dap ni Na Lung Mare kaw hkap ninghkap gasat ai re lam hpe chye lu ai. Kata lam shiga hpe gaw hkrak rai n chye lu ai.MATUT HTI NA »
AUSTRALIA WAGGA WAGGA MARE HTA JINGHPAW LAIKA SHARIN
June (28) bat Mali
Australia Mungdan NSW mungdaw Wagga Wagga Mare kaw du nga ai Jinghpaw Wunpawng Myusha ni kawn shawng lang na hkrum zup bawngban hpawng hpe June (26) ya shani Turvey Park law na Lagwi ni a nta hta galaw lai wa sai lam shiga na chye lu ai. N dai bawngban hpawng hta madung hku nna Jinghpaw ma ni hpe Jinghpaw Laika sharin ya mat wa na lam hte seng nna bawngban ai re lam hte Myu Sha ni marai (40) sa du shang lawm lai wa sai lam shiga na chye lu ai. June (27) ya shani kaw na Jinghpaw ma ni hpe Jinghpaw laika sharin ya hpang wa sai lam hte jawng ma ni yawng marai (12) sa du sharin hkam la nga ai rai nan shara lahkawng hta garan nna shayin ya nga ai lam shiga na chye lu ai. N dai zawn ma ni hpe Jinghpaw Laika sharin ya ai a yaw shada lam gaw Maigan de chyam bra nga ai Myu Sha ni tinang a laili laika, myu htunghking hpe grau chye tsawra manu shadan wa lu na hpe yaw shada le ya na zawn ma ni hpe Jinghpaw Laika sharin ya wa ai re lam hpe na chye lu ai.
MATUT HTI NA »
TA HKAW HKA WAN JAN MAKAU KAW GASAT
June (27) bat Masum
Wunpawng Mungdan Shanglawt Asuya Dap Ba (3) up hkang ginra rai nga ai Ta Hkaw Hka Wan Jak sin ai myen dap hk-l-y (319) dap na hpyen la ni madim lahta de lai lung wa ai majaw Dap Dung (15) na KIA myu tsaw share ninghkring ni dai na de daw hkying (3:30pm) ram hta hkap gap gasat lai wa sai lam shiga na chye lu ai. Kata lam shiga hpe gaw hkrak rai n chye lu ai. Myen asuya hpyen hpung ni gaw Wunpawng Mungdan Shanglawt Asuya uphkang ginra ni de shani shagu ngu na ram hpyen n gun, lak nak n gun ni sa bang taw nga ai lam hpe mung na chye lu ai.MATUT HTI NA »
ဖားကန္႔ၿမိဳ႕နယ္အေျခစိုက္ KIA တပ္ရင္း ၆ ၏ မူးယစ္ေဆး၀ါးတိုက္ဖ်က္ေရးေန႔
ဇြန္လ ၂၆ ရက္ေန႔ ဖားကန္႔ၿမိဳ႕နယ္ KIA တပ္ရင္း ၆ နယ္ေျမတြင္ KIO ၏ မူးယစ္ေဆး၀ါးတိုက္ဖ်က္ေရးေန႔ အခမ္းအနား ျပဳလုပ္ခဲ့ပါသည္။ ဖားကန္႔ေဒသခံအခ်ိဳ႕ႏွင့္ တပ္ရင္း ၆ မိသားစု အသိုင္းအ၀ိုင္းမ်ား တက္ေရာက္ ခဲ့ပါသည္။ ထိုအခမ္းအနားသို႔ တပ္ရင္း ၆ ၏ တပ္ရင္းမွဴး အင္ခြမ္ေဇာ္ဒြဲတက္ေရာက္ အမွာစကား ေျပာႀကား ခဲ့ပါသည္။ KIA အေနျဖင့္ႏွင့္ မူးယစ္ေဆး၀ါးမ်ားကို လူသားမ်ိဳးႏြယ္၏ ရန္သူအျဖစ္သတ္မွတ္ၿပီး စဥ္ဆက္မျပတ္ တိုက္ခိုက္ေျခမႈန္းေနေႀကာင္း၊ ဗမာအစိုးရအေနျဖင့္ ကခ်င္ျပည္နယ္တြင္ မူးယစ္ေဆး၀ါးကို လက္နက္ တစ္ခုသဖြယ္ အသံုးျပဳေနေႀကာင္း၊ မီဒီယာအခ်ိဳ႕၏ KIA အေပၚမူးယစ္ေဆး၀ါးႏွင့္ သံသယရွိမႈကို မဟုတ္မွန္ေႀကာင္း သက္ေသျပလိုေႀကာင္း၊ KIA အေနျဖင့္ မူးယစ္ေဆး၀ါးႏွိမ္ႏွင္းရာတြင္ ဗမာအစိုးရကဲ့သို႔ ဆိုင္းပုဒ္မ်ားႏွင့္သာ ႏွိမ္ႏွင္းျခင္းမဟုတ္ဘဲ လက္ေတြ႕လုပ္ေဆာင္ေႀကာင္း၊ ယခုတစ္ႀကိမ္မွလုပ္ေဆာင္ျခင္း မဟုတ္ေႀကာင္း ေခတ္ အဆက္ဆက္ မူးယစ္ေဆး၀ါးပေပ်ာက္ေရးစီမံကိန္းမ်ားခ်မွတ္၍ လုပ္ေဆာင္ခဲ့ေႀကာင္း၊ မီဒီယာအားနည္း၍ ျပည္သူလူထုအသိနည္းခဲ့ျခင္းသာျဖစ္ေႀကာင္း တပ္ရင္းမွဴးကရွင္းျပခဲ့ပါသည္။ ထို႔အျပင္ တပ္ရင္း ၆ မွအရာရွိတစ္ဦးက ဖားကန္႔ေဒသတြင္ ဗမာအစိုးရ ရဲမ်ားႏွင့္ အထူးမူးယစ္ရဲမ်ားသည္ ဖမ္းဆီးရရွိေသာ မူးယစ္ေဆး၀ါးမ်ားကို ျပန္လည္ျဖန႔္ေ၀ေရာင္းခ်ရာ ဌာနခ်ဳပ္ ျဖစ္ေန ေႀကာင္း ဗမာ့အစိုးရ ရဲမ်ားႏွင့္ အထူးမူးယစ္တပ္ဖြဲ႕မ်ားသည္ ၎တို႔၏ အလုပ္ကို ေသခ်ာစြာ မလုပ္သျဖင့္ ယေန႔ အခ်ိန္အထိ ေအာင္ျမင္မႈမရေႀကာင္း သူ၏အျမင္ကိုေျပာျပလာပါသည္။ ထို႔အျပင္ မူးယစ္ေဆး၀ါးႏွင့္ ပက္သက္ၿပီး ဖမ္းဆီးထားေသာ သူမ်ား ၁၁၂ ေယာက္(က်ား ၉၄ ဦး+ မ ၁၈ ဦး) ရွိေႀကာင္း၊ ထိုအထဲတြင္ ေ၀ွခါေမွာ္တြင္ မူးယစ္ေဆး၀ါးလာျဖန္႔စဥ္ ဖမ္းဆီးမိေသာ ဆိုင္းေတာင္ အထူးမူးယစ္ရံုးမွ ၀န္ထမ္းတစ္ဦး ပါရွိေႀကာင္း၊ အခ်ိဳ႕မွာ အထူးမူးယစ္ဌာနႏွင့္ ပက္သက္ေသာ သူမားလည္းပါ၀င္ေႀကာင္း၊ မိမိသေဘာျဖင့္ မူးယစ္ေဆး၀ါး ျဖတ္ေနေသာ သူ ၅၈ ဦး( KIA ၀န္ထမ္း ၄၈ ဦးႏွင့္ သာမာန္ျပည္သူ ၁၀ ဦး) ရွိေႀကာင္း ဆက္ လက္၍ ရွင္းျပပါသည္။
ဖားကန္႔ေဒသခံတစ္ဦးကမူ ‘ ဖားကန္႔ေဒသမွာ ေက်ာက္စိမ္းၿပီးရင္ ဒုတိယ၀င္ေငြအေကာင္းဆံုးက မူးယစ္လုပ္ငန္းေလ၊ ဒီေတာ့ လူတို္င္းလုပ္ခ်င္တာေပါ့၊ ဒါေပမဲ့တစ္ခုေတာ့ရွိတယ္ သူက တစ္ေခါက္ ေရာင္း၀ယ္ၿပီးရင္၊ ဆက္ၿပီးမေရာင္းဘဲေနလို႔မရေတာ့ဘူး၊ မူးယစ္ရဲေတြဆီက ယူၿပီးမေရာင္းလို႔မရဘူး၊ ဒါက ဒီေဒသရဲ႕အစဥ္အလာေလ၊ ကိုယ့္အဆက္အသြယ္နဲ႔ကို ၀ယ္ၿပီးေရာင္းဖို႔မစဥ္းစားနဲ႔ တစ္ခါတည္း အဖမ္းခံရမယ္။ အဲဒီလိုလူမ်ိဳးနဲ႔ မေရာင္းခ်င္ေတာ့တဲ့သူမ်ိဳးေတြဘဲအဖမ္းခံရေလ့ရွိတယ္‘ ဟုသူ၏ အျမင္ကို ရွင္းျပပါသည္။ သူကဆက္လက္ၿပီး ေမလတုန္းက ဆိုင္းေတာင္ မူးယစ္ရံုးနဲ႕ ဘိန္းေရာင္းခန္း နားမွာ မိုင္းကြဲေသးတယ္၊ KIA ကလုပ္တယ္လို႔ေတာ့ေျပာႀကတယ္၊ ဘယ္သူမွေတာ့မထိခိုက္ဘူး သတိေပးရံု သက္သက္လို႔ထင္တာပဲ ဟု ေျပာႀကားလာပါသည္။
တပ္ရင္း ၆ ၏မူးယစ္တုိက္ဖ်က္ေန႔တြင္ ဘိန္းျဖဴ ၅၃ပုလင္းခြဲ၊ ရာမ ၃၂၁၇ လံုး၊ ဘိန္းမဲပိတ္စ ၆ ပိႆာ ၆၀ က်ပ္သား၊ ဘိန္းစိမ္းအဆီ ၇ ပိႆာ၊ ဘိန္းမဲခ်က္ၿပီးခဲ ၁၃၇ ထုပ္ႏွင့္ ခပ္ပုန္ ၁၀၀ တံုး မီးရႈိ႕ဖ်က္ဆီးခဲ့ ေႀကာင္း တပ္ရင္း၆ မွတရား၀င္ေျပာႀကားလာပါသည္။
စားေရးသူအျမင္အားျဖင့္ဆိုေသာ္ ဗမာအစိုးရသည္ မူးယစ္ေဆး၀ါးကို အျမစ္ျပတ္ ေခ်မႈန္းလိုေသာ စိတ္ဆႏၵမရွိဘဲ လူမ်ိဳးျပဳန္းတီးေရးလက္နက္သဖြယ္အသံုးျပဳ ေနသည္မွာ လယ္ျပင္တြင္ ဆင္သြားသကဲ့သို႔ ထင္ရွားလွပါသည္။ ဗမာအစိုးရရဲႏွင့္ အထူးမူးယစ္ရဲမ်ား၏ ခြင့္ျပဳခ်က္ျဖင့္ဖြင့္ထားေသာ ဘိန္းခန္းမ်ား ဖားကန႔္ေမွာ္ေဒသတြင္ အလြယ္တကူေတြ႕ႏိုင္ပါသည္။ မိသားစုတစ္စုတြင္ မူးယစ္ေဆးစြဲေနသူ တစ္ဦးရွိပါက တစ္မိသားစုလံုး လူမႈေရးျပႆနာႀကံဳရတတ္ပါသည္၊ ထိုထက္ ေဘးပတ္၀န္းက်င္၊ ၿမိဳ႕ရြာမ်ားႏွင့္ ျပည္နယ္ႀကီးတစ္ခုလံုး အထိ ထိခိုက္လာတတ္ပါသည္။ အေနာက္ႏိုင္ငံမ်ား တရုတ္ျပည္ကို သိမ္းလိုေသာ ေႀကာင့္ ဘိန္းစစ္ဆင္ေရးလုပ္ေဆာင္ခဲ့သကဲ့သို႔ ကခ်င္ျပည္နယ္တြင္ ဗမာအစိုးရက မူးယစ္ေဆး၀ါးကို လက္နက္တစ္ခုအျဖစ္အသံုးျပဳၿပီး ရည္ရြယ္ခ်က္ရွိရွိလုပ္ေဆာင္ေနသျဖင့္ ကခ်င္ တစ္မ်ိဳးသားလံုး မူးယစ္ေဆး၀ါးကို ဘံုရန္သူအျဖစ္သတ္မွတ္၍ ၀ိုင္း၀န္းဆန္႔က်င္ သင့္ေႀကာင္း တင္ျပလိုက္ရပါသည္။
ေမာင္ရွင္းလင္း
၂၇/ ၆/ ၂၀၁၂
MATUT HTI NA »
HPAKANT TAMAHKAN MAKAU KAW GASAT
June (27) bat Masun
Wunpawng Mungdan Shanglawt Asuya Dap Ba (2) n bu Dung (6) ginra rai nga ai Hpakant Ginwang, Seng Tawng mare kaw dap jung ai myen tai dap hk-l-y (16) na n gun (50) jan gaw Tamahkan de dap June (14) ya shani dap htaw wa yang KIA Dung (6) npu na Mung Shawa Hpyen Hpung (MHH-9) ni kawn bawm hte hkap kapaw ai lam shiga na chye lu ai. N dai zawn MHH ni bawm hte htap kapaw ai hte myen hpyen la (2) hkala hkrum lai wa sai lam hte hkala hkrum ai myen hpyen la ni hpe Tamahkan tsirung de sa da lai wa sai lam shiga na chye lu ai. N dai hk-l-y (16) myen dap ni gaw lai wa sai May (31) ya shani Seng Tawng Buga Kyu hpyi bum de lak nak kaba ni hte gap bun ai hpyen dap ni re hpe mung matut na chye lu ai.There was a ambushed bombs attack by KIA special unit against Burmese army battalion hk-l-y (16) from Seng Tawng village where the best Jade in the world can be found. The attack took place on 27 June 2012, according to frontline reported that the more than (50) Burmese soldiers from Seng Tawng village, Hpakan District was moving to Tamahkan village under 2nd Brigade KIA control territories. While Burmese soldiers are on their way to Seng Tawng village, two road side bombs exoploded and seriousely wounded two Burmese soldiers according to report. These two wounded soldiers are taken to Tamahkam village hospital for treatment. The same Burmese soldiers are the one that fired many round of artilleries targeting at Holy Mountain Prayer of Kachin Christian believers.
ဇြန္လ ၂၄
ရက္တြင္ ဆိုင္းေတာင္အျခစိုက္ ခလရ ၁၆ အင္အား ၅၀ ေက်ာ္သည္ တာမခန္သို႔တပ္ေျပာင္းစဥ္ ဘုရားေတာင္အနီးတြင္
kia တပ္ရင္း၆ ျပည္သူ႔စစ္ တပ္ခြဲ ၉ မွ မိုင္းခြဲတိုက္ခိုက္ရာတြင္
ဗမာစစ္သား ၂ ဦးဒဏ္ရာရရွိသြားေႀကာင္း၊ တစ္ဦး မွာ ဒဏ္ရာျပင္းထန္ေႀကာင္း၊ ၎တို႕ကို တာမခန္
ျပည္သူ႕ေဆးရံုသို႔ပို႕ေဆာင္ထားေႀကာင္းေျပာႀကားလာပါသည္။ ထို တပ္ရင္း ၁၆ သည္ ေမလ ၃၁ ရက္ေန႔က
ဆိုင္းေတာင္ဆုေတာင္းကုန္းသို႔လက္နက္ႀကီးျဖင့္ပစ္ခတ္ခဲ့ေသာ တပ္ရင္းလည္းျဖစ္ပါသည္။
MATUT HTI NA »
ဦးေတဇ၏ ထူးကုမၼဏီက ၉ တန္းေက်ာင္းသားေလး၏ ေက်ာက္စိမ္းကိုသိမ္းဆည္း
ဇြန္လ ၁၇ ရက္ေန႔စေနေန႔တြင္ ေကာင္ဆန္ေမွာ္မွ အဖ ဦးမရန္ေဇာ္ထန္ႏွင့္ ေဒၚလဖိုင္ထုဆိုင္တို႔၏ သား ေမာင္ထြယ္ေအာင္ အသက္ ၁၇ ႏွစ္ (၉ တန္းေက်ာင္းသား) သည္ ေက်ာင္းပိတ္ရက္အားလပ္ရက္တြင္ မိဘမ်ား၏ ေငြေႀကးအခက္အခဲကို ကူညီရန္ေျဖရွင္းရန္ စြန္႔ပစ္ေျမစာပံုတြင္ ေက်ာက္စိမ္းရွာေဖြခဲ့ပါသည္။ ေတာင္က်ေရေျမာင္းႀကားမွ ေရမေဆးေက်ာက္စိမ္း ပိႆာ ၂၀ ခန္႔ရရွိခဲ့ပါသည္။ ထိုေက်ာက္စိမ္းအား ထူးကုမၼဏီက ၎တို႔ႏွင့္သက္ဆိုင္သည္ဟုဆိုကာ ကုမၼဏီတာ၀န္ခံ ဦးေက်ာ္ေဇာလင္း၊ ႀကီးႀကပ္ေရးမွဴး ဦးညီညီေအာင္တို႔မွ မတရားသိမ္းယူခဲ့ပါသည္။
ထိုကိစၥကိုေဒသခံမ်ားက မေက်မနပ္ျဖစ္ကာ တပ္ရင္း ၆ သို႔ အကူအညီ ေတာင္းခံသျဖင့္ တပ္ရင္း ၆ လက္ေအာက္ခံ တပ္ခြဲ ၉ မွ တပ္ခြဲမွဴး လခန္ခါးမွ ဦးေဆာင္ကာ ဇြန္လ ၂၄ ရက္ေန႔တြင္ ထူးကုမၼဏီ တာ၀န္ရွိသူမ်ားႏွင့္ ေက်းရြာတာ၀န္ရွိသူမ်ားႏွင့္ ေတြ႕ဆံုကာ တရားမွ်တ စြာ ေျဖရွင္းေပးခဲ့ပါသည္။ ကိုးတန္းေက်ာင္းသားေလးအား ကုမၼဏီကေက်ာက္စိမ္းယူမည္ေလာ၊ ေငြယူမည္ ေလာဟုေမးေသာအခါ ထိုေက်ာင္းသားေလးက ထိုက္တန္ေသာေငြေႀကးသာ ရရွိလိုေႀကာင္း ေျပာႀကား သျဖင့္ ေက်ာက္စိမ္းတန္ဖိုး က်ပ္ေငြ ၅ သိ္န္းကုမၼဏီက ျပန္လည္ေပးအပ္ခဲ့ပါသည္။
ထိုကိစၥကိုေဒသခံမ်ားက မေက်မနပ္ျဖစ္ကာ တပ္ရင္း ၆ သို႔ အကူအညီ ေတာင္းခံသျဖင့္ တပ္ရင္း ၆ လက္ေအာက္ခံ တပ္ခြဲ ၉ မွ တပ္ခြဲမွဴး လခန္ခါးမွ ဦးေဆာင္ကာ ဇြန္လ ၂၄ ရက္ေန႔တြင္ ထူးကုမၼဏီ တာ၀န္ရွိသူမ်ားႏွင့္ ေက်းရြာတာ၀န္ရွိသူမ်ားႏွင့္ ေတြ႕ဆံုကာ တရားမွ်တ စြာ ေျဖရွင္းေပးခဲ့ပါသည္။ ကိုးတန္းေက်ာင္းသားေလးအား ကုမၼဏီကေက်ာက္စိမ္းယူမည္ေလာ၊ ေငြယူမည္ ေလာဟုေမးေသာအခါ ထိုေက်ာင္းသားေလးက ထိုက္တန္ေသာေငြေႀကးသာ ရရွိလိုေႀကာင္း ေျပာႀကား သျဖင့္ ေက်ာက္စိမ္းတန္ဖိုး က်ပ္ေငြ ၅ သိ္န္းကုမၼဏီက ျပန္လည္ေပးအပ္ခဲ့ပါသည္။
ထို႔အျပင္ေဒသခံမ်ားက ကုမၼဏီမ်ား၏ မတရားေက်ာက္သိမ္းဆည္းမႈမ်ားကိုတိုင္ႀကားလာသျဖင့္ တပ္ခြဲမွဴးသည္ ေကာင္စံ၊ ေတာင္းေကာ့၊ ကရင္ေခ်ာင္၊ စေဘာ့၊ နမ့္ေမွာ္ စသည့္ေမွာ္ေဒသရွိ ကုမၼဏီမ်ားမွ တာ၀န္ခံမ်ားႏွင့္ ရပ္ရြာ လူႀကီးမ်ားကို ေခၚယူကာ ဇြန္လ ၂၄ ရက္ေန႔တြင္ အစည္းအေ၀းျပဳလုပ္ခဲ့ပါသည္။ ထိုအစည္းအေ၀းတြင္ တပ္ခြဲမွဴးက ႏိုင္ငံေတာ္အစိုးရအေနျဖင့္ တရား၀င္ ကုမၼဏီမ်ားကို ပိတ္သိမ္းထားခ်ိန္ တြင္ ေဒသခံမ်ားအား ကုမၼဏီျခံ၀န္းမွ လြဲ၍ လုပ္ကြက္မ်ားတြင္ လက္ျဖင့္ လြတ္လပ္စြာ ေက်ာက္စိမ္း တူးေဖာ္ ခြင့္၊ ေရမေဆး ေက်ာက္စိမ္း ရွာခြင့္ျပဳရန္ ေတာင္းဆိုခဲ့ပါသည္။ ေဒသခံမ်ားထံမွ သိမ္းယူထားေသာ ေက်ာက္စိမ္းမ်ားအား ျပန္လည္ေပးအပ္ရန္ႏွင့္ ဗမာစစ္သားႏွင့္ ရဲမ်ားအားကိုးျဖင့္ ျပည္သူလူထုအား အေႏွာင့္အယွက္မေပးရန္ သတိေပးခဲ့ပါသည္။ အကယ္၍ ျပည္သူမ်က္ႏွာကိုမေထာက္ဘဲ ေက်ာက္မ်ားကို မတရား သိမ္းဆည္းမည္၊ ေဒသခံမ်ားကို ရိုက္ႏွက္ဖမ္းဆီးမည္ဆိုပါက ကုမၼဏီကသာ တာ၀န္ခံရမည္ ျဖစ္ေႀကာင္း တပ္ခြဲမွဴးက သတိေပး ခဲ့ေႀကာင္း ေဒသခံမ်ားက ေျပာႀကားလာပါသည္။
ယခုအခါတြင္ ဖားကန္႔ေဒသတြင္ KIA ထိန္းခ်ဳပ္ ရာေမွာ္ေဒသမ်ားတြင္ ျပည္သူလူထု လြတ္လပ္ေပ်ာ္ရႊင္စြာ ေက်ာက္စိမ္းရွာေဖြေနေႀကာင္း ေဒသခံမ်ားက ေျပာႀကားပါသည္။ KIA အရာရွိတစ္ဦးက ‘လြန္ခဲ့တဲ့အပတ္က ေဂြခါေမွာ္မွာ ေက်ာက္စိမ္း သိန္း ၁၀၀၀ ေက်ာ္တန္ေက်ာက္တစ္လံုးထြက္တယ္၊ အဲဒါေက်ာက္ပိုင္ရွင္က သိန္း ၁၀၀ လာလွဴသြားတယ္၊ ကၽြန္ေတာ္ တို႔က ေတာ့ ဘယ္ေလာက္ရရင္ ဘယ္ေလာက္ေပးရမယ္ဆိုတာသတ္မွတ္ထားတာမရွိပါဘူး၊ အျပန္ အလွန္ ယံုႀကည္မႈပါ၊ သူတို႔လြတ္လြတ္လပ္လပ္ေက်ာက္တူးဖို႔ကၽြန္ေတာ္တို႔က ကာကြယ္ေပးထားတယ္၊ ဒါကို သူတို႔က ျပန္ၿပီးေက်းဇူးဆပ္တယ္လို႔ဘဲယူဆပါတယ္ ‘ ဟုေျပာႀကားလာပါသည္။ ဗမာအစိုးရ ထိန္းခ်ဳပ္ရာ ေမွာ္မ်ားတြင္ ေက်ာက္စိမ္းတူးေဖာ္ခြင့္ပိတ္ထားပါသည္။
ေမာင္ရွင္းလင္း
၂၇/ ၆/ ၂၀၁၂
၂၇/ ၆/ ၂၀၁၂
MATUT HTI NA »
MALI BUM RUN MARE HTA WUN CHYING GAWKNU HPE GAW GAP LA LU
June (27) bat Masum
Wunpawng Mungdan Shanglawt Asuya Dingdung Ginwang Ginjaw Pati Komiti
Tingyang Up Div. O sa du woi awn nna KIO Asuya hte Mung shawa lauban
launa ni jawm pawng nna gaw gap da lu sai Mali Bum Run mare na Wun
Chying Gawknu nnan hpe June (19) ya shani awng dang ai hte dingshawng
shang la lu sai lam shiga na chye lu ai. Bai, Masat (1) Dap Ba,
Shanglawt Masa Gat Hkai Hpung ni hte ka manawt shangwi shapyaw hpung ni
hku nna majan a majaw hkrit tsang garen gari hkrum nga ai Mali Bum Run,
Jahti Yang mare hkan na mung shawa masha ni hpe June (19-24) laman n gun
jaw shangwi shapyaw hkawm lu sai lam hpe mung na chye lu ai.
 |
| Dingdung Ginwang Ginjaw Pati Komiti Tingyang Up Div. O |
 |
| Masat (1) Dap Ba, Shanglawt Masa Gat Hkai Hpung ni hte ka manawt shangwi shapyaw hpung ni |
 |
| Mali Bum Run mare na Wun Chying Gawknu Nnan |
MATUT HTI NA »
SHINGRAN AI
Ngai tsaw ra amyit lawm ai,
Shawnglam de shingran nngai;
Jahpawt jau jau yup rawt ten,
Kyu shawng hpyi la myit sharen;
Nhku kata laika ka,
Hkuwat makau e dung nga;
Nbung katsi ni shang hprwi,
Bungli Katsi ni sha hpwi;
Kadawnpan s’ma sha mi wai,
Bawnu nchyan shaw dat sai;
Shinggan de chyan mada,
June marang htu abya;
Goi! M’janpa de shingran nngai,
Nye myit ni shawnglam du sai;
June marang madi manyap,
Kaduk nhkun hka hkrai pyap;
Myu tsaw Share Ninghkring ni,
Yu chyayat zawn nyap madi;
Ntsa de mung n galup,
Gangbang e wa shanhte yup;
Nsin nhtoi hpyen makran,
K’dai sha mung n sa shalan;
Jigrawng mayen manang tai,
Kawa ai pyi n na sai;
Jit gan ji na ten n nga,
Kaduk kata ji bang da;
Shat kawsi ai kan kyu kyu,
Nta shatgawk myit dum lu;
Nu shadu ai Nai shatmai,
Namchyim hpe marit dik ai;
Hpunlum hpalap lu lu taw,
Hpalap seng de dum ai yaw;
Magra sha na hpa n nga,
Marang dingsi mata sha;
Myu tsaw Brang a Tsaw Myit wa!
Hpa hte shadawn lam n nga;
Shinglet hte pyi tsun n dang,
Yesu hte rau hkam sharang;
Goi! G’loi wa mi she Simsa na,
Tak matu mung n chye wa;
Kaduk k’ta n-gun jaw ga,
Shingran hta e tsun kau da;
“Karai Wa bau sin u ga,
Chyeju hte naw sh’kut shaja;
Si shatmai shagun jaw na,
Myu Sh’yi ni hpe wa tsun ya;
Hprawng sha gaw hkum hprawng mat yaw,
Nachying kamhpa ga ai law”
Shanglawt Tsing
27.6.2012
Shawnglam de shingran nngai;
Jahpawt jau jau yup rawt ten,
Kyu shawng hpyi la myit sharen;
Nhku kata laika ka,
Hkuwat makau e dung nga;
Nbung katsi ni shang hprwi,
Bungli Katsi ni sha hpwi;
Kadawnpan s’ma sha mi wai,
Bawnu nchyan shaw dat sai;
Shinggan de chyan mada,
June marang htu abya;
Goi! M’janpa de shingran nngai,
Nye myit ni shawnglam du sai;
June marang madi manyap,
Kaduk nhkun hka hkrai pyap;
Myu tsaw Share Ninghkring ni,
Yu chyayat zawn nyap madi;
Ntsa de mung n galup,
Gangbang e wa shanhte yup;
Nsin nhtoi hpyen makran,
K’dai sha mung n sa shalan;
Jigrawng mayen manang tai,
Kawa ai pyi n na sai;
Jit gan ji na ten n nga,
Kaduk kata ji bang da;
Shat kawsi ai kan kyu kyu,
Nta shatgawk myit dum lu;
Nu shadu ai Nai shatmai,
Namchyim hpe marit dik ai;
Hpunlum hpalap lu lu taw,
Hpalap seng de dum ai yaw;
Magra sha na hpa n nga,
Marang dingsi mata sha;
Myu tsaw Brang a Tsaw Myit wa!
Hpa hte shadawn lam n nga;
Shinglet hte pyi tsun n dang,
Yesu hte rau hkam sharang;
Goi! G’loi wa mi she Simsa na,
Tak matu mung n chye wa;
Kaduk k’ta n-gun jaw ga,
Shingran hta e tsun kau da;
“Karai Wa bau sin u ga,
Chyeju hte naw sh’kut shaja;
Si shatmai shagun jaw na,
Myu Sh’yi ni hpe wa tsun ya;
Hprawng sha gaw hkum hprawng mat yaw,
Nachying kamhpa ga ai law”
Shanglawt Tsing
27.6.2012
MATUT HTI NA »
HKALUM MARE KAW DUNG (36) NI GAP
June (26) bat Lahkawng
Wunpawng Mungdan Shanglawt Asuya Sam Mung daju Dap Ba (4) n pu Dung (36) na KIA myu tsaw share ninghkring ni gaw Wandin Kapna maga de na lung wa ai myen hpyen Kutkai (45) dap ni hpe Hkalum Mare ntsa kaw June (26) ya jahpawt hkying (9:40am) ram hta hkap gasat ai lam shiga na chye lu ai. N dai zawn KIA ni hkap gap ai majaw myen hpyen la (8) si nna, (4) hkala lai wa sai lam matut na chye lu ai. Hkala hkrum ai myen hpyen la ni hpe Miwa hkran hku nna Shweli de htaw shalai la nna tsi tsi ya nga ai lam na chye lu ai.
Myen hpyng ni gaw ndai zawn KIA myu tsaw share ninghkring ni hkap gap gasat nna si, hkala hkrum ai majaw dai na maga de Hkalum mare de bai nhtang shang wa nan Kawngwai kaw hkai nu hkai nga ai Slg. Dawshi Ma Gam (asak 42) ninghpe wa gap sat kau ai lam, matut nna hkau na galau nga ai ma (3) a kawa Ying Shin Shang ngu ai miwa la hpe mung gap sat kau lai wa sai lam shiga na chye lu ai.
awn shiga na chye lu ai.
There was another firece fighting intrusion battle by Burmese army against (36) KIA battalion troops under 4th Brigade KIA base. The battle took placed in Hkalum village on 26 June 2012 at about (9:40am) loacal time. The Burmese battalion force (45) base in Kutkai are coming from Wadin Kapna China boarder town toward KIA control territories. According to frontline reported that the fighting killed (8) Burmese soldiers and (4) others wounded. The injured Burmese soldiers are taken to Shweli through China for emergency treatment in local hospital.
At same evening, Burmese soldiers immediately return to Hkalum village then shot dead Mr. Dawshi Ma Gam, 42 years old while he was planting corn in his farm. According eye witness reported that he was not arm farmer from that village, Burmese soldiers killed this innocent Kachin civilian men for retaliation of the lost of their fellow soldiers lifes in the battle against KIA in the the same village. Not only the Burmese soldiers killed innocent villager but also killed Ying Shin Shang (Chinese). While he was plodding his farm and also unarm innocent farmer and father of 3 childrens.
There was another firece fighting intrusion battle by Burmese army against (36) KIA battalion troops under 4th Brigade KIA base. The battle took placed in Hkalum village on 26 June 2012 at about (9:40am) loacal time. The Burmese battalion force (45) base in Kutkai are coming from Wadin Kapna China boarder town toward KIA control territories. According to frontline reported that the fighting killed (8) Burmese soldiers and (4) others wounded. The injured Burmese soldiers are taken to Shweli through China for emergency treatment in local hospital.
At same evening, Burmese soldiers immediately return to Hkalum village then shot dead Mr. Dawshi Ma Gam, 42 years old while he was planting corn in his farm. According eye witness reported that he was not arm farmer from that village, Burmese soldiers killed this innocent Kachin civilian men for retaliation of the lost of their fellow soldiers lifes in the battle against KIA in the the same village. Not only the Burmese soldiers killed innocent villager but also killed Ying Shin Shang (Chinese). While he was plodding his farm and also unarm innocent farmer and father of 3 childrens.
MATUT HTI NA »
MUNGKAN KA-NI NANGHPAM NINGHKAP MASAT NHTOI
Goi! Mungkan ntsa shinggyim masha,
Nga mi nga hte pra mi pra;
Shanchyang shanhpraw htoi n l'ta,
Yawng a hpyen Ka-ni re da.
Nanghpam lusha ndai dap,
Mungkan ntsa jawm ninghkap.
Oh! Daini Mungkan ting myit hkrum,
Ninghkap masat nhtoi rum;
Bandung bung asuya sh'gu,
Ka-ni nanghpam g'sat garu;
June shata 26 hta,
Masat nhtoi galaw sa.
Goi-yi-i! Daini anhte Wunpawngsha,
Sharai ra sai laimasa;
Amyusha yawng a ahpyen,
Shaoichyum shoirang she dinghkren;
Makam masham a hpyen rai,
Wenyi lam mung hkrat sum sai.
Oh! Ramma ni a hpyen kaba,
Makru kaba daw di hkra;
Hkamja lam yawng ginlut kau,
AIDS ana hpyau,
Ngwi pyaw dinghku n de lu,
Matsan tsin-yam panglai du.
Goi-law-aw! Shi hte hkrum jang sharai yak,
Kalang shut jang amyit mak;
Myusha lam-yan manghkang hkang,
Asuya pyi n dang mazang;
Tsadan lang laknak ndai,
Wunpawng sha ni kaw hkrai hkrai.
Daini! Tsadanwa masing jahkrat,
Kachin shamyit na ladat;
Kahtet majan hte anut,
Katsi majan hte mung rut;
Mabyin satlawat matsing da,
Ja ja koi yen ga yaw ya.......
Shanglawt Tsing
26/6/2012
Nga mi nga hte pra mi pra;
Shanchyang shanhpraw htoi n l'ta,
Yawng a hpyen Ka-ni re da.
Nanghpam lusha ndai dap,
Mungkan ntsa jawm ninghkap.
Oh! Daini Mungkan ting myit hkrum,
Ninghkap masat nhtoi rum;
Bandung bung asuya sh'gu,
Ka-ni nanghpam g'sat garu;
June shata 26 hta,
Masat nhtoi galaw sa.
Goi-yi-i! Daini anhte Wunpawngsha,
Sharai ra sai laimasa;
Amyusha yawng a ahpyen,
Shaoichyum shoirang she dinghkren;
Makam masham a hpyen rai,
Wenyi lam mung hkrat sum sai.
Oh! Ramma ni a hpyen kaba,
Makru kaba daw di hkra;
Hkamja lam yawng ginlut kau,
AIDS ana hpyau,
Ngwi pyaw dinghku n de lu,
Matsan tsin-yam panglai du.
Goi-law-aw! Shi hte hkrum jang sharai yak,
Kalang shut jang amyit mak;
Myusha lam-yan manghkang hkang,
Asuya pyi n dang mazang;
Tsadan lang laknak ndai,
Wunpawng sha ni kaw hkrai hkrai.
Daini! Tsadanwa masing jahkrat,
Kachin shamyit na ladat;
Kahtet majan hte anut,
Katsi majan hte mung rut;
Mabyin satlawat matsing da,
Ja ja koi yen ga yaw ya.......
Shanglawt Tsing
26/6/2012
MATUT HTI NA »
BUM RUN MARE HKA LIM
June (26) bat Lahkawng
Wunpawng Mungdan Shanglawt Asuya Dingdung Ginwang Ginjaw Dap Ba (1) uphkang Ginra ra hta June (24) ya kawn Mali Hka kaba wa ai majaw buga masha ni hte ja htu ja shap nga ai ni jam jau hkrum nga ai lam shiga na chye lu ai. Mali hka daru mare rai nga ai Bum Run mare mung hka lim ai lam hte hpaga la ni a ja htu jak ni mung hka lim mat ai lam matut na chye lu ai. Ya na zawn marang htu ai lam n nga ai sha Mali hka tung kaba wa ai a majaw buga ma sha ni jam jau hkrum nga ai lam shiga na chye lu ai. N Mai Hka mung lai wa sai (2004) ning hka kaba ai shadang hta lalam (3) tsaw jat nna kaba ai lam matut na chye lu ai.There was a dreadful flooding on 24 June 2012, wash way Bum Run village in 1st Brigade KIA control territory according to village reported. Suddent rise of Malihka river that caused severe flood and destroyed villeger’s homes and gold mining operations in that areas. However there was no heavy downfall of rain around the region but suprisingly high wave of flood water caused terrible destruction to villagers livelyhood. The flood has also destroyed goldmine machines and equipments that stop their daily works. The villagers are shortage of food supplies and fear of their lifes and future. According report cited that this year flood water level is extremely higher than year 2004 flood water level.
MATUT HTI NA »
JAHTI HKA MAHKRAI GALAW NGUT KRE LA SAI
June (26) bat Lahkawng
Wunpawng Mungdan Shanglawt Asuya, Dingdung Ginwang Ginjaw uphkang ginra kata Jahti Yang hte N Byen mare lapran na Jahti Hka Sumri Mahkrai hpe KIO Asuya woi awn let Mung shawa lauban ni kawn jawm pawng nna awng dang ai hte June (16) ya shani galaw ngut kre la lu sai lam shiga na chye lu ai. N dai mahkrai gaw Jahti Hka hku de nga ai mare (30) jan na mung shawa masha ni hpe akyu jaw ya ai mahkrai rai nna galu de pe (320') rai nna dam de pe (4') re lam hpe mung na chye lu ai.
MATUT HTI NA »
DINGDUNG GINWANG HTA KA-NI PAT JASAN N HTOI GALAW
June (26) bat Lahkawng
Wunpawng Mungdan Shanglawt Asuya, Dingdung Ginwang Ginjaw, Masat (1) Dap Ba Daju, Majoi Gawk Nu hta Mung shawa, Dap shawa, Jawng ma, Jawng sara/num masha n-gun yawng marai (506) hte jahpawt hkying (10:00am) kawn (12:00noon) lapran Mungkan Ka-ni Nang Hpam Ninghkap Masat N'htoi hpawng galaw lai wa sai lam shiga na chye lu ai. Lamang hta Ginwang Ginjaw Uphkang Du (Ka-ni Nanghpam Pat Jasan Ningbaw) hte Dap Ba (1) Shingja Du yan kaw na Ka-ni Nanghpam gaw amyu ting a hpyen madung re lam, ninghkap gasat na matu marai hkum ting dek hta lit nga ai lam, san seng ai amyu, san seng ai Magam Dap, san sneg ai Magam gun byin tai ra ai lam hpaji jaw tsun shadun lai wa sai hpe na chye lu ai. Zuphpawng ngut ai hpang 2011-2012 laman lu rim da ai Ka-ni Nang Hpam malu masha ni hpe shawa man hta wan nat jahten ai lam hpe galaw lai wa sai hta nat jahten kau ai Ya Ma tawng (271), Yoi tsi tawng (45), Ka-ni chyang lap (2) jan, Ka-ni hpraw penicillin soi kasha (31) tup re lam hpe mung na chye lu ai. Dingdung Ginwang Ginjaw, KIO uphkang gaiwang kata Mali hka mayan ja htu nga ai Maw masha ni kaji kajaw lu sha, dut mari ai hta lai, ru di mung shawa ni hta Ka-ni nanghpam hte seng nna lu sha, dut mari, hkai shatut ai lam n nga sai ngu tsun lu ai lam myitsu ni kawn tsun shana wa ai.MATUT HTI NA »
DAP BA (5) GINRA HTA KA-NI DAWN DABANB HPAW
June (26) bat Lahkawng
Wunpawng Mungdan Shanglawt Asuya KIO/KIA kawn dai ni ang ai Mungkan Ka-ni pat jasan n htoi masat hku nna Hkumlum Yang, Hkaga Hka Kau kaw Namhpam Pat Ja San hte Ka-ni Dawn dabang hpe hpaw da lu sai lam shiga na chye lu ai. N dai Ka-ni Dawn Dabang hpe dai hpawt daw hkying (9:00am) ten kaw hpang ai lam hte Mungkan Ka-ni pat jasan n htoi masat hku nna Miwa gumhrpaw sen (4) jan ram manu nga ai, Ka-ni Hpraw, Ka-ni Chyang hte laga namhpam tsi mawan ni hpe mung nat jahten kau lai wa sai lam shiga na chye lu ai.MATUT HTI NA »
MYEN HK-L-Y (390) DAP JUNG AI GANG DAU DU HPE KIA NI ZING
June (26) bat Lahkawng
Wunpawng Mungdan Shanglawt Asuya Dap Ba (5) up hkang ginra rai nga ai N pawng mare makau na Gang Dau Du kaw dap jung tawn ai myen hpyen asuya a hk-l-y (390) a shara hpe Du Kaba Shakyi Tu oi awn ai KIA Dap Nawng daju hpung ni hte Ginjaw Shim Lam hpung na myu tsaw share ninghkring ni kawn daini hkying (1:30) ram hta wa zing madu la kau sai lam shiga na chye lu ai.On 26 June 2012, KIA troops have success take control of Burmese army bese battalion hk-l-y (390) stationed in Gang Dau Du village under KIA administrative control territories. The Burmese army base was seized by KIA troops led by Major Shakyi Tu and with the joint effect by special unit troops of KIA administrative territory. KIA troops have captured and gained full control of Burmese army battalion base in Gang Dau Du on 26 June 2012 at about (1:30pm) local time. There was no immediate report of causalties from both side.
MATUT HTI NA »
SINNA GINWANG HTA KA-NI PAT JASAN N HTOI LAMANG GALAW
June (26) bat Lahkawng
Wunpawng Mungdan Shanglawt Asuya Sinna Ginwang Ginjaw, Masat (2) Dap Ba Daju uphkang ginra rai nga ai, Awng Lawt Mare, Awng Lawt Gawknu kata kaw Mungkan Ka-ni Nanghpam Patjasan Nhtoi Madi Shadaw Hpawng hpe Dap shawa Mung mare masha yawng marai (387) sa du shang lawm ai hte June (26) ya jahpawt hkying (8:30am) kawn (10:00am) du hkra kabu gara galaw la lu sai lam shiga na chye lu ai. Tinang magam Dap kawn lu Rim zing la ai Ka-ni, Yama ni nat kau ai hta (1) Sumpan ka-ni chyang joi (26) Dala (260), (2) Yama tawng (409) re lam chye lu ai. Lamang hpe Daw-I Lamang hta, Ka-ni nanghpam ni hpe nat saza kau ai lam galaw nhtawm, Daw-II lamang ten hta Ka-ni Nanghpam gaw Amyu ting a No.(1) Hpyen kaba langai re hte tinang KIO/KIA hku nna mung, ja ja ninghkap gasat nga ai lam, Ka-ni nanghpam hpe ja ja koi gam mat wa na lam ni hpe Sadi jaw matsun maroi mungga hpe Sinna Ginwang Ginjaw Ningtau Uphkang Du (A/Div. O) Salang Kaba Lagawng La Tawng kaw nna, Jinghpaw Ga hku tsun sang lang dan ngut ai hpang Masat (2) Dap Ba, Du Up Tingba Naw Htoi kaw nna mung Myen Ga hku tsun sang lang dan sai lam chye lu ai. Sinna Ginwang Ginjaw Hkamja Du, Du Up Lagoit Brang Mai kaw nna, Ka-ni nanghpam lu, sha, htu, marawp, jai lang jang n-myit mada Ana kap bra wa chye ai lam, byin hkrum hkra wa chye ai lam ni hpe tsun sanglang hpaji jaw la ngut ai hte Hpawng hpe hpungdim dat la lu sai lam shiga na chye lu ai.MATUT HTI NA »
Subscribe to:
Comments (Atom)
